കൂടാതെ, പനീറിന് ടോഫു ഒരു മികച്ച സസ്യാഹാര ബദലാകാം. കൂടാതെ, ലാക്ടോസ് അസഹിഷ്ണുത ഉള്ളവർക്ക് പാലിന് പകരമായി ആരോഗ്യകരമായ സോയാ പാൽ കുടിക്കാം. സോയ ഭക്ഷണങ്ങൾക്ക് എല്ലാത്തരം ഭക്ഷണം കഴിക്കുന്നവരെയും തൃപ്തിപ്പെടുത്താമെന്ന് പറഞ്ഞാൽ അത് ഒട്ടും അതിശയോക്തിയാവില്ല.
സോയ ഭക്ഷണങ്ങൾ ദൈനംദിന ഭക്ഷണത്തിൽ ഉൾപ്പെടുത്തേണ്ടതിന്റെ കാരണം വിശദീകരിക്കാൻ ഫുഡ് സേഫ്റ്റി & സ്റ്റാൻഡേർഡ് അതോറിറ്റി ഓഫ് ഇന്ത്യ (എഫ്എസ്എസ്എഐ) അതിന്റെ ഔദ്യോഗിക ട്വിറ്റർ ഹാൻഡിലിൽ വിശദീകരണം നൽകുകയുണ്ടായി. , സോയാ ഗ്രാന്യൂൾസ് / നഗ്ഗെറ്റുകൾ, ടോഫു, സോയ പാൽ, സോയ മാവ്, സോയ നട്ട്സ് എന്നിങ്ങനെ ദിവസവും കഴിക്കാവുന്ന സോയ ഉൽപ്പന്നങ്ങളെക്കുറിച്ചും പോസ്റ്റ് ചൂണ്ടിക്കാണിക്കുന്നുണ്ട്.
പ്രോട്ടീൻ സമ്പുഷ്ടമായ സോയയുടെ ആരോഗ്യ ഗുണങ്ങൾ:
1. സോയ ഭക്ഷണങ്ങളിൽ നാരുകൾ കൂടുതലാണ്.
സോയ ഉൽ‌പ്പന്നങ്ങളിലെ ഉയർന്ന അളവിലുള്ള ഫൈബർ ഉള്ളടക്കം ദഹനം, ഉപാപചയം, മലവിസർജ്ജനം, കുടലിന്റെ ആരോഗ്യം എന്നിവ നിയന്ത്രിക്കാൻ സഹായിക്കും. ശരീരഭാരം കുറയ്ക്കാനും രക്തത്തിലെ പഞ്ചസാരയുടെയും കൊളസ്ട്രോളിന്റെയും അളവ് നിയന്ത്രിക്കാനും ഈ ഘടകങ്ങൾ സഹായിക്കുന്നു.
2. സോയ ഭക്ഷണങ്ങൾ പ്രോട്ടീന്റെ ഒരു കലവറയാണ്.
മനുഷ്യ ശരീരത്തിലെ നിർമാണ ഘടകമാണ് പ്രോട്ടീൻ. ഇത് പേശികളുടെ ശക്തിയും ആരോഗ്യവും വർദ്ധിപ്പിക്കാനും വിശപ്പ് കുറയ്ക്കാനും അസ്ഥികളുടെ ആരോഗ്യത്തെയും മറ്റും പ്രോത്സാഹിപ്പിക്കാനും സഹായിക്കുന്നു. അതിനാൽ, ലോകമെമ്പാടുമുള്ള വിദഗ്ദ്ധർ നമ്മുടെ ദൈനംദിന ഭക്ഷണക്രമത്തിൽ ആവശ്യമായ അളവിൽ പ്രോട്ടീൻ ഉൾപ്പെടുത്തുന്നതിന് ഊന്നിപ്പറയുന്നു.
3. ഒമേഗ -3 ഫാറ്റി ആസിഡുകളുടെ മികച്ച ഉറവിടമാണ് അവ.
സോയ ഉൽ‌പ്പന്നങ്ങളിലെ ഒമേഗ -3 ഫാറ്റി ആസിഡുകൾ ഹൃദയസംബന്ധമായ അപകടസാധ്യതകൾ കുറയ്ക്കുന്നതിനും രക്തസമ്മർദ്ദത്തിന്റെ അളവ് നിയന്ത്രിക്കുന്നതിനും സഹായിക്കും.
4. അവ ആരോഗ്യകരവും പൂരിത കൊഴുപ്പ് കുറവുമാണ്.
ഈ സവിശേഷത നിങ്ങളുടെ ശരീരഭാരം കുറയ്ക്കുന്ന ഭക്ഷണക്രമത്തിൽ ഉൾപ്പെടുത്താൻ സോയ ഉൽപ്പന്നങ്ങളെ മികച്ചതാക്കുന്നു.
5. സോയ ഉൽപന്നങ്ങൾ ലാക്ടോസ് രഹിതമാണ്.
സാധാരണ പാൽ ഉൽപ്പന്നങ്ങൾ നിങ്ങളിൽ ലാക്ടോസ് അസഹിഷ്ണുത ഉണ്ടാക്കുന്നു എങ്കിൽ, പകരം സോയ മിൽക്ക് പോലുള്ളവ തിരഞ്ഞെടുക്കാവുന്നതാണ്.
