അടുപ്പില്‍ തീ കത്തിക്കാതെ പോഹ ഉണ്ടാക്കുന്ന ചിത്രം പങ്കുവെച്ച് കാന്‍പുര്‍ കമ്മിഷണര്‍; ട്രോള്‍

സച്ചിൽ തെണ്ടുൽക്കർ മുതൽ സിനിമാ, സാംസ്കാരിക മേഖലകളിലെ സെലബ്രിറ്റികൾ തങ്ങൾ അടുക്കളയിൽ കയറി പാചകം ചെയ്‌യുന്നതിന്റെ വീഡിയോകളും ചിത്രങ്ങളും പതിവായി സാമൂഹിക മാധ്യമങ്ങളിൽ പങ്കുവയ്‍ക്കാറുണ്ട്. മിക്ക ചിത്രങ്ങളും ആരാധകർ ഏറ്റെടുക്കാറുമുണ്ട്. എന്നാൽ, പാചകം ചെയ്‌യുന്ന ചിത്രം ട്വിറ്ററിൽ പങ്കുവെച്ച് പുലിവാല് പിടിച്ചിരിക്കുകയാണ് ഐ.എ.എസ്. ഉദ്യോഗസ്ഥനും കാൺപുർ കമ്മിഷണറുമായ രാജ് ശേഖർ.

ഒരു ചീനച്ചട്ടിയിൽ പോഹ തയ്‌യാറാക്കുന്ന ചിത്രമാണ് രാജ് ശേഖർ പങ്കുവെച്ചത്. എന്നാൽ, പാചകം ചെയ്‌യുന്ന ചിത്രത്തിന് വളരെപ്പെട്ടെന്നാണ് ഒരു ഗുരുതരമായ പ്രശ്നമുണ്ടെന്ന് സോഷ്യൽ മീഡിയ ശ്രദ്ധിച്ചത്. അടുപ്പിൽ തീ കത്തിക്കാതെയാണ് രാജ് ശേഖർ പാചകം ചെയ്‌യുന്നതെന്ന് സോഷ്യൽ മീഡിയ ചൂണ്ടിക്കാക്കാട്ടുന്നു.

മാത്രമല്ല, കോട്ടിട്ട് പാചകം ചെയ്‌യുന്ന രാജ് ശേഖറിനെ വിമർശിച്ചും ധാരാളം പേർ രംഗത്തെത്തിയിട്ടുണ്ട്.

സ്യൂട്ട് ധരിച്ചാണോ പാചകം ചെയ്‌യുന്നതെന്നും ഇതിനിടെ അടുപ്പിൽ തീ പിടിപ്പിക്കാൻ മറന്നുപോയോ എന്നും ഒരാൾ കമന്റ് ചെയ്തു. സ്യൂട്ട് ധരിച്ച് തീയില്ലാതെ പാചകം ചെയ്‌യുന്നു. നിങ്ങൾക്ക് സഹായം ആവശ്യമുണ്ട്-മറ്റൊരാൾ പറഞ്ഞു.

എന്നാൽ, രാജ് ശേഖറിനെ അനുകൂലിച്ചുകൊണ്ടും പലരും കമന്റ് ചെയ്തു. അടുപ്പിലെ തീ കെടുത്തിയതിന് ശേഷമായിരിക്കും രാജ് ശേഖർ ചിത്രമെടുത്തതെന്നാണ് അവർ പറയുന്നത്.

ദയവായി എനിക്ക് ആശംസകൾ നേരൂ… പാചകത്തിൽ ഭാഗ്യം പരീക്ഷിക്കുകയാണ്. ആഭ്യന്തരമന്ത്രിയുടെ നിർദേശങ്ങൾ അനുസരിച്ച് പ്രഭാതഭക്ഷണത്തിനായി പോഹ തയ്‌യാറാക്കുന്നു എന്നാണ് ചിത്രത്തിന് രാജ് ശേഖർ നൽകിയ ക്യാപ്ഷൻ.

Please wish me Good Luck.

Trying my luck in Cooking&hellip😊

Preparing the Poha for the Breakfast under guidance of Home Minister&hellip😊

&mdash Raj Shekhar IAS (@rajiasup)

ഉയരുന്ന പാചകവിലയെ പരിഹസിക്കാനുള്ള അവസരമായാണ് രാജ് ശേഖറിന്റെ ട്വീറ്റ് ശിവസേന നേതാവ് പ്രിയങ്ക ചതുർവേദി ഉപയോഗിച്ചത്. “താങ്ങാനാകാത്ത വിധം പാചകവാതകത്തെ മാറ്റിയ സർക്കാരിന് പാചകവാതകം ഇല്ലാതെ പാചകം ചെയ്‌യാൻ കഴിയുമെന്ന ശക്തമായ സന്ദേശം നൽകിയതിന് നന്ദി. കൂട്ടായ രോഷത്തിൽ നിന്നാണ് അടുപ്പിൽനിന്നു പകരം ചൂട് വരുന്നത്”-പ്രിയങ്ക പറഞ്ഞു.

Also thank you for sending a strong message to the government for making cooking gas so unaffordable that cooking can be done without it, the heat instead of the stove comes from collective anger. 😄

&mdash Priyanka Chaturvedi🇮🇳 (@priyankac19)

Cooking without fire while dressed in a suit …yeah you do need help.
Help in staging social media pics

&mdash Lady Andolan Jeevi 🏳️🌈 (@LadyDramadragon)

Content highlights: Kanpur Commissioner shared cooking photo,