വ്യത്യസ്തമായ രുചികളിൽ തയ്‌യാർ ചെയ്ത വിഭവങ്ങളുടെ കലവറയാണ് ഇന്ത്യയെന്ന് പറയാറുണ്ട്. ഇന്ത്യയിലെ ഓരോ സംസ്ഥാനത്തും തനത് രുചികളിൽ വിഭവങ്ങൾ ലഭിക്കും. എരിവും പുളിയും ഉപ്പും ചേർത്ത് തയ്‌യാർ ചെയ്തെടുക്കുന്ന ഇന്ത്യൻ വിഭവങ്ങൾക്ക് ലോകമെമ്പാടും ആരാധകർ ഏറെയുമാണ്.
ഇന്ത്യൻ ശൈലിയിൽ തയ്‌യാർ ചെയ്ത ചിക്കൻ ടിക്ക മസാല ആദ്യമായി കഴിക്കുന്ന സ്പാനിഷ് യുവതിയുടെ വീഡിയോ ആണ് സോഷ്യൽ മീഡിയയിൽ ഹിറ്റായിരിക്കുന്നത്. ചിക്കൻ വിഭവം കഴിച്ച് രുചി അറിഞ്ഞശേഷമുള്ള യുവതിയുടെ പ്രതികരണമാണ് സോഷ്യൽ മീഡിയ ഏറ്റെടുത്തിരിക്കുന്നത്. മാഡ്രിഡിലെ ഒരു റെസ്റ്റൊറന്റിൽ വെച്ചാണ് ചിക്കൻ ടിക്ക മസാല ഫാത്തിമ ദെ ടെറ്റുവാൻ എന്ന യുവതി കഴിക്കുന്നത്. ചിക്കൻ വിഭവത്തിന്റെ രുചി അറിഞ്ഞശേഷം അത്ഭുതപ്പെട്ട് നിൽക്കുന്ന യുവതിയെയാണ് വീഡിയോയിൽ കാണാൻ കഴിയുന്നത്. ചിക്കൻ ടിക്ക മസാല കഴിക്കുന്ന വീഡിയോ ഇവർ തന്നെയാണ് തന്റെ ഇൻസ്റ്റഗ്രാം പേജിലൂടെ പങ്കുവെച്ചത്. തൊട്ടുപിന്നാലെ വീഡിയോ വൈറലാകുകയായിരുന്നു. എന്റെ ജീവിതത്തിലെ കഴിഞ്ഞ 20 വർഷത്തിനിടെ ഒരു ഇന്ത്യൻ വിഭവം കഴിച്ചിട്ടില്ല എന്നത് വിശ്വസിക്കാൻ ആകുന്നില്ലെന്ന് വീഡിയോയിൽ ഫാത്തിമ പറയുന്നുണ്ട്.
ഒരു വലിയ പാത്രം നിറയെ ചിക്കൻ ടിക്ക മസാലയ്‍ക്ക് മുമ്പിൽ ഇരിക്കുന്ന ഫാത്തിമയെയാണ് വീഡിയോയിൽ കാണാൻ കഴിയുക. ചപ്പാത്തി ചിക്കൻ ടിക്ക മസാലയിൽ മുക്കി ആദ്യമായി കഴിച്ചപ്പോഴുള്ള അത്ഭുതപ്പെട്ടുകൊണ്ടുള്ള ഫാത്തിമയുടെ പ്രതികരണമാണ് സോഷ്യൽ മീഡിയയുടെ മനം കവർന്നത്. ഇത് അടിപൊളിയാണെന്നും ഇത്രയും നാൾ ഈ വിഭവം കഴിക്കാതിരുന്നത് വലിയ നഷ്ടമാണെന്നും വീഡിയോയിൽ ഫാത്തിമ പറയുന്നുണ്ട്. എന്റെ ജീവിതത്തിൽ കഴിച്ച ഏറ്റവും മികച്ച ഭക്ഷണമാണിതെന്നും ഫാത്തിമ കൂട്ടിച്ചേർത്തു.
ഏഴുലക്ഷത്തിൽ അധികം പേരാണ് വീഡിയോ ഇതുവരെ കണ്ടിരിക്കുന്നത്. ഒരു ലക്ഷത്തിൽ അധികം പേർ വീഡിയോ ലൈക്ക് ചെയ്‌യുകയും നൂറുകണക്കിന് കമന്റുകൾ ലഭിക്കുകയും ചെയ്തു.
Content highlights: chicken tikka masala spanis women taste an indian food for first time viral video
