കൊച്ചി: മട്ടാഞ്ചേരിയിൽ ഭിന്നശേഷിക്കാരനായ മകനെ പിതാവ് അതിക്രൂരമായി മർദിക്കുന്നതിന്റെ ദൃശ്യങ്ങൾ പുറത്ത്. വടികൊണ്ട് അടിക്കുന്നതും തലകുത്തനെ നിർത്തി മർദിക്കുന്നതുമായ ദൃശ്യങ്ങളാണ് പുറത്തെത്തിയിരിക്കുന്നത്.
വീട്ടിലുള്ളവർ തടയാൻ ശ്രമിച്ചുവെങ്കിലും മർദനം തുടരുന്നത് ദൃശ്യത്തിലുണ്ട്. ദൃശ്യങ്ങൾ പുറത്തെത്തിയതിനു പിന്നാലെ പിതാവ് സുധീറിനെ പോലീസ് അറസ്റ്റ് ചെയ്തു.
പതിനെട്ടു വയസ്സുള്ള കുട്ടിക്കാണ് ക്രൂരമർദനം ഏറ്റത്. തളർന്നുവീണ് കിടക്കുന്ന കുട്ടിയെ എഴുന്നേൽപ്പിച്ച് കാലുകൊണ്ട് നെഞ്ചിനും വയറിനും ചവിട്ടുന്നതും മുഖത്തടിക്കുന്നതും ദൃശ്യങ്ങളിൽ കാണാം.
ഭിന്നശേഷിക്കാരനായ കുട്ടിയെ പിതാവ് നിരന്തരം മർദിച്ചിരുന്നതായി ബന്ധുക്കൾ പറഞ്ഞു. കുട്ടി മാനസിക അസ്വസ്ഥതകൾ പ്രകടിപ്പിച്ചിരുന്നതാണ് പീഡനത്തിന് കാരണമെന്നാണ് വിവരം. സംഭവത്തിൽ പോലീസ് അന്വേഷണം ആരംഭിച്ചു. കുട്ടിയുടെ അമ്മയുടെ മൊഴി ഉൾപ്പെടെ രേഖപ്പെടുത്തും.
content highlights:man thrashes differently abled son in mattanchery arrested
