ചടുലമായ ആക്ഷൻ രംഗങ്ങളും അഭിനയചാരുത കൊണ്ടും ലോകത്താകെ ആരാധകരുള്ള ഹോളിവുഡ് നടനാണ് ടോം ക്രൂയിസ്. ഇംഗ്ലണ്ടിലെ ഇന്ത്യൻ റെസ്റ്റോറന്റിൽ എത്തിയ താരത്തിന്റെ ചിത്രമാണ് ശ്രദ്ധ നേടുന്നത്. പ്രശസ്ത ഇന്ത്യൻ ഗായിക ആശ ഭോസ്ലെയുടെ ഉടമസ്ഥതയിലുള്ള റെസ്റ്റോറന്റാണിത്. ആശാ ഭോസ്ലെയാണ് ഈ ചിത്രം ഇൻസ്റ്റഗ്രാമിൽ പങ്കുവച്ചത്. റെസ്റ്റോറന്റിന്റെ ഔദ്യോഗിക ഇൻസ്റ്റഗ്രാം പേജും ഈ ചിത്രം പങ്കുവച്ചിട്ടുണ്ട്.
ചിക്കൻ ടിക്ക മസാലയാണ് അദ്ദേഹം കഴിച്ചതെന്നും ഈ വിഭവം ക്രൂയിസിന് വളരെയധികം ഇഷ്ടമായെന്നും പോസ്റ്റിൽ പറയുന്നു. അദ്ദേഹം വിഭവത്തിന് നൽകിയ പ്രശംസ വലിയ രീതിയിൽ തന്നെ കാണുന്നുവെന്നും ഹോട്ടൽ അധികൃതർ പറയുന്നു. ടോം ക്രൂയിസ് ഹോട്ടൽ ജീവനകാർക്കൊപ്പം നിൽക്കുന്ന ചിത്രവും പങ്കുവച്ചിട്ടുണ്ട്.
ഞങ്ങളുടെ ഇടത്തേയ്‍ക്ക് അദേഹത്തെ വീണ്ടും പ്രതീക്ഷിക്കുന്നുവെന്ന് ആശ ഭോസ്ലെയും പറയുന്നു. ഇതിന് മുൻപ് എഡ് ഷീറൻ ഇവിടത്തെ ഭക്ഷണപ്പെരുമ കേട്ട് എത്തിയിരുന്നു.
Content Highlights: Tom Cruise Dines at Asha Bhosles England Restaurant
