ശരീരഭാഗങ്ങളിൽ നിർദ്ദിഷ്ട ഗുണഫലങ്ങൾ ലഭിക്കുന്നതിന് ശരിയായ മർദ്ദ സ്ഥാനങ്ങളിൽ മസാജ് ചെയ്യുക. ഹൃദയ സ്ഥാനം, ശ്വാസകോശം, കഴുത്ത് എന്നിവിടങ്ങളിൽ മസാജ് ചെയ്യുമ്പോൾ വേദന, ക്ഷീണം എന്നിവയിൽ നിന്ന് ആവശ്യമായ ആശ്വാസം ലഭിക്കും. നിങ്ങളുടെ പാദത്തിലെ ചെറിയ മസാജുകൾ എങ്ങനെ നിങ്ങളെ എങ്ങനെ സഹായിക്കുമെന്ന് നോക്കാം.
സമ്മർദ്ദം അകറ്റുന്നു, ഉറക്കം മെച്ചപ്പെടുത്തുന്നു: കാൽ മസാജുകൾ ഉത്കണ്ഠ, വിഷാദം എന്നിവ കുറയ്ക്കുന്നു. മസാജ് ചെയ്യുന്നത് ശരീരത്തിലെ രക്തചംക്രമണം വർദ്ധിപ്പിക്കുകയും നാഡികളുടെ അറ്റങ്ങൾ സജീവമാക്കുകയും ചെയ്യുന്നു. മസാജ് ചെയ്യുമ്പോൾ പ്രത്യേകിച്ച് പാദത്തിന്റെ മുകളിലെ അഗ്രം തടവുന്നത് വലിയ അളവിൽ ആശ്വാസം നൽകുന്നു. നിങ്ങളുടെ ശരീരം പുനരുജ്ജീവിപ്പിക്കപ്പെടുന്നു. കൂടാതെ, ഉറക്കമില്ലായ്മയെ ചെറുക്കാനും കാൽ മസാജ് സഹായിക്കുന്നു.
ആർത്തവ, ആർത്തവ വിരാമ സമയങ്ങളിൽ പ്രയോജനകരം: ആർത്തവ ദിനങ്ങളിലും, ആർത്തവ വിരാമം എത്തുന്ന സമയങ്ങളിലും ഉണ്ടാവുന്ന മാനസികാവസ്ഥയിലെ മാറ്റങ്ങൾ, ആർത്തവവിരാമ സമയത്ത് അനുഭവപ്പെടുന്ന അസ്വസ്ഥതകൾ എന്നിവ കാൽ മസാജർ ഉപയോഗിച്ച് എളുപ്പത്തിൽ പരിഹരിക്കാം. ആവശ്യമുള്ള ഫലങ്ങൾ ലഭിക്കുന്നതിന് മസാജ് ചെയ്യുമ്പോൾ കാലിന്റെ അടിയിലെ കുഴിഞ്ഞ ഭാഗം, ഒരു തള്ളവിരൽ വീതിയിൽ അമർത്തി തിരുമ്മുക.
ഗർഭകാലത്ത് ഗുണകരം: പ്രസവത്തിനു മുമ്പും ശേഷവും കാലുകളിൽ നീർക്കെട്ട്, വേദന, പ്രസവാനന്തര സമ്മർദ്ദം എന്നിവ സാധാരണമാണ്. അതിനാൽ, റിഫ്ലെക്സോളജി അടിസ്ഥാനമാക്കിയുള്ള കാൽ മസാജുകൾ സ്ത്രീയുടെ ശരീരത്തെ വേഗത്തിൽ സുഖപ്പെടുത്താനും സാധാരണ മെറ്റബോളിക് പ്രവർത്തനം വേഗത്തിൽ നേടാനും സഹായിക്കുന്നു. മസാജ് ചെയ്യുന്നത് നീർക്കെട്ടൽ അഥവാ എഡിമയുടെ ഫലങ്ങൾ കുറയ്ക്കാനും സഹായിക്കുന്നു.
മൾട്ടിപ്പിൾ സ്ക്ലിറോസിസ് അകറ്റാൻ ഗുണം ചെയ്യുന്നു: രോഗികൾക്ക് പലപ്പോഴും ഇരട്ട കാഴ്ച, ഒരു കണ്ണിലെ അന്ധത, പേശികളുടെ ബലഹീനത, മങ്ങിയ സംവേദനം, ഏകോപനത്തിലെ പ്രശ്‌നം, തളർച്ച എന്നിവ മൾട്ടിപ്പിൾ സ്ക്ലിറോസിസ് മൂലം അനുഭവപ്പെടുന്നു. എന്നാൽ കാൽ മസാജുകൾ, പ്രത്യേകിച്ച് റിഫ്ലെക്സോളജി അടിസ്ഥാനമാക്കിയുള്ള മസാജുകൾ അത്തരം സന്ദർഭങ്ങളിൽ മികച്ച ഫലങ്ങൾ നൽകുന്നതാണ്. ഇത് നിങ്ങളെ ക്ഷീണത്തിൽ നിന്ന് രക്ഷിക്കുന്നു.
തലവേദനയിൽ നിന്നുള്ള ആശ്വാസം: തലവേദന ചില സമയങ്ങളിൽ സൈനസ് മൂലം ഉണ്ടാകുന്നു, അല്ലെങ്കിൽ കഴുത്തിലും തോളിലും ഉണ്ടാകുന്ന പിരിമുറുക്കം അല്ലെങ്കിൽ നെറ്റിയിലോ തലയുടെ മുൻഭാഗത്തോ പിന്നിലോ ആയിട്ട് ഈ വേദന രൂപപ്പെടുന്നു. എന്നാൽ നിങ്ങളുടെ കാലിന്റെ പെരുവിരലിൽ സമ്മർദ്ദം ചെലുത്തി, അവയെ ഞെക്കിപ്പിടിക്കുകയും വിടുകയും ചെയ്യുന്ന സാങ്കേതികത ഉപയോഗിച്ച് നിങ്ങളുടെ തലവേദനയിൽ നിന്ന് തൽക്ഷണം ആശ്വാസം കണ്ടെത്താം.
നാഡീവ്യവസ്ഥ ശക്തിപ്പെടുത്തുന്നു: നമ്മുടെ കാലുകൾക്ക് അസംഖ്യം നാഡി അഗ്രങ്ങളുണ്ട്, അത് നട്ടെല്ലിലേക്ക് പോകുന്നു. നമ്മുടെ രണ്ട് കാലുകളുടെയും ഉള്ളുകൾ നട്ടെല്ലിലേക്ക് ബന്ധിക്കപ്പെട്ടിട്ടുണ്ട്. അതിൽ ആദ്യത്തെ കശേരു പെരുവിരലിന് താഴെയാണ്. അതിനാൽ, നിങ്ങൾ കാലിൽ സമ്മർദ്ദം ചെലുത്തി ഒരു വൃത്താകൃതിയിൽ തടവി 30-45 സെക്കൻഡ് മസാജ് ചെയ്യുകയാണെങ്കിൽ, നിങ്ങളുടെ നട്ടെല്ല് പുനരുജ്ജീവിപ്പിക്കപ്പെടും.
