ഹൃദയഹാരിയായ ഒട്ടേറെ വീഡിയോകൾ നമ്മൾ ദിനംപ്രതി സോഷ്യൽമീഡിയയിൽ കണ്ടുമുട്ടാറുണ്ട്. ചില വീഡിയോകൾ നമ്മുടെ കണ്ണുകളെ അറിയാതെ ഈറനണിയിപ്പിക്കും. ഇത്തരമൊരു വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്.
പുബിറ്റി എന്ന ഇൻസ്റ്റഗ്രാം ഉപയോക്താവാണ് വീഡിയോ പങ്കുവെച്ചിരിക്കുന്നത്. ബോക്സുകളിലാക്കി സ്ട്രോബറികൾ വിൽക്കുന്ന പ്രായമായ സ്ത്രീയെയാണ് വീഡിയോയിൽ കാണാൻ കഴിയുക. വഴിയരികിൽനിന്ന് വാഹനങ്ങളിൽ എത്തുന്നവർക്ക് സ്ട്രോബറി വിൽക്കുകയാണ് അവർ.
വണ്ടി നിർത്തി സ്ത്രീയോട് സുഖമാണോ, സ്ട്രോബറിക്ക് വില എത്രയെന്നും ചോദിക്കുന്നിടത്താണ് വീഡിയോ ആരംഭിക്കുന്നത്. ഒരു ബോക്സിന് മൂന്ന് ഡോളറാണ് വിലയെന്ന് സ്ത്രീ യുവാവിനോട് പറഞ്ഞു. മുഴുവൻ സ്ട്രോബറിയും താൻ വാങ്ങുകയാണെന്ന് മറുപടി നൽകിയ യുവാവ് ആദ്യം പണം സ്ത്രീയ്‍ക്ക് കൈമാറി. സ്ട്രോബറി കൈമാറാൻ നോക്കുമ്പോൾ സ്ട്രോബറി കൈയ്‌യിൽ വെച്ചോളാനും അത് കൂടി വിറ്റ് കൂടുതൽ പണം നേടാനും യുവാവ് പറഞ്ഞു. ഒരിക്കലും പ്രതീക്ഷിക്കാത്ത ആ മറുപടി കേട്ട് ആ വൃദ്ധയായ സ്ത്രീ കരയുന്നത് വീഡിയോയിൽ കാണാം.
27 ലക്ഷം ആളുകളാണ് ഈ വീഡിയോ ഇതുവരെ കണ്ടിരിക്കുന്നത്. 15000-ൽ അധികമാളുകൾ വീഡിയോ ലൈക്ക് ചെയ്തു. അതേസമയം യുവാവിന്റെ വീഡിയോയ്‍ക്ക് സമ്മിശ്ര പ്രതികരണമാണ് ലഭിച്ചത്. നന്മപ്രവർത്തി ചെയ്തത് നല്ലതാണെന്നും അത് വീഡിയോയിൽ ചിത്രീകരിക്കേണ്ടതില്ലെന്നും ഒട്ടേറെപ്പേർ അഭിപ്രായപ്പെട്ടു. അതേസമയം, വീഡിയോ ചിത്രീകരിച്ചത് നല്ലകാര്യമാണെന്നും മറ്റുള്ളവർക്ക് പ്രചോദനകരമായി തീരാൻ അത് സഹായിക്കുമെന്നും മറ്റുചിലർ പറഞ്ഞു.
Content highlights: man buys strawberry from old lady, what happens see video
