എളുപ്പത്തിൽ തയ്യാറാക്കാൻ പറ്റുന്ന വിഭവമാണ് അച്ചാർ. പൈനാപ്പിൾ ഉപയോഗിച്ച് വളരെ വേഗം തയ്യാറാക്കാൻ പറ്റുന്ന അച്ചാർ പരിചയപ്പെടാം.
ചേരുവകൾ
- പൈനാപ്പിൾ 2 കപ്പ്
- മുളക് പൊടി ( കശ്മീരി ) 2-3 ടീസ്പൂൺ
- കായപ്പൊടി 1/2 ടീസ്പൂൺ
- വിനാഗിരി 1 ടേബിൾ സ്പൂൺ
- ഉപ്പ്
- പഞ്ചസാര 2-3 ടീസ്പൂൺ
- കടുക്, ഉലുവ, കറിവേപ്പില, എണ്ണ താളിക്കാൻ
തയ്യാറാക്കുന്ന വിധം
പൈനാപ്പിൾ ചെറുകഷ്ണങ്ങളാക്കുക ഒരു പാനിൽ എണ്ണ ചൂടാക്കി കടുകും ഉലുവയും കറിവേപ്പിലയും താളിക്കുക. ഉടനെ തന്നെ പാൻ അടുപ്പിൽ നിന്നും മാറ്റി മുളകുപൊടിയും കായപ്പൊടിയും ചേർത്ത് ഒന്നു വറുത്തു അതിലേക്കു പൈനാപ്പിൾ ചേർക്കാം .നല്ലോണം ഇളക്കി പാൻ വീണ്ടും അടുപ്പിലേക്ക് വെയ്ക്കാം. ഇനി ഉപ്പ് പഞ്ചസാര ചേർത്ത് നന്നായി ഇളക്കി ചെറുതീയിൽ അടച്ചു വെച്ചു പാകം ചെയുക.
വെള്ളം ഇതിൽനിന്നും ഊറി വരും.. പൈനാപ്പിൾ പാകത്തിന് വെന്തു വരുമ്പോൾ വിനാഗിരി ഒഴിക്കാം… ഇളക്കി വാങ്ങി വെയ്ക്കാം.
