മലയാള സിനിമയിൽ സജീവമാകാൻ ഒരുങ്ങുകയാണ് നടി കല്യാണി പ്രിയദർശൻ. കല്യാണി അഭിനയിച്ച മൂന്ന് സിനിമകളാണ് മലയാളത്തിൽ ഒരുങ്ങുന്നത്. വരനെ ആവശ്യമുണ്ട് എന്ന ചിത്രത്തിലൂടെയായിരുന്നു കല്യാണിയുടെ മലയാള സിനിമയിലെ തുടക്കം.
അടുത്തിടെ കൂർഗിലെ റിവർസൈഡ് എസ്റ്റേറ്റ് സന്ദർശിച്ചപ്പോൾ എടുത്ത ചിത്രങ്ങൾ താരം സാമൂഹികമാധ്യമമായ ഇൻസ്റ്റഗ്രാമിൽ പങ്കുവെച്ചത് ആരാധകർ ഇരുകൈയ്‌യും നീട്ടി സ്വീകരിച്ചു.
എസ്റ്റേറ്റിൽവെച്ച് കാപ്പി ഉണ്ടാക്കുന്ന വീഡിയോയും ചിത്രങ്ങളുമാണ് അവർ ഇൻസ്റ്റഗ്രാമിൽ പങ്കുവെച്ചത്. ചിത്രങ്ങളും വീഡിയോയും വൈറലായി.
എപ്പോഴെങ്കിലും സിനിമ ഇല്ലാതായാൽ ജീവിച്ചുപോകാൻ മറ്റൊരു ബാക്ക് അപ് കരിയർ കൂടി ആയെന്നാണ് ചിത്രങ്ങൾ പങ്കുവെച്ച് കല്യാണി പറഞ്ഞത്.
സംവിധായകനായ പ്രിയദർശന്റെയും മുൻകാല നടി ലിസിയുടെയും മകളാണ് കല്യാണി.
Content highlights: kalyani priyadarshan coffee making coorg trip
