നിലക്കടല കൊണ്ടുണ്ടാക്കിയ ഉത്പന്നങ്ങൾ കുട്ടികളുടെ ആഹാരക്രമത്തിൽ വളരെ നേരത്തെ ഉൾപ്പെടുത്തുന്നത് പയറുവർഗങ്ങളോടുള്ള അലർജിയിൽനിന്ന് മോചനം നൽകുമെന്ന് പഠനം.
ചെറിയ കുഞ്ഞുങ്ങളായിരിക്കുമ്പോൾ തന്നെ നിലക്കടല കൊണ്ടുള്ള ഭക്ഷണങ്ങൾ കൊടുക്കുന്നത് പതിയെ അലർജി പ്രശ്നങ്ങളിൽ നിന്ന് അവർക്ക് വിടുതൽ നൽകുമെന്നും പഠനത്തിൽ വ്യക്തമാക്കുന്നു. ദ ലാൻസെറ്റ് എന്ന ജേണലിലാണ് പഠനം പ്രസിദ്ധീകരിച്ചത്.
നിലക്കടല അലർജിയുള്ള 146 കുട്ടികളിലാണ് പഠനം നടത്തിയത്. നവജാത ശിശുക്കൾ മുതൽ മൂന്നു വയസ്സുവരെയുള്ള കുട്ടികളാണ് പഠനത്തിൽ പങ്കെടുത്തത്. ഇവരെ രണ്ടര വർഷത്തോളം നിരീക്ഷിച്ചും പഠനവിധേയവുമാക്കിയാണ് റിപ്പോർട്ട് തയ്‌യാറാക്കിയത്.
പഠനത്തിൽ പങ്കെടുത്ത 96 പേർക്ക് നിലക്കടല അടങ്ങിയ പ്രോട്ടീൻ പൗഡർ ദിവസവും കൊടുത്തു. പതിയ ഡോസ് കൂട്ടിക്കൊടുത്തായിരുന്നു നിരീക്ഷണം. ബാക്കിയുള്ള കുട്ടികൾക്ക് ഓട്സ് പൊടിയും നൽകി.
നിലക്കടല പ്രോട്ടീൻ പൗഡർ കഴിച്ച 20 കുട്ടികളിൽ അലർജിയോടുള്ള തീഷ്ണത കുറഞ്ഞതായി കണ്ടെത്തി. തെറാപ്പി അവസാനിച്ച് ആറുമാസത്തിന് ശേഷം ഒരുതരത്തിലുള്ള അലർജി പ്രശ്നങ്ങളും അവരിൽ റിപ്പോർട്ട് ചെയ്തില്ല. ഓട്സ് പൗഡർ നൽകിയ ഒരു കുട്ടിയിലും അലർജി പ്രശ്നങ്ങൾ ഉണ്ടായില്ല.
Content highlights: adding peanut food product to young childrens diet can help avoid allergy study
