മിനിയേച്ചർ കുക്കിങ് നമ്മുടെ സമൂഹ മാധ്യമങ്ങളുടെ ഇഷ്ടവിഷയമാണ്. പലപ്പോഴും ഒരു ഫുൾ കോഴ്സ് മിനിയേച്ചർ മീൽസ് തന്നെ തയ്‌യാറാക്കുന്ന ആളുകളെ യൂട്യൂബിൽ കാണാം. എന്നാൽ മിനിയേച്ചർ കുക്കിങ്ങിന്റെ നേർവിപരീതമായ ഒരു വീഡിയോയാണ് ഇപ്പോൾ വൈറലാകുന്നത്. ഫിറോസ് ചുട്ടിപ്പാറയുടെ വില്ലേജ് ഫുഡ് ചാനലിലാണ് ഈ വ്യത്യസ്തമായ വിഭവം പങ്കുവയ്‍ക്കുന്നത്. 25 കിലോ ഭാരമുള്ള ലോലിപോപ്പാണ് ഇവർ ഒരുക്കിയത്. ഞങ്ങൾ ലോകത്തിലെ ഏറ്റവും വലിയ ലോലിപോപ്പ് തയ്‌യാറാക്കി എന്നാണ് വീഡിയോയുടെ ക്യാപ്ഷൻ.
ലോലിപോപ്പ് ബാല്യത്തിന്റെ ഒരു ഓർമയാണെന്നും, അതിനാലാണ് ലോലിപോപ്പ് തയ്‌യാറാക്കുന്നതെന്നും ഫിറോസ് പറയുന്നുണ്ട്.
വീഡിയോയിൽ വലിയ പാത്രത്തിൽ ഇവർ മിഠായി തയ്‌യാറാക്കുന്ന രീതികളും വീഡിയോയിൽ കാണിക്കുന്നുണ്ട്. 12 മണിക്കൂർ കൊണ്ടാണ് മിഠായി റെഡിയാുന്നത്. പല നിറങ്ങൾ ചേർത്താണ് ഈ ഭീമൻ ലോലിപോപ്പ് തയ്‌യാറാക്കിയിരിക്കുന്നത്. ഒരു മില്യൺ ആളുകൾ ഈ ഭീമൻ മിഠായി തയ്‌യാറാക്കുന്ന വീഡിയോ കണ്ടിട്ടുണ്ട്. 50 കിലോ വരുന്ന വമ്പൻ മാംഗോ ഐസ് കാൻഡി തയ്‌യാറാക്കുന്ന വീഡിയോയും മുമ്പ് ഇവർ പങ്കുവച്ചിരുന്നു.
Content Highlights: Online Cooking Channel Makes 25 Kg Lollipop
