വെറുതേ ഭക്ഷണം കഴിക്കുകയല്ല, മറിച്ച് ശരീരത്തിന് ആവശ്യമായ പോഷകങ്ങളും നാരുകളും അടങ്ങിയ ഭക്ഷണമാണ് ആഹാരക്രമത്തിൽ കൂടുതലായി ഉൾപ്പെടുത്തേണ്ടതെന്ന് ന്യൂട്രീഷണിസ്റ്റുകൾ പറയുന്നു. പോഷകങ്ങൾ എന്ന പോലെ നാരുകളടങ്ങിയ ഭക്ഷണവും നമ്മുടെ ഡയറ്റിൽ ഉൾപ്പെടുത്തേണ്ടത് വളരെ പ്രധാന്യമേറിയ കാര്യമാണ്. പച്ചക്കറികൾ, പഴങ്ങൾ, ധാന്യങ്ങൾ, നട്സ് എന്നിവയിലാണ് ഫൈബർ കൂടുതലായി അടങ്ങിയിരിക്കുന്നത്. നിർബന്ധമായും നമ്മുടെ ആഹാരക്രമത്തിൽ ഉൾപ്പെടുത്തേണ്ട നാരുകൾ അടങ്ങിയ ഭക്ഷണങ്ങൾ ഏതൊക്കെയെന്ന് നോക്കാം.
1. പയറുവർഗങ്ങൾ
ധാന്യങ്ങൾ, പയറുവർഗങ്ങളിലും നാരുകൾ അഥവാ ഫൈബർ അടങ്ങിയിരിക്കുന്നു. വെജിറ്റേറിയൻ ഭക്ഷണം ഇഷ്ടപ്പെടുന്നവർക്ക് ഇവ മാംസത്തിന് പകരമായും ഡയറ്റിൽ ഉൾപ്പെടുത്താം.
2. നട്സ്
നട്സും നാരുകളുടെ കലവറയാണെന്നത് മാത്രമല്ല നമ്മുടെ ശരീരത്തിന് ആവശ്യമാ മറ്റ് വിറ്റാമിനുകളും ധാതുക്കളും കൊഴുപ്പുകളും ഇവയിൽ ധാരാളമായി അടങ്ങിയിരിക്കുന്നു. നട്സ് ചെറുകടികൾക്ക് പകരമായി ഉൾപ്പെടുത്തുന്നത് നല്ലതാണ്.
3. ബെറികൾ
വിറ്റാമിൻ സിക്ക് പുറമെ ബെറികളിൽ നാരുകളും കൂടുതലായി അടങ്ങിയിരിക്കുന്ന പഴങ്ങളാണ് ബെറികൾ. ബ്ലാക്ക്ബെറി, റാസ്പ്ബെറി എന്നിവയിലാണ് ഫൈബറിന്റെ അംശം കൂടുതലായി ഉള്ളത്. സ്നാക്സ്, ഓട്സ് എന്നിവയ്ക്കൊപ്പമായും ബെറികൾ കഴിക്കാം.
4. ധാന്യങ്ങൾ
അരി, ഗോതമ്പ്, ചോളം എന്നിവയിലെല്ലാം ഫൈബറിന്റെ അളവ് കൂടുതലായി അടങ്ങിയിരിക്കുന്നു. വെള്ള അരിക്ക് പകരം മട്ട അരിയും മൈദയ്‍ക്ക് പകരം ഗോതമ്പ് പൊടിയും ഉപയോഗിക്കാം.
5. അവക്കാഡോ
ഫൈബർ കൂടുതലായി അടങ്ങിയിട്ടുള്ള പഴങ്ങളിലൊന്നാണ് അവക്കാഡോ. ശരീരത്തിന് ആവശ്യമായ നല്ല കൊഴുപ്പിന്റെ അളവും അവക്കാഡോയിൽ കൂടുലാണ്.
6. വാഴപ്പഴം
നിത്യവും വാഴപ്പഴം കഴിക്കുന്നത് ശരീരത്തിന് ആവശ്യമായ ഫൈബറിന്റെ അളവ് ഉൾപ്പെടുത്തുന്നതിന് സഹായിക്കും. വാഴപ്പഴം ആഹാരക്രമത്തിൽ ഉൾപ്പെടുത്തുന്നത് മലബന്ധം ഒഴിവാക്കാൻ ഉപകരിക്കും. വാഴപ്പഴം രക്തസമ്മർദത്തെ നിയന്ത്രിക്കുന്നതിന് സഹായിക്കുമെന്നും കണ്ടെത്തിയിട്ടുണ്ട്.
Content highlights: should include these fiber rich food item in your diet
