സാംസങ് ഗാലക്സി എ03 കോർ ഇന്ത്യൻ വിപണിയിലെത്തുന്നു. 6.5 ഇഞ്ച് ഇൻഫിനിറ്റി വി ഡിസ്പ്ലേയും 5000 എംഎഎച്ച് ബാറ്ററിയുമായാണ് ഫോൺ എത്തുന്നത്. ആൻഡ്രോയിഡ് 11 അടിസ്ഥാനമാക്കിയുള്ള ആൻഡ്രോയിഡ് ഗോ ഓഎസിലാണ് ഫോണിന്റെ പ്രവർത്തനം.
യുണിസോക് എസ് സി 9863എ ഒക്‍ടാകോർ ചിപ്പ്സെറ്റാണ് ഫോണിലുള്ളത്. എട്ട് എംപി റിയർ ക്യാമറയും സെൽഫിയ്‍ക്ക് വേണ്ടി അഞ്ച് എംപി ക്യാമറയും നൽകിയിരിക്കുന്നു.
രണ്ട് ജിബിയാണ് റാം. 32 ജിബിയാണ് ഇന്റേണൽ സ്റ്റോറേജ്. 1 ടിബി വരെയുള്ള മൈക്രോ എസ്ഡി കാർഡുകൾ ഉപയോഗിക്കാം. കറുപ്പ്, നീല എന്നീ രണ്ട് നിറങ്ങളിലാണ് സാംസങ് എ03 അവതരിപ്പിച്ചിരിക്കുന്നത്. 7999 രൂപയാണ് ഇതിന് വില.
സാംസങ് വെബ്സൈറ്റിലും മുൻനിര ഓൺലൈൻ സ്റ്റോറുകളിലും, രാജ്യത്തുടനീളമുള്ള റീട്ടെയിൽ സ്റ്റോറുകളിലും ഫോൺ വിൽപനയ്ക്കെത്തും.
സാംസങിന്റെ എ സീരീസിലേക്ക് ഗാലക്സി എ33 5ജി ഫോൺ അടുത്തവർഷം പുറത്തിറങ്ങിയേക്കുമെന്നാണ് റിപ്പോർട്ടുകൾ. ഷാവോമി, ഒപ്പോ പോലുള്ള ബ്രാൻഡുകളിൽ നിന്നുള്ള ഫോണുകളെ വിപണിയിൽ നേരിടാനെത്തുന്ന ഒരു മിഡ് റ്റു ലോ റേഞ്ച് സ്മാർട്ഫോൺ ആയിരിക്കുമിതെന്നാണ് റിപ്പോർട്ടുകൾ. 2022 ൽ പുറത്തിറങ്ങുന്ന ആദ്യ എ സീരീസ് ഫോൺ ആയിരിക്കും ഇത്. 5000 എംഎഎച്ച് ബാറ്ററി, 6.4 ഇഞ്ച് ഇൻഫിനിറ്റി യു ഹോൾ പഞ്ച് ഡിസ്പ്ലേ ആയിരിക്കും ഇതിന് എന്നും റിപ്പോർട്ടുകൾ പറയുന്നു.
Content Highlights: samsung confirmed galaxt a03 core in india
