ഈ കൊവിഡ് കാലത്ത് പോഷക സമ്പുഷ്ടമായ ഭക്ഷണങ്ങൾ കഴിക്കുന്നതിന് വളരെയധികം പ്രാധാന്യമുണ്ട്. നല്ല സമീകൃതവും പ്രോട്ടീൻ അടങ്ങിയതുമായ ഭക്ഷണക്രമത്തിന്റെ പ്രാധാന്യത്തെക്കുറിച്ച് കൂടുതൽ ഊന്നിപ്പറയേണ്ടതില്ലല്ലോ. ഇത് ഈ ഘട്ടത്തിൽ നിങ്ങളുടെ ശരീരത്തിന്റെ രക്ഷയ്ക്കെത്തുമെന്നത് തീർച്ച! പ്രോട്ടീന്റെ കാര്യത്തിൽ, ആദ്യം മനസ്സിൽ വരുന്നത്, പ്രത്യേകിച്ച് നിങ്ങൾ സസ്യാഹാരിയാണെങ്കിൽ, പയറുവർഗ്ഗങ്ങളും പരിപ്പുമാണ്. എന്നാൽ ചെറുപയർ ഈ പട്ടികയിൽ ഒന്നാമതാണ് എന്നതിൽ തർക്കമില്ല!
ചെറുപയർ മുളപ്പിച്ച് കഴിക്കുന്നതാണോ അതോ വേവിച്ച് കഴിക്കുന്നതാണോ ആരോഗ്യത്തിന് കൂടുതൽ നല്ലത്? പല ആളുകൾക്കും ഉണ്ടാകുന്ന സംശയമാണ്. മുളപ്പിച്ചതോ വേവിച്ചതോ ആയ ചെറു പയറിനിടയിൽ നിങ്ങൾ ഒരു തിരഞ്ഞെടുപ്പ് നടത്തുകയാണെങ്കിൽ എന്തുചെയ്യും?
ചെറുപയറിന്റെ പോഷക ഗുണങ്ങൾ
പ്രോട്ടീൻ, കാർബോഹൈഡ്രേറ്റ്, ഫൈബർ എന്നിവ കൂടാതെ ആന്റിഓക്‌സിഡന്റുകളും ഈ പയറിൽ അടങ്ങിയിട്ടുണ്ട്. നമ്മുടെ ശരീരത്തിലെ കോശങ്ങളുടെ പുനരുജ്ജീവനത്തെക്കുറിച്ച് പറയുമ്പോൾ ആന്റിഓക്‌സിഡന്റുകൾ നിർണായകമാണെന്ന് നമുക്കെല്ലാവർക്കും അറിയാം. ഓർമ്മിക്കേണ്ട മറ്റൊരു കാര്യം, ചെറു പയറിൽ കൊഴുപ്പ് വളരെ കുറവാണ്, ഇത് ചെറുപയർ പരിപ്പിനെ ശരീരഭാരം കുറയ്ക്കാനോ കൊളസ്ട്രോൾ അളവ് നിയന്ത്രിക്കാനോ ആഗ്രഹിക്കുന്നവർക്ക് അനുയോജ്യമായ ഭക്ഷണമാക്കുന്നു.
പൊട്ടാസ്യം, മഗ്നീഷ്യം, ചെമ്പ്, ഇരുമ്പ് എന്നിവയാൽ സമ്പുഷ്ടമായ ഇത് വിളർച്ചയെ നേരിടാനുള്ള സ്ത്രീകളുടെ ഉത്തമ ഭക്ഷണം കൂടിയാണ്.
പയർ മുളപ്പിച്ച് കഴിച്ചാൽ
മുളപ്പിച്ച ചെറുപയർ വലിയ അളവിൽ കഴിക്കുമ്പോൾ എന്തെങ്കിലും കുടൽ, ദഹന പ്രശ്നങ്ങൾ ഉണ്ടാകുന്നത് നിങ്ങൾ ശ്രദ്ധിച്ചിട്ടുണ്ടോ? പയർ വർഗ്ഗങ്ങൾ മുളപ്പിക്കുന്നത് ദഹനനാളത്തിന്റെ പ്രശ്നങ്ങൾക്ക് കാരണമാകുന്ന ആന്റി ന്യൂട്രിയന്റുകൾ ആയ ടാന്നിനുകൾ, ഫൈറ്റേറ്റുകൾ, ലെക്റ്റിനുകൾ തുടങ്ങിയ കുറയ്ക്കാൻ സഹായിക്കുന്നു.
പയർ മുളപ്പിക്കേണ്ട രീതി
പച്ച ചെറുപയർ രാത്രി മുഴുവൻ (8-10 മണിക്കൂർ) വെള്ളത്തിൽ കുതിർത്ത് വെക്കാം, അടുത്ത ദിവസം രാവിലെ വെള്ളം കളയുക, പയർ നന്നായി കഴുകുക, കുറഞ്ഞത് 8-10 മണിക്കൂർ നേർത്ത മസ്ലിൻ തുണിയിൽ ഇത് കെട്ടിയിടുക. അപ്പോൾ ചെറിയ മുളകൾ ദൃശ്യമാകും, കൂടുതൽ മുളകൾ 16-18 മണിക്കൂറിനുള്ളിൽ വികസിക്കും. മുളപ്പിച്ച പയർ കഴിക്കുന്നതിലൂടെ ദോഷകരമായ മറ്റ് പാർശ്വഫലങ്ങളൊന്നും ഉണ്ടാവുകയുമില്ല.
വേവിച്ച പയർ
മുളപ്പിച്ചതിനേക്കാൾ നന്നായി വേവിച്ച പയറിനു രുചിയുണ്ടെന്നതിൽ സംശയമില്ല. എന്നാൽ ചെറുപയർ പാചകം ചെയ്യുന്നത് നല്ലതല്ല, കാരണം ഇത് മുളപ്പിച്ചതുമായി താരതമ്യം ചെയ്യുമ്പോൾ പയറിന്റെ പോഷകമൂല്യം കുറയ്ക്കുന്നു.
എന്തിനധികം, മുളപ്പിച്ച ഇനം കഴിക്കുമ്പോൾ, വേവിച്ച പയർ കഴിക്കുമ്പോൾ അനുഭവപ്പെടുന്ന വായുകോപവും വയർ വീക്കവും തടയുന്നു. അതിന്റെ പോഷകമൂല്യം പകുതിയായി കുറയുന്നു എന്നതിനാൽ, ഒരിക്കലും ചെറുപയർ തിളപ്പിച്ച് കഴിക്കരുത്. പകരം, ഇത് ആവി കയറ്റി കഴിക്കുക.
മുളപ്പിച്ച പയർ 5-7 മിനുട്ട് ആവിയിൽ പുഴുങ്ങുന്നത് അതിന്റെ പോഷകഗുണങ്ങളെ നശിപ്പിക്കാതെ പാചകം ചെയ്യാൻ പര്യാപ്തമായ മാർഗ്ഗമാണ്.
എന്നാൽ ആരെങ്കിലും ലെക്റ്റിനുകളോട് സംവേദനക്ഷമതയുള്ളയാളാണെങ്കിൽ, അല്ലെങ്കിൽ കുടൽ വീക്കം, വൻകുടൽ പുണ്ണ്, ക്രോൺസ് രോഗം അല്ലെങ്കിൽ ഐബിഎസ് പോലുള്ള ഒരു പ്രശ്നമുണ്ടെങ്കിൽ, ചെറുപയർ ഉൾപ്പെടെയുള്ള എല്ലാ പയർവർഗ്ഗങ്ങളും കഴിക്കുന്നത് ഒഴിവാക്കാൻ ശ്രദ്ധിക്കുക.
