നോൺവെജ് വിഭവങ്ങളിൽ പ്രമുഖനാണ് മുഗളായി ചിക്കൻ. ചെറിയ രീതിയിൽ വറുത്തെടുത്ത ചിക്കൻ കൊണ്ടാണ് ഈ വിഭവം തയ്‌യാറാക്കുന്നത്. നോർത്ത് ഇന്ത്യൻ വിഭവമായ ഇത് തയ്‌യാറാക്കാനും എളുപ്പമാണ്. ചപ്പാത്തി, അപ്പം, ചോറ് എന്നിവയ്‍ക്ക് മികച്ച കോമ്പിനേഷനാണ്.
ചേരുവകൾ
- ചിക്കൻ: 500 ഗ്രാം
- മഞ്ഞൾ: 1/2 ടീസ്പൂൺ
- കുരുമുളക്: 1 ടീസ്പൂൺ
- ഗരം മസാല: 1/2 ടീസ്പൂൺ
- ഉപ്പ്: 1/2 ടീസ്പൂൺ
- തൈര്: 2 ടേബിൾ സ്പൂൺ
- പച്ചമുളക്: 6
- ബേ ലീഫ്: 2 എണ്ണം
- ഗ്രാമ്പൂ: 4
- ഏലയ്‍ക്ക: 4
- കറുവപ്പട്ട : 1 ചെറിയ പീസ്
- ജാതി പത്രി: 1
- സവാള: 3 ഇടത്തരം
- ഇഞ്ചി വെളുത്തുള്ളി പേസ്റ്റ്: 1 ടേബിൾ സ്പൂൺ
- കശുവണ്ടി: 30
- ഉണക്കമുന്തിരി: 10-12
- തേൻ: 1 ടേബിൾ സ്പൂൺ
- കസൂരി മെത്തി: 1 ടീസ്പൂൺ
- പാൽ: 4 ടേബിൾ സ്പൂൺ
- കുങ്കുമപ്പു പാലിൽ ചാലിച്ചത് : 5 ടേബിൾ സ്പൂൺ
- നെയ്‌യ്: 3 ടേബിൾ സ്പൂൺ
- എണ്ണ
- ചൂടുവെള്ളം: 1.5 കപ്പ്
- നാരങ്ങ നീര്: 1 ടീസ്പൂൺ
- ഉപ്പ്
തയ്‌യാറാക്കുന്ന വിധം
ആദ്യം നമുക്ക് ചിക്കൻ കഷ്ണങ്ങൾ മഞ്ഞൾപ്പൊടി കുരുമുളകുപൊടി ഗരം മസാല ഉപ്പ്, തൈര് എന്നിവ ഉപയോഗിച്ച് മാരിനേറ്റ് ചെയ്‌യാം. 30 മിനിറ്റ് മാറ്റി വയ്‍ക്കുക. 2 ടേബിൾ സ്പൂൺ നെയ്‌യും 1 ടേബിൾ സ്പൂൺ എണ്ണയും ഒഴിച്ച് ചൂടാക്കുക, ചെറുതീയിൽ 1 ബേ ലീഫ്, കറുവപ്പട്ട, ഗ്രാമ്പൂ ഏലയ്‍ക്ക ജാതി പത്രി 1/2 ടീസ്പൂൺ ജീരകം കശുവണ്ടിയും ഉണക്കമുന്തിരിയും ചേർത്ത് വഴറ്റുക ..
ഇനി സവാള ചേർത്ത് നന്നായി വഴറ്റുക 5 പച്ചമുളകും 1 ടീസ്പൂൺ ഇഞ്ചി വെളുത്തുള്ളി പേസ്റ്റും ചേർത്ത് അസംസ്കൃത മണം അപ്രത്യക്ഷമാകുന്നതുവരെ നന്നായി ഇളക്കുക …ഇത് ഒരു പാത്രത്തിലേക്ക് മാറ്റുക.തണുത്തതിനുശേഷം അരച്ചെടുക്കുക
ഇനി ചിക്കൻ കഷ്ണങ്ങൾ വറുത്തെടുക്കാം .വറുത്ത ചിക്കൻ കഷണങ്ങളിലേക്ക് സവാള പേസ്റ്റിനൊപ്പം 1.5 കപ്പ് ചൂടുവെള്ളം ഉപ്പ് 1 പച്ച മുളകും ഒരു ബേ ലീഫ് ചേർത്ത് മൂടി വച്ച് 10 മിനിറ്റ് വേവിക്കുക .
ഇനി 1 ടേബിൾ സ്പൂൺ തേൻ കസൂരി മേത്തിയും മല്ലിയിലയും 1/2 ടീസ്പൂൺ ഗരം മസാലയും
കുങ്കുമപ്പൂ 5 ടേബിൾ സ്പൂൺ പാലിൽ കുതിർത്ത് ചേർത്ത്2 മിനിറ്റ് വേവിക്കുക. അവസാനം 1 ടീസ്പൂൺ നാരങ്ങ നീര് 1 ടേബിൾ സ്പൂൺ നെയ്‌യ് ചേർത്ത് ഇളക്കുക .
Content Highlights: chicken mugalayi recipe
