മുഖ്യമന്ത്രി എന്ന നിലയിൽ വൈകുന്നേരങ്ങളിൽ പ്രജകളെ ഉപദേശിക്കുന്നതും പിന്നീട് ഉത്തരവായി വരുന്നതുമായ നിയന്ത്രണങ്ങൾ പാലിക്കാൻ മുഖ്യമന്ത്രിക്ക് ഉത്തരവാദിത്വമുണ്ട്. വിവാഹം, മരണാനന്തര ചടങ്ങുകൾ അടക്കമുള്ളവയിൽ കൂടിച്ചേരാവുന്ന ആളുകളുടെ എണ്ണം നിശ്ചയിക്കപ്പെട്ടിട്ടുണ്ട്. പിന്നെങ്ങനെ സത്യപ്രതിജ്ഞാ ചടങ്ങിൽ ഇക്കാര്യത്തിന് ഇളവ് വരുത്താൻ സാധിക്കും, കെ സുരേന്ദ്രൻ ചോദിച്ചു.
ചന്ദ്രശേഖരൻ നായർ സ്റ്റേഡിയത്തിൽ എണ്ണൂറുപേർ എങ്ങനെ പങ്കെടുക്കും. കൊവിഡ് പോസിറ്റീവായിരിക്കെ റോഡ് ഷോ നടത്തി. പോസിറ്റീവായ ഭാര്യക്കും കൊച്ചു കുഞ്ഞിനോടുമൊപ്പം യാത്ര ചെയ്തു. വീട്ടിൽ വിജയാഘോഷത്തിന് മാസ്ക് പോലുമില്ലാതെ ഒത്തുകൂടി. യഥാ രാജാ തഥാ പ്രജ, അതായത് അമ്മാവന് അടുപ്പിലുമാകാമോയെന്ന് പച്ചമലയാളം- സുരേന്ദ്രൻ പറഞ്ഞു.
ഭൂരിപക്ഷം കിട്ടയതുകൊണ്ട് നിയമം ലംഘിക്കാമെന്ന് വിചാരിക്കരുത്. ചടങ്ങ് ഓൺലൈൻ വഴി നടത്തണം. സത്യവാചകം ചൊല്ലിക്കൊടുക്കുന്ന ഗവർണർ ഇക്കാര്യത്തിൽ ഉപദേശിക്കണമെന്നും സുരേന്ദ്രൻ വ്യക്തമാക്കി.
