കാനഡയിലെ ബ്രിട്ടീഷ് കൊളംബിയ പ്രവിശ്യയിൽ ദിവസങ്ങളായി തുടരുന്ന കനത്തമഴ വലിയ നാശനഷ്ടങ്ങളാണ് വരുത്തിയിരിക്കുന്നത്. കനത്തമഴയിൽ റോഡുകൾ തകരുകയും ഒട്ടേറെ പട്ടണങ്ങൾ ഒറ്റപ്പെട്ടു പോകുകയും ചെയ്തു. ഒറ്റപ്പെട്ടുപോയവർക്ക് മരുന്നുകളും ഭക്ഷണസാധനങ്ങളും മറ്റ് അവശ്യവസ്തുക്കളും എത്തിച്ചുകൊടുക്കാനുള്ള തീവ്രശ്രമത്തിലാണ് സന്നദ്ധപ്രവർത്തകർ. ഇതിനിടെ കനത്തമഴയിൽ ഒറ്റപ്പെട്ടുപോയ 3000-ൽ പരം ആളുകൾക്ക് ഭക്ഷണം നൽകി കൈയടി നേടുകയാണ് കാനഡിലെ സിഖ് സമൂഹം. രാത്രി മുഴുവനും ഉറക്കമിളച്ചിരുന്നാണ് അവർ ഭക്ഷണം പാകം ചെയ്ത് വിതരണം ചെയ്തത്.
സറിയിലുള്ള ധുഖ് നിവരാൻ സാഹിബ് സിഖ് ക്ഷേത്രത്തിന്റെ പരിധിയിലുള്ള 100-ൽ പരം വളണ്ടിയർമാരാണ് ഭക്ഷണം പാകം ചെയ്‌യാൻ മുന്നിട്ടിറങ്ങിയത്. ഹെലികോപ്ടറുകൾ വാടകയ്ക്കെടുത്താണ് ഭക്ഷണം വിതരണം ചെയ്തത്- ക്ഷേത്രം പ്രസിഡന്റ് നരീന്ദ്രർ സിങ് വാലിയ പറഞ്ഞു.
റൊട്ടി, കാരറ്റ് കൊണ്ടുള്ള വിഭവങ്ങൾ എന്നിവ തയ്‌യാറാക്കുന്ന സിഖ് സമൂഹത്തിന്റെ ചിത്രങ്ങൾ സാമൂഹിക മാധ്യമത്തിൽ വൈറലായി.
മുമ്പ് ട്രക്ക് ഡ്രൈവറായി ജോലി നോക്കിയിരുന്ന അമർജിത് ധാദ്വാറാണ് ദുരിതാശ്വാസപ്രവർത്തനങ്ങൾക്കു മുമ്പിൽ നിൽക്കുന്നത്. തന്റെ സുഹൃത്തുക്കൾ മഴകാരണം കുടുങ്ങിക്കിടക്കുന്നതായി വിളിച്ചു പറഞ്ഞപ്പോൾ ഉടൻ തന്നെ രക്ഷാപ്രവർത്തനത്തിന് ഇറങ്ങുകയായിരുന്നുവെന്ന് അമർജിത്തിനെ ഉദ്ധരിച്ച് സിറ്റി ന്യൂസ് റിപ്പോർട്ട് ചെയ്തു. തങ്ങളുടെ രക്തത്തിൽ അലിഞ്ഞുചേർന്നതാണ് പരസ്പര സഹായമെന്നും മറ്റുള്ളവരെ സഹായിക്കാൻ സിഖ് സമൂഹം സുസജ്ജമാണെന്നും അദ്ദേഹം കൂട്ടിച്ചേർത്തു. കൂടുതൽ സഹായം എത്തിച്ചു നൽകുന്നതിനാണ് ശ്രമത്തിലാണ് സിഖ് സമൂഹമെന്നും അമർജിത് വ്യക്തമാക്കി.
Dozens of volunteers at Surreys Dukh Nivaran Sahib Gurdwara cooked more than 3000 meals for those stranded in Hope. Theyre paying for private helicopters to deliver meals (roti, cooked carrots, fruit) Wed AM – and will try for more trips in the coming days
&mdash Tarnjit Kaur Parmar (@Tarnjitkparmar)
Content highlights: Sikh volunteers deliver 3,000 meals, people stranded in Canada floods, Canadians express big thanks to Sikh community
