പുറമെ പൊരിച്ചെടുത്ത ഇറച്ചി, മുറിച്ചാലോ?അത്ഭുതപ്പെടുത്തുന്ന വീഡിയോ

കേക്ക് മുറിക്കാതെ എന്ത് ആഘോഷം അല്ലേ. പിറന്നാൾ ആഘോഷം മുതൽ ജീവിതത്തിലെ അവിസ്മരണീയ നിമിഷങ്ങളുടെ സന്തോഷം കേക്ക് മുറിച്ചാണ് നമ്മൾ ആഘോഷിക്കുന്നത്. യാഥാർത്ഥ്യത്തെ വെല്ലുന്ന തരത്തിലുള്ള കേക്കുകൾ ഇന്ന് വിപണിയിൽ ലഭ്യമാണ്. ഇത്തരമൊരു കേക്ക് വീഡിയോ ആണ് സാമൂഹികമാധ്യമമായ ട്വിറ്ററിൽ തരംഗം സൃഷ്ടിക്കുന്നത്.

കാർനിതിയ എന്ന യുവതിയാണ് വീഡിയോ ട്വിറ്ററിൽ പങ്കുവെച്ചിരിക്കുന്നത്. വാരിയെല്ലോട് കൂടിയ പൊരിച്ച ഇറച്ചി കത്തികൊണ്ട് മുറിക്കുന്നതാണ് വീഡിയോയിൽ കാണാൻ കഴിയുക. മുറിച്ചു കഴിയുമ്പോഴാണ് അത് ഒരു കേക്ക് ആണെന്ന് കാണികൾക്ക് മനസ്സിലാകുക. 70 ലക്ഷത്തിൽ അധികം ആളുകളാണ് വീഡിയോ ഇതുവരെ കണ്ടത്. 20,000-ൽ പരം ആളുകൾ വീഡിയോ ലൈക്ക് ചെയ്തു. പതിനായിരക്കണക്കിന് റീട്വീറ്റുകളാണ് വീഡിയോയ്‍ക്ക് ഉണ്ടായിരിക്കുന്നത്.

ഇനായെ എന്ന ബേക്കറാണ് ഈ റിബ് കേക്കിന്റെ സൃഷ്ടാവ്. കേക്കിന്റെ ചിത്രങ്ങൾ അവർ ഇൻസ്റ്റഗ്രാമിൽ പോസ്റ്റ് ചെയ്തിട്ടുണ്ട്.

Why is this back?

&mdash Mikki Kendall (@Karnythia)

ചിലർ ബേക്കറുടെ കഴിവിനെ പ്രശംസിച്ചപ്പോൾ ചിലരാകട്ടെ പൊരിച്ച ഇറച്ചി വിഭവം പ്രതീക്ഷിച്ചിട്ട് കിട്ടാത്തതിൽ നിരാശയും പ്രകടിപ്പിച്ചു.

Content highlights: cake cutting video, rib cake viral video