കപ്പ്കേക്ക് ചോദിച്ച് സോഷ്യൽ മീഡിയയെ ചിരിപ്പിച്ച മലയാളി പെൺകുട്ടിയെ അത്രവേഗമൊന്നും മറക്കാൻ ഇടയില്ല. അടുക്കളയിൽ കയറി പലഹാരങ്ങൾ മോഷ്ടിച്ചു തിന്നുന്ന ചെറിയ കുട്ടികളുടെ വീഡിയോകൾ സോഷ്യൽ മീഡിയയിൽ വേഗം തരംഗമാകാറുണ്ട്. കുട്ടികളുടെ നിഷ്കളമായ ചിരിയും നോട്ടവുമെല്ലാം ആസ്വാദകരെ പിടിച്ചിരുത്തുന്ന ഘടകമാണ്.
പൊരിച്ച ചിക്കൻ കഷ്ണങ്ങൾ കറുമുറെ കടിച്ച് തിന്നുന്ന 11 മാസം പ്രായമായ കുരുന്നിന്റെ വീഡിയോ ആണ് സോഷ്യൽ മീഡിയയുടെ മനം കവർന്നിരിക്കുന്നത്. കഴിഞ്ഞ രാത്രി എന്നെക്കാൾ നന്നായി ചിക്കന്റെ ചിറക്(വിംഗ്) ഭാഗം വൃത്തിയാക്കിയത് അവനാണ്. ഞാൻ ഞെട്ടിപ്പോയി എന്ന ക്യാപ്ഷനോടെ കുഞ്ഞിന്റെ അമ്മയാണ് വീഡിയോ ട്വീറ്റ് ചെയ്തത്.
എല്ലിൽ ഒരു തരി പോലും ഇറച്ചി ബാക്കി വയ്‍ക്കാതെ കടിച്ച് മുറിച്ച് കഴിക്കുകയാണ് അവൻ. ഇറച്ചി കഴിക്കുന്നതിന് അവന് ആരുടെയും സഹായം ഇല്ലെന്നാണ് വീഡിയോയിൽ നിന്ന് മനസ്സിലാക്കാൻ കഴിയുന്നത്. പാത്രത്തിൽ ഒരു ചെറിയ കഷ്ണം പോലും ചിക്കൻ ബാക്കി വെക്കാതെയാണ് അവൻ കഴിച്ച് പൂർത്തിയാക്കിയത്. ഇടയ്‍ക്ക് വെച്ച് കഴിപ്പ് നിർത്തി പാത്രത്തിൽ ഇനി വല്ല ചിക്കനും ബാക്കിയുണ്ടോയെന്ന് പരിശോധിക്കുന്നതും വീഡിയോയിൽ കാണാൻ കഴിയും.
25 ലക്ഷത്തിൽ പരം ആളുകളാണ് ഇതുവരെ ഈ വീഡിയോ കണ്ടിരിക്കുന്നത്. ഒരു ലക്ഷത്തിൽ കൂടുതലാളുകൾ 18 സെക്കൻഡ് ദൈർഘ്യമുള്ള വീഡിയോയ്‍ക്ക് ലൈക്ക് അടിക്കുകയും ചെയ്തു.
രസകരമായ കമന്റുകളാണ് വീഡിയോയ്‍ക്ക് ലഭിക്കുന്നത്. 2071 ആകുമ്പോൾ കുട്ടി ഇങ്ങനെയായിരിക്കും കഴിക്കുകയെന്ന് പറഞ്ഞ് കുറേ പ്ലേറ്റിൽ ഭക്ഷണം കഴിക്കുന്ന ഒരാളുടെ ഫോട്ടോ കമന്റായി നൽകിയിട്ടുണ്ട്. ഏറെ വൈദഗ്ധ്യം ഉള്ള ഒരാളെപ്പോലെയാണ് കുട്ടി ഭക്ഷണം കഴിക്കുന്നതെന്ന് മറ്റൊരാൾ അഭിപ്രായപ്പെട്ടു. രാത്രിയിൽ കുട്ടി നന്നായി ഉറങ്ങിയെന്ന് കരുതട്ടെയെന്ന് മറ്റൊരാൾ ചോദിച്ചു.
Not him cleaning the chicken wing better than me last night. I’m shook 😳
&mdash Knight (@knightsglow)
Content highlights: toddler eats chicken wings alone, Viral video, viral tweet
