കോട്ടയം: മന്ത്രി എം.എം മണിയുടെ പൈലറ്റ് ഡ്യൂട്ടിക്കായി പോയ പോലീസ് ജീപ്പ് തലകീഴായി മറിഞ്ഞു. മൂന്ന് പോലീസുകാർക്ക് പരിക്കേറ്റു.
ചങ്ങനാശ്ശേരിക്ക് സമീപം മാമ്മൂട്ടിൽ വെച്ചാണ് അപകടം നടന്നത്. തൃക്കൊടിത്താനം പോലീസ് സ്റ്റേഷനിലെ ജീപ്പാണ് അപകടത്തിൽപ്പെട്ടത്.
എസ് ഐ അടക്കം മൂന്നു പോലീസുകാർ ആയിരുന്നു വാഹനത്തിൽ ഉണ്ടായിരുന്നത്.
പരിക്കേറ്റവരെ പ്രഥമശുശ്രൂഷ നൽകി വിട്ടയച്ചു. ഇന്ന് വൈകുന്നേരം നാലരയോടെയാണ് അപകടം സംഭവിച്ചത്. നിയന്ത്രണം നഷ്ടമായ ജീപ്പ് തലകീഴായി മറിയുകയായിരുന്നു.
