മധുരവും പുളിയും ഇടകലര്‍ന്ന ഹണി ചിക്കന്‍

എളുപ്പമാണെന്ന് മാത്രമല്ല വേഗത്തിലും തയ്‌യാറാക്കാവുന്ന വിഭവം. മധുരത്തിനൊപ്പം പുളിയും എരിവും കൂടിച്ചേരുന്ന രുചി. സ്വാദിഷ്ടമായ ഹണി ചിക്കൻ തയ്‌യാറാക്കുന്നതെങ്ങനെയെന്ന് നോക്കാം.

കഴുകി വൃത്തിയാക്കിയ ചിക്കൻ ചെറിയ കഷ്ണങ്ങളാക്കി മുറിക്കുക. ഇത് അടുപ്പിൽ പാൻ വെച്ച് ചൂടായശേഷം തീ കുറച്ച് വെച്ച് വറുത്തെടുക്കുക. ഇത് മാറ്റി വെക്കുക.

മറ്റൊരു പാൻ അടുപ്പത്ത് വെച്ച് ചെറുതീയിൽചൂടാക്കുക. ഇതിലേക്ക് തേനും വെണ്ണയും ഒഴിക്കുക. വെണ്ണ നന്നായി ഉരുകിക്കഴിയുമ്പോൾ തീ കെടുത്തി വെക്കുക. ഇതിലേക്ക് നാരങ്ങാ നീര്, ഇഞ്ചി വെളുത്തുള്ളി പേസ്റ്റ്, ഉപ്പ്, കുരുമുളക് പൊടി എന്നിവ നന്നായി ഇളക്കിച്ചേർക്കുക. ഈ കൂട്ടിലേക്ക് വറത്തുവെച്ചിരിക്കുന്ന ചിക്കൻ കഷ്ണങ്ങൾ ചേർത്ത് നന്നായി കൂട്ടിയോജിപ്പിക്കുക. ചെറുതീയിൽ ഇത് വേവിച്ചെടുക്കാം.

Content highlights: how to make honey chicken with sweet and sour taste