മല്ലിയിലയും അവയുടെ തണ്ടും ആരോഗ്യത്തിന് എങ്ങനെ ഗുണകരമാകുമെന്ന് അറിയാമോ?
1. രക്തത്തിലെ പഞ്ചസാരയുടെ അളവ് നിയന്ത്രിക്കുന്നു
രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനാൽ മല്ലി പ്രമേഹ സാധ്യത കുറയ്ക്കും. രക്തത്തിലെ പഞ്ചസാരയുടെ അളവ് നിയന്ത്രിച്ച് രക്തത്തിലെ ഗ്ലൂക്കോസിന്റെ അളവ് നിയന്ത്രിക്കാൻ സഹായിക്കുന്ന സജീവമാക്കിയ എൻസൈമുകൾ മല്ലിയിലയിൽ അടങ്ങിയിട്ടുണ്ടെന്ന് വിവിധ പഠനങ്ങൾ സ്ഥിരീകരിച്ചിട്ടുണ്ട്. അങ്ങനെ, നിങ്ങൾക്ക് പ്രമേഹം നിയന്ത്രിക്കാൻ കഴിയും.
2. വായുടെ ആരോഗ്യം മെച്ചപ്പെടുത്തുന്നു
മല്ലി തണ്ടിൽ സിട്രോനെല്ലോൾ എന്ന ഘടകം അടങ്ങിയിട്ടുണ്ട്, ഇത് നമ്മുടെ ശരീരത്തിലെ സൂക്ഷ്മാണുക്കളുടെ വളർച്ചയെ ചെറുക്കാനും അൾസറിനെ ചികിത്സിക്കാനും സഹായിക്കുന്ന മികച്ച ആന്റിസെപ്റ്റിക് ആണ്. ചില ടൂത്ത് പേസ്റ്റിൽ മല്ലിയിലയുടെ സത്ത് ചേർത്ത് വരാറില്ല? ഇവ വായ്‌നാറ്റം കുറയ്ക്കാൻ സഹായിക്കും.
3. ചർമ്മസ്‌ഥിതി മെച്ചപ്പെടുത്തുന്നു
മല്ലിയിലയും തണ്ടും അവയുടെ ആന്റി ഇൻഫ്ലമേറ്ററി, ആന്റിഓക്‌സിഡന്റ് ഗുണങ്ങൾക്ക് പേരുകേട്ടതാണ്. മുഖക്കുരുവിനെതിരെ പോരാടാനും നിങ്ങളുടെ ശരീരത്തിലെ വിഷാംശം ഇല്ലാതാക്കാനും കരപ്പൻ അഥവാ എക്‌സിമ, ത്വക്ക് അണുബാധകൾ തുടങ്ങിയ ചർമ്മരോഗങ്ങൾക്കെതിരെ പോരാടാനും ഇവ ഗുണകരമാണ്.
4. നല്ല ദഹനത്തിന് സഹായിക്കുന്നു
ദഹനരസങ്ങളും എൻസൈമുകളും ഉത്തേജിപ്പിക്കാൻ ഫലപ്രദമാണെന്ന് അറിയപ്പെടുന്ന മല്ലി ദഹനപ്രശ്നങ്ങളെ ശമിപ്പിക്കും. ഇത് മാത്രമല്ല, വയറുവേദന കുറയ്ക്കാനും മലവിസർജ്ജനം ശരിയായ രീതിയിലാക്കാനും മല്ലിയിലയ്ക്ക് കഴിയും. ഇത് നിങ്ങൾക്ക് പൂർണ്ണത അനുഭവപ്പെടുകയും അമിതമായി ഭക്ഷണം കഴിക്കുന്നത് തടയുകയും നിങ്ങളുടെ കുടലിന്റെ ആരോഗ്യം നിലനിർത്തുകയും ചെയ്യുന്നു.
5. പ്രതിരോധശേഷി വർദ്ധിപ്പിക്കുന്നു
ആന്റിഓക്‌സിഡന്റുകളുടെ ഒരു ശക്തികേന്ദ്രമായ മല്ലിക്ക് ഫ്രീ റാഡിക്കലുകളുടെ കോശങ്ങളുടെ കേടുപാടുകൾ തടയാൻ കഴിയും. ടെർപിനീൻ, ക്വെർസെറ്റിൻ തുടങ്ങിയ സംയുക്തങ്ങളാൽ സമ്പുഷ്ടമായ മല്ലിക്ക്, പ്രതിരോധശേഷി വർദ്ധിപ്പിക്കുകയും ന്യൂറോപ്രൊട്ടക്റ്റീവ്, കാൻസർ വിരുദ്ധ ഗുണങ്ങൾ ഉണ്ടെന്ന് തെളിയിക്കപ്പെടുകയും ചെയ്യുന്നു.
6. എല്ലുകളുടെ ആരോഗ്യം മെച്ചപ്പെടുത്തുന്നു
കാൽസ്യം, ഫോസ്ഫറസ്, മഗ്നീഷ്യം തുടങ്ങിയ സുപ്രധാന ധാതുക്കൾ മല്ലിയിലുണ്ട്, ഇത് അസ്ഥികളുടെ സാന്ദ്രത വർദ്ധിപ്പിക്കുകയും സന്ധികളുടെ വേദനയിൽ നിന്ന് നിങ്ങളെ സംരക്ഷിക്കുകയും ചെയ്യും. നിങ്ങൾക്ക് ശക്തമായ അസ്ഥികൾ വേണമെങ്കിൽ, ഇത് നിങ്ങൾക്ക് ഭക്ഷണത്തിൽ ചേർക്കാവുന്ന നല്ലൊരു ചേരുവയാണ്.
ചേർത്ത് കിടിലൻ രുചിയിലൊരു സൂപ്പ്
ഭക്ഷണത്തിൽ ചേർക്കുന്നത് കൂടാതെ മല്ലി തണ്ട് ചേർത്ത് അടിപൊളി രുചിയിൽ ഒരു സൂപ്പ് തയ്യാറാക്കാം. ഇതിനായി വേണ്ടത്,
> ഒരു കപ്പ് മല്ലി തണ്ട്
> 6-8 വെളുത്തുള്ളി അല്ലി
> അര കഷ്ണം ഇഞ്ചി
> ഒരു കപ്പ് ചോളം
> ഒരു കപ്പ് അരിഞ്ഞ മഷ്‌റൂം
> ഒരു കപ്പ് അരിഞ്ഞ സ്പ്രിംഗ് ഓണിയൻ
> ഒരു കഷ്ണം നാരങ്ങ
> കാൽ ടീസ്പൂൺ ചതച്ച കുരുമുളക്
> നാല് ടേബിൾ സ്പൂൺ കോൺ സ്റ്റാർച്ച്
> അലങ്കാരത്തിന് മല്ലിയില
> നെയ്യ്, ബട്ടർ
മല്ലി തണ്ട് ചേർത്ത ഈ സൂപ്പ് എങ്ങനെ തയ്യാറാക്കാം?
1. ഒരു പാത്രത്തിൽ വെള്ളം തിളപ്പിക്കുക.
2. മല്ലിയില തണ്ടും 3 വെളുത്തുള്ളി അല്ലി ചതച്ചതും ഇതിലേയ്ക്ക് ചേർക്കുക.
3. ഇത് തിലകയാണ് അനുവദിക്കണം. 6 മിനിറ്റ് തിളക്കട്ടെ. ഈ സമയത്ത് ഇതിൽ ചേർക്കാനുള്ള മഷ്‌റൂം, സ്പ്രിങ് ഒനിയൻ എന്നിവ അരിഞ്ഞ് വെക്കാം.
4. ഒരു പാൻ ചൂടാക്കി 1 ടീസ്പൂൺ നെയ്യും 1 ടീസ്പൂൺ ബട്ടറും ചേർക്കുക.
5. വെണ്ണ ഉരുകിക്കഴിഞ്ഞാൽ, ചെറുതായി അരിഞ്ഞ കുറച്ച് ഇഞ്ചിയും വെളുത്തുള്ളിയും ചേർക്കുക.
6. ഇഞ്ചി, വെളുത്തുള്ളി എന്നിവ വാട്ടിയ ശേഷം, ചോളവും അരിഞ്ഞ് വെച്ച മഷ്‌റൂമുംചേർക്കുക.
7. ഇവ പകുതി വേവാകുമ്പോൾ, സ്പ്രിംഗ് ഓണിയൻ ചേർക്കുക.
8. ഇതിലേക്ക് ചതച്ച കുരുമുളകും രുചിക്ക് ഉപ്പും ചേർക്കുക.
9. അരച്ച് വേവിച്ച പച്ചക്കറികളിലേക്ക് തിളച്ച മല്ലിതണ്ട് ചേർത്ത വെള്ളം ചേർക്കാം.
10. കോൺ സ്റ്റാർച്ച് വെള്ളത്തിൽ കലർത്തി തിളപ്പിച്ച സൂപ്പിൽ ചേർക്കുക. ഇത് സൂപ്പ് കുറുകി വരാൻ സഹായിക്കും.
11. ഇത് നാന്നായി ഇളക്കി തിളയ്ക്കാൻ അനുവദിക്കണം. ശേഷം തീ അണച്ച് സൂപ്പ് ബൗളിലേയ്ക്ക് മാറ്റാം.
12. മല്ലിയില കൊണ്ട് അലങ്കരിച്ച് സൂപ്പ് നല്ല ചൂടോടെ വിളമ്പുക. രുചി കൂടാൻ ഒരല്പം നാരങ്ങാനീര് ചേർക്കാം.
സൂപ്പിലേക്ക് ചേർക്കാൻ നിങ്ങൾക്ക് ധാരാളം പച്ചക്കറികൾ, ഔഷധസസ്യങ്ങൾ, സുഗന്ധവ്യഞ്ജനങ്ങൾ എന്നിവ ഉപയോഗിക്കാം.
