ദോശയ്ക്ക് ശേഷം മുംബൈയിലെ വടാ പാവ് രുചിച്ച് ബ്രിട്ടീഷ് ഹൈക്കമ്മീഷണര്‍

അടുത്തിടെ കൈ കൊണ്ട് ദോശ കഴിച്ചതിന്റെ രുചിയും സന്തോഷവും സമൂഹമാധ്യമത്തിലൂടെ പങ്കുവെച്ച ബ്രിട്ടീഷ് ഹൈക്കമ്മീഷണർ അലക്സ് എല്ലിസിനെ ഓർമ്മയില്ലേ? ഇന്ത്യൻ രുചികൾ കൗതുകത്തോടെ പരീക്ഷിക്കുന്ന ചിത്രങ്ങൾ ട്വിറ്ററിൽ പോസ്റ്റ് ചെയ്തതോടെ അവ വൈറലാവുകയായിരുന്നു.

കഴിഞ്ഞ ദിവസം മുംബൈ സന്ദർശനത്തിനെത്തിയ അലക്സ് ഇത്തവണ രുചിച്ചത് മുംബൈയിലെ വടപാവ് ആണ്. Theres always time to have a Vadapav in Mumbai എന്ന ട്വീറ്റ് വൈറലാവുകയാണ്. 21.4k ലൈക്കുകളാണ് ഈ ട്വീറ്റിന് ലഭിച്ചിരിക്കുന്നത്.

Theres always time to have a in Mumbai – लई भारी!

&mdash Alex Ellis (@AlexWEllis)

മഹാരാഷ്ട്ര സന്ദർശനത്തിനെത്തിയ അലക്സ് മുഖ്യമന്ത്രി ഉൾപ്പടെ സംസ്ഥാനത്തെ പ്രധാന നേതാക്കളെ സന്ദർശിച്ചിരുന്നു. ഗണേഷ് ചതുർഥി ദിനത്തോട് അനുബന്ധിച്ച് നഗരത്തിലെത്തിയ അലക്സ് ഗണപതി വിഗ്രഹങ്ങൾ നിർമ്മിക്കുന്ന കേന്ദ്രങ്ങളും സന്ദർശിച്ചിരുന്നു. മുംബൈയുടെ പ്രസിദ്ധമായ വടപാവ് രുചിച്ച ശേഷമാണ് പിന്നീട് ഫോട്ടോ സഹിതം ട്വീറ്റ് ചെയ്തത്.

Delicious !!
A great way to begin my first visit to .

ಸಾಕ್ಕ್ಕತ್ ಆಗಿದೆ | बहुत स्वादिष्ट हैं

&mdash Alex Ellis (@AlexWEllis)

നേരത്തെ ബംഗളുരു സന്ദർശന വേളയിൽ രുചികരമായ മൈസൂർ ദോശയും സാമ്പാറും കഴിക്കുന്ന ചിത്രവും ട്വിറ്ററിൽ പോസ്റ്റ് ചെയ്തിരുന്നു. Delicious #MysuruMasalaDosa!! A great way to begin my first visit to #Bengaluru എന്ന കാപ്ഷനോടെയായിരുന്നു അന്നത്തെ ട്വീറ്റ്. ഫോർക്കും സ്പൂണും ഉപയോഗിച്ചാണ് അലക്സ് ഈ ദോശ കഴിച്ചിരുന്നത്.

92% of Twitter is correct! It tastes better with the hand. ✋

ಮಸಾಲೆ ದೋಸೆ | ಬೊಂಬಾಟ್ ಗುರು👌 | एकदम मस्त 🙌

&mdash Alex Ellis (@AlexWEllis)

ഈ ട്വീറ്റിന് മറുപടിയായി പലരും കൈ കൊണ്ട് കഴിച്ചുനോക്കാൻ കമന്റ് ചെയ്തിരുന്നു. തുടർന്ന് അടുത്ത തവണ കൈകൊണ്ട് ദോശ കഴിക്കുന്ന ചിത്രവും ട്വീറ്റ് ചെയ്തിരുന്നു. ഫോട്ടോ ലൈക്ക് ചെയ്ത 92 ശതമാനം പേരും ദോശ കൈകൊണ്ട് കഴിക്കണമെന്നാണ് കമന്റ് ചെയ്തത്.

Delighted to receive this beautiful tiffin box from Mumbai’s exceptional .

&mdash Alex Ellis (@AlexWEllis)

ഗണേഷ് ചതുർഥി അവധി ദിനത്തിൽ മുംബൈയിലെ പ്രസിദ്ധരായ ഡബ്ബവാലകളെ സന്ദർശിക്കാനും അലക്സ് സമയം കണ്ടെത്തി. ഡബ്ബവാലകളിൽ നിന്നും ഡബ്ബ സമ്മാനമായി സ്വീകരിക്കുന്ന ചിത്രവും അദ്ദേഹം ട്വിറ്ററിൽ പോസ്റ്റ് ചെയ്തിട്ടുണ്ട്.

Content Highlights: After dosa british high commissioner gets his hands on mumbais vada pav, Food, Viral Video