മീൻ ഫ്രൈ കൂട്ടി ഊണ് മലയാളിയുടെ ഇഷ്ട ഭക്ഷണ ശീലമാണ്. ചെമ്പല്ലി പച്ചക്കുരുമുളക് ഫ്രൈ തയ്‌യാറാക്കിയാലോ
ചേരുവകൾ
- ചെമ്പല്ലി- ഒന്ന്
- പച്ചക്കുരുമുളക്- അഞ്ച് ടീസ്പൂൺ
- മഞ്ഞൾപ്പൊടി – ഒരു ടീസ്പൂൺ
- കറിവേപ്പില്- രണ്ട് തണ്ട്
- പച്ചമുളക്- അഞ്ചെണ്ണം
- ചുവന്നുള്ളി- പത്തെണ്ണം
- ഇഞ്ചി, വെളുത്തുള്ളി പേസ്റ്റ്- രണ്ട് ടീസ്പൂൺ
- ഉപ്പ്, വെളിച്ചെണ്ണ- ആവശ്യത്തിന്
തയ്‌യാറാക്കുന്ന വിധം
മീൻ വൃത്തിയാക്കി മാറ്റി വയ്‍ക്കുക. ബാക്കി ചേരുവകളെല്ലാം അരച്ച് മസാലയാക്കുക. ഇത് മീൻ വരഞ്ഞ ശേഷം നന്നായി മീനിൽ മാരിനേറ്റ് ചെയ്‌യാം. അരമണിക്കൂർ വയ്‍ക്കാം. ഒരു പാനിൽ എണ്ണയൊഴിച്ച് ചെറുതീയിൽ പൊരിച്ചെടുക്കുക.
(തയ്‌യാറാക്കിയത്- പ്രജിത്ത്, എക്സിക്യൂട്ടീവ് ഷെഫ്, ദി ഷാപ്പ് റെസ്റ്റൊറന്റ്, കോഴിക്കോട്)
Content Highlights: Green peppercorn fish fry recipe for lunch
