വായില്‍ വെള്ളമൂറും ഉണക്ക മുളക്കൂമ്പും കോഴി ഇറച്ചിയും |ട്രൈബല്‍ ഫുഡ്

രുചിയേറുന്ന നിരവധി വ്യത്യസ്ത വിഭവങ്ങളുണ്ട് നമ്മുടെ ആദിവാസി സമൂഹത്തിനിടയിൽ. ഉണക്ക മുളക്കൂമ്പും കോഴി ഇറച്ചിയും പരീക്ഷിച്ചാലോ

ചേരുവകൾ

1. ഉണക്കമുളക്കൂമ്പ്- ഒരു പിടി(കഴുകി വൃത്തിയാക്കിയത്)
2. ചിക്കൻ- ഒരു കിലോ( കഷണങ്ങളാക്കി അരിഞ്ഞത്)
3. ഉണ്ടമല്ലി- മൂന്ന് സ്പൂൺ (വറുത്ത് പൊടിച്ചത്)
4. ഉണക്കമഞ്ഞൾ- അരസ്പൂൺ (പൊടിച്ചത്)
5. ചെറിയ ഉള്ളി- ഒരുപിടി (ഉരലിൽ ചതച്ചത്)
6. വെളുത്തുള്ളി- നാലോ അഞ്ചോ (ഉരലിൽ ചതച്ചത്)
7. ഉണക്ക കാന്താരി- എരിവിന് ആവശ്യത്തിന്, ചതച്ചത്
8. ഉപ്പ്- പാകത്തിന്
9. വെള്ളം- ആവശ്യത്തിന്

തയ്‌യാറാക്കുന്ന വിധം

കഷണങ്ങളാക്കി അരിഞ്ഞ ഇറച്ചി ആവശ്യത്തിന് വെള്ളം ചേർത്ത് വേവിക്കുക. പകുതി വെന്താൽ ഇതിലേക്ക് കഴുകി വൃത്തിയാക്കിയ മുളക്കൂമ്പ് ഇട്ട് നന്നായി തിളപ്പിക്കുക. അതിനു ശേഷം പൊടിച്ചു വച്ചിരിക്കുന്ന മല്ലി, മഞ്ഞൾ, ചെറിയുള്ളി, ഉപ്പ്, വെളുത്തുള്ളി, ഉണക്കകാന്താരി, എന്നവ ചേർത്ത് നന്നായി വേവിക്കുക. (ഉരലിൽ പൊടിച്ച ചേരുവകളാണ് രുചി കൂടുതൽ നൽകുന്നത്.)

Content Highlights: bamboo and chicken Kerala Tribal food recipe