വില്ലൻ വേഷങ്ങളിലാണ് ബോളിവുഡ് നടൻ സോനു സൂദ് സിനിമയിൽ അധികവും പ്രത്യക്ഷപ്പെട്ടിട്ടുള്ളത്. എന്നാൽ, അതിൽനിന്നും വിഭിന്നമായ നടന്റെ രൂപം കോവിഡ് കാലത്തും മറ്റ് പ്രതിസന്ധി ഘട്ടങ്ങളിലും സാധാരണക്കാർ നേരിട്ട് അനുഭവിച്ചു. കർഷകർക്ക് കൃഷി ചെയ്‌യാനുള്ള വാഹനങ്ങളും യന്ത്രങ്ങളും സമ്മാനിച്ചതും കോവിഡ് കാലത്ത് പ്രതിസന്ധിയിൽ അകപ്പെട്ട് പോയവരെ സഹായിച്ചതും വാർത്തകളിൽ നിറഞ്ഞിരുന്നു.
അടുത്തിടെ ഒരു ആരാധകൻ ഭക്ഷണം കഴിക്കാൻ അദ്ദേഹത്തെ ക്ഷണിച്ച് ട്വിറ്ററിൽ അദ്ദേഹത്തെ ടാഗ് ചെയ്തിരുന്നു. അടുപ്പിൽ ചുട്ടെടുത്ത റൊട്ടിയുടെ ചിത്രം പങ്കുവെച്ചാണ് സോനുവിനെ ഭക്ഷണം കഴിക്കാൻ ക്ഷണിച്ചത്. ഇതിന് താരം നൽകിയ രസകരമായ മറുപടിയാണ് വൈറലായിരിക്കുന്നത്. ചപ്പാത്തിയുടെ ഒപ്പം കുറച്ച് പരിപ്പ് കറിയും അച്ചാറും തരുമോ എന്നാണ് അദ്ദേഹം ആരാധകനോട് ചോദിച്ചത്.
भाई आचार और दाल भी साथ में मिलेगी?
&mdash sonu sood (@SonuSood)
സോനു സൂദിനെ ഭക്ഷണം കഴിക്കാൻ ക്ഷണിച്ചുകൊണ്ടുള്ള പോസ്റ്റ് ആരാധകൻ ഡിലീറ്റ് ചെയ്തു. എങ്കിലും താരം അതിനു നൽകിയ മറുപടി ഇപ്പോഴും ട്വിറ്ററിലുണ്ട്.
Content highlights: actor sonu soods witty reaction, invitationn for meal by a fan,
