ചിക്കൻ പ്രേമികളുടെ പ്രിയ വിഭവമാണ് കടായി ചിക്കൻ. വീട്ടിലും ഇതേ വിഭവം രുചിയിൽ തയ്‌യാറാക്കാവുന്നതാണ്. എരിവ് മുന്നിൽ നിൽക്കുന്ന ഈ വിഭവം ചപ്പാത്തി, ചോറ്, അപ്പം എന്നിവയ്ക്കൊപ്പം മികച്ച കോംമ്പിനേഷനാണ്.
ചേരുവകൾ
- കടായി മസാല
- ജീരകം: 1 ടീസ്പൂൺ
- പെരുംജീരകം: 1 ടീസ്പൂൺ
- കുരുമുളക്: 1 ടീസ്പൂൺ
- ബേ ലീഫ്: 1
- കറുവപ്പട്ട: ഒരു ചെറിയ കഷ്ണം
- ഏലം: 3
- മല്ലി: 2 ടീസ്പൂൺ
- ഉണക്ക ചുവന്ന മുളക്: 3
എല്ലാം കുറഞ്ഞ തീയിൽ വറത്തെടുക്കു..മിക്സറിൽ പൊടിചെടുക്കുക..
- ചിക്കൻ മാരിനേഷൻ
- ചിക്കൻ: 500 ഗ്രാം
- കടായി മസാല: 1.5 ടീസ്പൂൺ
- മുളകുപൊടി: 1/2 ടേബിൾ സ്പൂൺ
- മഞ്ഞൾ: 1/2 ടീസ്പൂൺ
- വിനാഗിരി: 1 ടീസ്പൂൺ
എല്ലാം ചേർത്ത് 30 മിനിറ്റ് നന്നായി മാരിനേറ്റ് ചെയ്‌യുക
- മസാല തയ്‌യാറാക്കൽ
- കാപ്സിക്കം: 1 മീഡിയം
- സവാള: 1
- ഉണങ്ങിയ ചുവന്ന മുളക്: 2
- കസൂരി മേത്തി: 1 ടീസ്പൂൺ
- മുളകുപൊടി: 1.5 ടേബിൾ സ്പൂൺ
- മല്ലിപൊടി: 2 ടീസ്പൂൺ
- നെയ്‌യ്: 3 ടീസ്പൂൺ
- സവാള: 2 വലുത്
- തക്കാളി: 3
- ഗരം മസാല : 1/2 ടീസ്പൂൺ
- മല്ലി ഇലി- ആവശ്യത്തിന്
തയ്‌യാറാക്കുന്ന വിധം
ഒരു പാനിൽ 2 ടീസ്പൂൺ സൺ ഫ്ലവർ ഓയിൽ ചേർത്ത് 1 ഇടത്തരം സവാള 2 ഉണങ്ങിയ ചുവന്ന മുളകും 1 ചെറിയ കാപ്സിക്കവും ചേർത്ത് വഴറ്റുക .. ഒരു പാത്രത്തിലേക്ക് മാറ്റുക. അതേ എണ്ണയിൽ 2tsp നെയ്‌യ് ചേർത്ത് ചിക്കൻ കഷ്ണങ്ങൾ വറുത്തെടുക്കുക ..
അതേ ചട്ടിയിൽ 1 ടേബിൾ സ്പൂൺ ഇഞ്ചി വെളുത്തുള്ളി പേസ്റ്റ് ചേർത്ത് തവിട്ട് നിറമാകുന്നതുവരെ വഴറ്റുക .ഇനി അരിഞ്ഞ സവാള ചേർത്ത് dark brown ആകുന്നതുവരെ വഴറ്റുക .. 3 വലിയ അരിഞ്ഞ തക്കാളി ചേർത്ത് നന്നായി വഴറ്റുക. 1.5 ടേബിൾ സ്പൂൺമുളകുപൊടി, 2 ടീസ്പൂൺ മല്ലിപൊടി മഞ്ഞൾ പൊടി ചേർത്ത് നന്നായി വഴറ്റുക ..
വറുത്ത ചിക്കൻ ചേർത്ത് ഇളക്കുക .. ഇതിലേക്ക് 1/2 കപ്പ് ചൂടുവെള്ളം ചേർത്ത് ഇളക്കുക ..
അതേസമയം 20 കശുവണ്ടി ചെറുചൂടുള്ള വെള്ളത്തിൽ കുതർത്തുക , 5 ടേബിൾ സ്പൂൺ വെള്ളം ഉപയോഗിച്ച് അരച്ചെടുക്കുക .. ഇത് ചേർത്ത് നന്നായി ഇളക്കുക .. മൂടി വച്ച് 6 മിനിറ്റ് വേവിക്കുക
ഇനി നാരങ്ങ നീര് ചേർത്ത് കടായ് മസാല ആവശ്യത്തിന് ഉപ്പ്, ഗരം മസാല ചേർത്ത് വേവിക്കുക 5 മിനിറ്റ് ….അവസാനം വഴറ്റിയ സവാള കാപ്സിക്കം ഒരു ടീസ്പൂൺ നെയ്‌യ്, മല്ലിയില എന്നിവ ചേർത്ത് 1 മിനിറ്റ് വേവിക്കുക .. രുചികരമായ കടായി ചിക്കൻ തയ്‌യാറായി.
Content Highlights: Kadai chicken recipe
