പിയാനോ വായനയും പാചകവും ഒന്നിച്ച്‌; കണ്ടുപിടിത്തത്തിന് നോബേല്‍പുരസ്‌കാരം നല്‍കണമെന്ന് സോഷ്യല്‍ മീഡിയ

സംഗീതം ഒരു കലയാണ്. പാചകവും ഒരു കലയാണെന്ന് പറയാറുണ്ട്. എന്നാൽ, പിയാന വായിച്ചുകൊണ്ട് ഇറച്ചി ഗ്രിൽ ചെയ്ത് എടുക്കാമെന്ന് പറഞ്ഞാൽ വിശ്വസിക്കാൻ കഴിയുന്നുണ്ടോ? എന്നാൽ സംഗതി സത്യമാണ്. ഒരേസമയം, പിയാനോ വായിച്ചുകൊണ്ട് ഇറച്ചി ഗ്രിൽ ചെയ്തെടുക്കുന്ന വീഡിയോ പങ്കുവെച്ചിരിക്കുകയാണ് യുവാവ്.

പിയാനോയുടെ മുകളിൽ അടുക്കിവെച്ചിരിക്കുന്ന ബാർബിക്യു മാതൃകയിൽ തയ്‌യാറാക്കി വെച്ചിരിക്കുന്ന ഇറച്ചിയാണ് യുവാവ് ഗ്രിൽ ചെയ്ത് എടുക്കുന്നത്. പിയാനോയുടെ ഓരോ കീയും അമർത്തുന്നതിന് അനുസരിച്ച് മുകളിൽ വെച്ചിരിക്കുന്ന ഇറച്ചി കറങ്ങി വെന്ത് കിട്ടും. പിയാനോയുടെ ഉള്ളിൽ കനൽ ഇട്ടാണ് ഇറച്ചി ഗ്രിൽ ചെയ്തെടുക്കുന്നത്.

പിയാനോയിൽ 3 ചക്രങ്ങൾ പിടിപ്പിച്ചിട്ടുള്ളതിനാൽ അതിലിരുന്ന് കറങ്ങാനും കഴിയും. പിയാനോ വായിക്കുന്നതിന് അനുസരിച്ച് കനലിൽനിന്ന് പുക വരുന്നതും വീഡിയോയിൽ കാണാൻ കഴിയും. വിനൈൽ17 എന്ന ട്വിറ്റർ അക്കൗണ്ടിൽനിന്നാണ് വീഡിയോ പങ്കുവെച്ചിരിക്കുന്നത്. ഏതാനും ദിവസങ്ങൾക്കു മുമ്പ് പങ്കുവെച്ച വീഡിയോ ഇതുവരെ 34 ലക്ഷത്തിൽ പരം ആളുകളാണ് കണ്ടിരിക്കുന്നത്.

രസകരമായ കമന്റുകളാണ് വീഡിയോയ്‍ക്ക് ലഭിക്കുന്നത്. ഇത് ശരിക്കും ഭ്രാന്താണെന്നും എനിക്ക് ഇന്ന് തന്നെ ഇതുപോലൊരണ്ണം വേണമെന്നും ഒരാൾ കമന്റ് ചെയ്തു. പിയാനോ അടിപൊളി ആണെന്നും യുവാവിന് നോബേൽ പുരസ്കാരമോ അല്ലെങ്കിൽ മറ്റെന്തെങ്കിലും സമ്മാനമോ നൽകണമെന്ന് മറ്റൊരാൾ അഭിപ്രായപ്പെട്ടു. താൻ ഇതുവരെ കണ്ട ത്രില്ലർ സിനിമകളേക്കാൾ കൂടുതൽ ട്വിസ്റ്റുകൾ ഈ വീഡിയോയിൽ ഉണ്ടെന്ന് മറ്റൊരാൾ പറഞ്ഞു.

衝撃

&mdash vinyl7 records (@vinyl7records)

This is exactly the kind of madness I needed today 🤣

&mdash Alireza Doostdar علیرضا دوستدار (@docstobar)

This is just fantastic. Give that man a Nobel or any other reward.

&mdash Hash Miser (@H_Miser)

this video had more plot twists than any thriller movie i’ve ever seen

&mdash (le)anne (@kurapioca)

Content highlights: you can cook and play the piano all at once Social media calls for nobel prize for invention