ഭക്ഷണപ്രേമികളുടെ മനസ്സിൽ രാജകീയ സ്ഥാനമാണ് ബിരിയാണിക്കുള്ളത്. ചെട്ടിനാട് ബിരിയാണി, തലശ്ശേരി ബിരിയാണി, ഹൈദരാബാദി ബിരിയാണി തുടങ്ങി നിരവധി തരം ബിരിയാണികൾ ലഭ്യമാണ്. ചോക്ളേറ്റ് ഒഴിച്ച് കഴിക്കുന്ന ബിരിയാണിയാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്.
എഫ്.എച്ച്.എം പാക്കിസ്ഥാൻ എന്ന യുട്യൂബ് ചാനലിലാണ് ഇതിനെ കുറിച്ചുള്ള വീഡിയോ വന്നിരിക്കുന്നത്. കറാച്ചിയിലെ ആർ സി ബി ഹോട്ടലിലാണ് ഈ വിഭവം വിൽക്കുന്നത്.
സാധാരണ ബിരിയാണിയിലേക്ക് ചോക്ളേറ്റ് ലായനി ഒഴിച്ചാണ് ഈ വിഭവം നൽകുന്നത്. അടിപൊളിയാണെന്നാണ് ബിരിയാണി കഴിച്ച അവതാരകൻ പറയുന്നത്.
എന്നാൽ വിചിത്രമായ ഈ കോംമ്പിനേഷനിൽ തൃപ്തരല്ല ഭക്ഷണപ്രേമികൾ. അവതാരകന്റെ അഭിനയം അടിപൊളിയാണെന്നാണ് കമന്റുകൾ. ബിരിയാണിയെ അപമാനികരുതെന്നും ചിലർ അഭിപ്രായപ്പെട്ടു.
Content Highlights: Chocolate biriyani from karachi
