ഞൊടിയിടയിലൊരു ബ്രേക് ഫാസ്റ്റ്; പനീര്‍ ബുര്‍ജി സാന്‍ഡ് വിച്ച്

വളരെ വേഗത്തിലും എളുപ്പത്തിലും തയ്‌യാറാക്കുന്ന പ്രഭാതഭക്ഷണമാണ് പനീർ ബുർജി സാൻഡ്വിച്ച്. രുചിയിലും ഈ വിഭവം കേമനാണ്.

ഒരു പാനെടുത്ത് അടുപ്പിൽവെച്ച് ചൂടാക്കിയശേഷം എണ്ണ ഒഴിക്കുക. എണ്ണ ചൂടായ ശേഷം വെളുത്തുള്ളിയും ജീരകവും അതിലിട്ട് വഴറ്റിയെടുക്കുക. ഇത് പാനിൽനിന്ന് മാറ്റിവെക്കുക.

പാൻ വീണ്ടും അടുപ്പിൽവെച്ചശേഷം അതിലേക്ക് പനീർ, മുളക്പൊടി, ഗരംമസാല, മഞ്ഞൾപൊടി, ഉപ്പ്, ഉണങ്ങിയ മാങ്ങ പൊടി എന്നിവ ചേർത്ത് നന്നായി വഴറ്റി പനീർ ബുർജി കൂട്ട് തയ്‌യാറാക്കാം.

ബ്രെഡിൽ വെണ്ണ പുരട്ടി അതിൽ സവാള വട്ടത്തിൽ അരിഞ്ഞത്, തക്കാളി എന്നിവ വയ്‍ക്കുക. നേരത്തെ തയ്‌യാറാക്കി വെച്ച പനീർ ബുർജി കൂട്ട് മുകളിൽ വയ്‍ക്കാം. ശേഷം മറ്റൊരു ബ്രെഡ് കഷ്ണം മുകളിൽവെച്ച് ഗ്രിൽ ചെയ്ത് എടുക്കാം.

Content highlights: breakfast recipe, paneer burji sandwich, Snacks recipe