എളുപ്പത്തിൽ പാചകം ചെയ്‌യാം എന്നതാണ് പലർക്കും നൂഡിൽസിനെ പ്രിയങ്കരമാക്കുന്നത്. നൂഡിൽസ് സോസിനൊപ്പവും ക്രീമിനൊപ്പവുമൊക്കെ കഴിക്കുന്നതു കണ്ടിട്ടുണ്ടാവും. എന്നാൽ ഇപ്പോൾ സമൂഹമാധ്യമത്തിൽ നിറയുന്നത് നൂഡിൽസും മുളകും ചേർന്നൊരു കോമ്പിനേഷന്റേതാണ്.
മാഗി മിർച്ചി എന്ന പേരിലാണ് ചിത്രങ്ങൾ വൈറലാകുന്നത്. മുളകിനുള്ളിൽ നൂഡിൽസ് നിറച്ചിരിക്കുന്നതാണ് ചിത്രത്തിലുള്ളത്. മുളക് നെടുകെ കീറി അതിനുള്ളിലാണ് നൂഡിൽസ് നിറച്ചിരിക്കുന്നത്.
Stuffed Maggie mirch 💕
&mdash जिज्ञासा (@imcurious__)
ഇത്തരമൊരു കോമ്പിനേഷനെക്കുറിച്ച് ഇതുവരെ കേട്ടിട്ടില്ല എന്നാണ് ഭൂരിഭാഗം പേരും പറയുന്നത്. ചിലരാകട്ടെ നൂഡിൽസിന് കൊടുക്കാവുന്ന മറ്റു ചില ട്വിസ്റ്റുകളെക്കുറിച്ചും പങ്കുവെച്ചു. മുളക് നെടുകെ കീറെ അതിലേക്ക് നൂഡിൽസ് നിറച്ച് ചീസും ഉള്ളിയും ചില്ലി ഫ്ളേക്സും നിറച്ച് റോസ്റ്റ് ബേക് ചെയ്‌യാൻ പറയുന്നതാണത്. സ്പൈസി കെച്ചപ്പിനൊപ്പം ഈ കോമ്പിനേഷൻ തകർക്കും എന്നാണ് പലരും പറയുന്നത്.
Well 😬😂
&mdash जिज्ञासा (@imcurious__)
അതിനിടെ ഐസ്ക്രീം കോണിനുള്ളിൽ നൂഡിൽസ് നിറച്ചു കഴിക്കുന്നതിന്റെ ചിത്രം പങ്കുവെച്ചവരും ഉണ്ട്. ഇത്തരത്തിൽ രുചികളെ ഇല്ലായ്മ ചെയ്‌യുന്നവരെ ശിക്ഷിക്കാൻ വകുപ്പുണ്ടാക്കണം എന്നാണ് പലരും രസകരമായി കമന്റ് ചെയ്‌യുന്നത്.
Maggie ice cream 🍦💕
&mdash Rohit Agnibhoj !!! (@RohitAgnibhoj)
Content Highlights: Woman Makes ‘Maggi Mirchi’ By Stuffing Noodles Inside Massive Green Chillis
