കുരുമുളക് ഇട്ട് വരട്ടിയെടുത്ത ചിക്കൻ തയ്യാറാക്കുന്നത് എങ്ങനെയെന്ന് പരിചയപ്പെടാം. കേരള സ്റ്റെലിൽ തയ്യാറാക്കുന്ന ഈ വിഭവം ചപ്പാത്തി, അപ്പം, ചോറ് എന്നിവയ്ക്കൊപ്പം കഴിക്കാം.
ചേരുവകൾ
- മസാല പേസ്റ്റിനായി
- കുരുമുളക്: 3 ടേബിൾ സ്പൂൺ
- പെരുംജീരകം: 1 ടേബിൾ സ്പൂൺ
- ജീരകം: 1 ടീസ്പൂൺ
- കുഞ്ഞുള്ളി : 20
- മഞ്ഞൾപ്പൊടി: 1/2 ടീസ്പൂൺ
- മല്ലിപൊടി: 1.5 ടേബിൾ സ്പൂൺ
- കശുവണ്ടി: 10-15
- മുഴുവൻ ഗരം മസാല : 2 bay leaf, 3 ഏലയ്ക്ക, 4 ഗ്രാമ്പൂ
- വെളിച്ചെണ്ണ: 4 ടേബിൾ സ്പൂൺ
ഒരു പാൻ ചൂടാക്കി 4 ടേബിൾ സ്പൂൺ വെളിച്ചെണ്ണ ചേർത്ത് മുഴുവൻ ഗരം മസാലയും മറ്റ് എല്ലാ ചേരുവകളും കുറഞ്ഞ തീയിൽ വഴറ്റുക. ഉള്ളി ചെറുതായി വഴൻട് വന്നതിന് ശേഷം മഞ്ഞൾപ്പൊടിയും മല്ലിപൊടിയും ചേർത്ത് നന്നായി വഴറ്റുക ..
ഇത് തണുക്കുമ്പോൾ 3-4 ടേബിൾ സ്പൂൺവെള്ളം ഉപയോഗിച്ച് നന്നായി അരച്ചെടുക്കുക.
മസാലയ്ക്ക്
- ഇഞ്ചി വെളുത്തുള്ളി ചതച്ചത് : 4 ടേബിൾ സ്പൂൺ
- ചിക്കൻ: 1 കിലോ
- ഗരം മസാല: 1.5 ടീസ്പൂൺ
- ജീരകം പൊടി: 1/2 ടീസ്പൂൺ
- പച്ചമുളക്: 4 എണ്ണം കുരു കളഞ്ഞത്
- കറിവേപ്പില: 2 തണ്ട്
- മല്ലിയില: 3 തണ്ട്
- കശുവണ്ടി: 6-8
- കുരുമുളക് പൊടി: 1/2 ടീസ്പൂൺ
തയ്യാറാക്കുന്ന വിധം
അതേ പാനിൽ 2 ടേബിൾ സ്പൂൺ വെളിച്ചെണ്ണ ഒഴിച്ച് ചൂടാക്കീട്ട് 4 ടേബിൾ സ്പൂൺ ചതച്ച ഇഞ്ചി വെളുത്തുള്ളി ചേർത്ത് സ്വർണ്ണനിറമാകുന്നതുവരെ വഴറ്റുക. മസാല പേസ്റ്റും 1/2 കപ്പ് വെള്ളവും ചേർത്ത് 5-6 മിനുട്ട് വഴറ്റുക, ഈ സമയത്ത് എണ്ണ തെളിയാൻ തുടങ്ങും. ഇനി 1 കിലോ ചിക്കൻ ചേർത്ത് ഇളക്കുക.ഉപ്പ് ക്രമീകരിക്കുക.
ഇടത്തരം തീയിൽ വേവിക്കുക 10 മിനിറ്റ് ചിക്കൻ പാകമായി കഴിഞ്ഞാൽ ഗ്രേവി വറ്റു വരെ കുറഞ്ഞ തീയിൽ വരട്ടി എടുക്കുക മല്ലിയിലയും 3-4 പച്ചമുളകും 1 ടീസ്പൂൺ ഗരം മസാലയും ചേർക്കുക. ഇനി ചിക്കൻ പാത്രത്തിന്റ ഒരു വശത്തേയ്ക്ക് നീക്കി 1 ടേബിൾ സ്പൂൺ വെളിച്ചെണ്ണയും 1/2 ടീസ്പൂൺ കുരുമുളകും 6-8 കശുവണ്ടിയും 2 തണ്ട് കറിവേപ്പിലയും ചേർത്ത് വഴറ്റുക. അവസാനം 1/2 ടീസ്പൂൺ ജീരകം പൊടിയും 1/2 ടീസ്പൂൺ ഗരം മസാലയും മല്ലിയിലയും ചേർക്കുക ..
Content Highlights: Easy Pepper chicken recipe
