ഫ്രൂട്ട് ഡയറ്റിലാണോ? തിരഞ്ഞെടുക്കാം ഈ പഴങ്ങള്‍

പഴങ്ങൾ കഴിച്ചുകൊണ്ടുള്ള ഡയറ്റിലാണോ നിങ്ങൾ? വളരെ വേഗത്തിൽ ശരീരഭാരം കുറയ്‍ക്കാനുള്ള മാർഗങ്ങളിലൊന്നാണ് ഫ്രൂട്ട് ഡയറ്റെന്ന് ആരോഗ്യവിദഗ്ധർ പറയുന്നു. ഫ്രൂട്ട് ഡയറ്റുകൊണ്ട് ശരീരഭാരം കുറയുക മാത്രമല്ല, മറിച്ച് വിശപ്പ് നിയന്ത്രിക്കാനും കഴിയുമെന്ന് അവർ ചൂണ്ടിക്കാട്ടുന്നു. ഫ്രൂട്ട് ഡയറ്റിൽ എല്ലാ പഴങ്ങളും ഉൾപ്പെടുത്തേണ്ട ആവശ്യമില്ല. എന്നാൽ, മധുരവും കലോറിയും കുറഞ്ഞ പഴങ്ങൾ തിരഞ്ഞെടുക്കാൻ ശ്രദ്ധിക്കണം.

വാഴപ്പഴം

പ്രോട്ടീന്റെ കലവറയാണ് വാഴപ്പഴം. മാംഗനീസ്, പൊട്ടാസ്യം തുടങ്ങിയ പോഷകങ്ങളും വാഴപ്പഴത്തിൽ ധാരാളമായി അടങ്ങിയിരിക്കുന്നു. രക്തത്തിലെ പഞ്ചസാരയുടെയുടെ അളവ് നിലനിർത്തുന്നതിനും ഇൻസുലിൻ ഉത്‌പാദനം ക്രമീകരിക്കുന്നതിനും വാഴപ്പഴം സഹായിക്കുന്നുണ്ട്. വാഴപ്പഴം ചേർത്ത് സാലഡും ഷെയ്‍ക്കും തയ്‌യാറാക്കി കഴിക്കുന്നത് നല്ലതാണ്.

ആപ്പിൾ

കലോറി കുറവും ഫൈബർ കൂടുതലും അടങ്ങിയിട്ടുള്ള ആപ്പിൾ ഫ്രൂട്ട് ഡയറ്റിൽ ഏറ്റവും അനുയോജ്യമായ പഴങ്ങളിലൊന്നാണ്. വിശപ്പടക്കുന്നതിനുള്ള മികച്ചമാർഗമാണ് ആപ്പിൾ. ആപ്പിൾ കഴിക്കുന്നത് കൂടുതൽ ഉണർവും ഉന്മേഷവും തരുന്നതിനാൽ ദിവസം മുഴുവൻ ഊർജസ്വലതയോടെ ഇരിക്കാനും സഹായിക്കുന്നു.

അവക്കാഡോ

അവക്കാഡോ കഴിക്കുന്നത് പെട്ടെന്ന് വയർ നിറഞ്ഞെന്ന തോന്നലുണ്ടാക്കും. എന്നാൽ, ശരീരഭാരത്തിൽ ഒട്ടും വർധനവും ഉണ്ടാക്കില്ല. നല്ല കൊഴുപ്പും ധാരാളമായി അടങ്ങിയിരിക്കുന്നതിനാൽ ഡയറ്റിൽ ആശങ്കകളൊന്നും കൂടാതെ ഉൾപ്പെടുത്താവുന്ന പഴങ്ങളിലൊന്നു കൂടിയാണ് അവക്കാഡോ.

മുന്തിരി

വിറ്റാമിൻ സിയുടെ സമ്പന്നമായ സ്രോതസ്സാണ് മുന്തിരി. ഇത് രോഗപ്രതിരോധശേഷി വർധിപ്പിക്കാൻ സഹായിക്കുന്നു. ഇത് കൂടാതെ, രക്തസമ്മർദം നിയന്ത്രിച്ച് നിർത്തുന്നതിനും മുന്തിരി സഹായിക്കുന്നുണ്ട്.

Content highlights: these fruits are helthy to include in your fruit diet