സ്റ്റെപ്പ് 1: ലക്ഷണങ്ങൾ ഉണ്ടെങ്കിൽ അകലം പാലിക്കുക
ഒരു കോവിഡ് -19 പോസിറ്റീവ് വ്യക്തിയുമായി ബന്ധപ്പെട്ട അവസ്ഥ അല്ലെങ്കിൽ ഏതെങ്കിലും വിധത്തിൽ വൈറസ് ബാധിക്കുക, അല്ലെങ്കിൽ പനി, തലവേദന, തൊണ്ടവേദന, മണം അല്ലെങ്കിൽ രുചി നഷ്ടപ്പെടൽ തുടങ്ങിയ ലക്ഷണങ്ങൾ അനുഭവപ്പെടുകയോ ചെയ്‌താൽ തീർച്ചയായും മറ്റുള്ളവരിൽ നിന്ന് അകലം പാലിച്ചുകൊണ്ട് ഒറ്റയ്ക്ക് തുടരണം. ആവശ്യത്തിന് വിശ്രമിക്കുക, നന്നായി ഉറങ്ങുക, പോഷകാഹാരങ്ങൾ കഴിക്കുക തുടങ്ങിയ കാര്യങ്ങൾ ചെയ്യണം.
സ്റ്റെപ്പ് 2: കൊവിഡ് ടെസ്റ്റ്
അടുത്ത ഘട്ടം ആർ‌ടി-പി‌സി‌ആർ പരിശോധനയ്‌ക്കായി അടുത്തുള്ള ഒരു പരിശോധനാ കേന്ദ്രത്തിലേക്ക് പോയി കൊവിഡ് ടെസ്റ്റ് നടത്തുക എന്നുള്ളതാണ്. ഫലത്തിനായി നിങ്ങൾ കാത്തിരിക്കുമ്പോഴും എല്ലാവരിൽ നിന്നും അകലം പാലിക്കുന്നത് തുടരുക. വീട്ടിലുള്ള മറ്റുള്ളവർക്ക് രോഗം വരാതിരിയ്ക്കാനായി പ്രത്യേക ശ്രദ്ധ തന്നെ നൽകണം.
ഈ സമയത്ത് നിങ്ങളുടെ വസ്ത്രങ്ങളും ഉപയോഗിച്ച വസ്തുക്കളും പ്രത്യേകം സൂക്ഷിക്കുക. സ്വയം വൃത്തിയാക്കുക. വസ്ത്രങ്ങൾ കഴുകുന്നതിനു മുമ്പ് അണുവിമുക്തമാക്കാനുള്ള മാർഗങ്ങൾ സ്വീകരിക്കുക. മറ്റുള്ളവരുമായുള്ള സമ്പർക്കം ഒഴിവാക്കുക, കുടുംബാംഗങ്ങളിൽ ഒരാളെ മാത്രം അത്യാവശ്യ കാര്യങ്ങൾക്കായി ആശ്രയിക്കുക. ഇത്തരം സാഹചര്യങ്ങളിൽ എല്ലായ്പ്പോഴും മാസ്ക് കൃത്യമായി ഉപയോഗിക്കുക. വീട്ടിൽ തന്നെ തയ്യാറാക്കുന്ന പോഷകസമൃദ്ധമായ ഭക്ഷണം കഴിക്കുക.
സ്റ്റെപ്പ് 3: മറ്റ് അടിസ്ഥാന പരിശോധനകൾ
പോസിറ്റീവ് ആണെന്ന് പരിശോധിക്കുകയാണെങ്കിൽ, ഇ എസ് ആർ, സിആർപി, ടിസി, ഡിസി, ഫെറിറ്റിൻ, ഡി-ഡൈമർ പോലുള്ള അടിസ്ഥാന പരിശോധനകൾക്ക് സ്വയം വിധേയരാകുക, നിങ്ങൾക്ക് എന്തെങ്കിലും രോഗാവസ്ഥകളുണ്ടെങ്കിൽ പതിവ് മരുന്ന് തുടരുക. കൂടാതെ, എല്ലാ കുടുംബാംഗങ്ങൾക്കും പരിശോധന നടത്തുക.
സ്റ്റെപ്പ് 4: നേരിയ ലക്ഷണങ്ങൾ എങ്കിൽ വീട്ടിൽ തുടരാം
ലക്ഷണങ്ങൾ നേരിയതാണെങ്കിലും കഠിനമായ അസ്വസ്ഥതകൾ ഇല്ലെങ്കിലും വീട്ടിൽ തന്നെ തുടർന്ന് സുരക്ഷിതരായിരിക്കുക. എന്നിരുന്നാലും, അടിയന്തിര സാഹചര്യങ്ങൾ ഉണ്ടാകുകയാണെങ്കിൽ ആരോഗ്യ വിദഗ്ധരുമായി സമ്പർക്കം പുലർത്തുന്നതിന് ആവശ്യമായ മാർഗങ്ങൾ സ്വീകരിക്കുക.
സ്റ്റെപ്പ് 5: ശ്വസന വ്യായാമങ്ങൾ ശീലിക്കാം
പതിവായി ശാരീരിക വ്യായാമം ചെയ്യുന്നത് നല്ലതാണ്. നിങ്ങൾക്ക് സഹിക്കാവുന്ന പരിധിക്കുള്ളിൽ വേഗതയുള്ള നടത്തം, ചെറു വ്യായാമങ്ങൾ, ട്രെഡ്‌മിൽ നടത്തം എന്നിവയെല്ലാം മികച്ചതാണ്. എന്നാൽ നിങ്ങൾക്ക് കൂടുതൽ ശരീര വേദനയോ ക്ഷീണമോ അനുഭവപ്പെടുകയാണെങ്കിൽ അമിതമായി വ്യായാമം ചെയ്യാൻ ശ്രമിക്കരുത്. കൂടാതെ, എല്ലായ്പ്പോഴും പതിവായി ശ്വസന വ്യായാമങ്ങൾ ചെയ്യാൻ ശ്രമിക്കുക, യോഗ ചെയ്യാൻ കഴിയുമെങ്കിൽ, നിങ്ങൾ അത് തുടരണം.
6 മിനിറ്റ് വാക്ക് ടെസ്റ്റ് :
രോഗം സ്ഥിരീകരിച്ചു മൂന്നാം ദിവസം മുതൽ സ്വയം ചെയ്യാവുന്ന ചില പരിശോധനകൾ നടത്തണം. 6 മിനിറ്റ് നടന്നുകൊണ്ടുള്ള പരീക്ഷണമാണ് ഇതിൽ ഏറ്റവും മികച്ചത്. ഓക്സിജന്റെ അളവ് ഒരു ഓക്സിമീറ്റർ ഉപയോഗിച്ച് പതിവായി നിരീക്ഷിക്കണം. ആരോഗ്യമുള്ള ശരീരത്തിന് അനുയോജ്യമായ ഓക്സിജൻ സാച്ചുറേഷൻ 96 മുതൽ 100 വരെയാണ്. അതിനുശേഷം, 6 മിനിറ്റ് നിങ്ങളുടെ മുറിയിലൂടെ ചുറ്റിനടന്ന് നിങ്ങളുടെ ഓക്സിജന്റെ അളവ് വീണ്ടും കാണക്കുക. ഇപ്പോൾ ഓക്സിജന്റെ അളവ് 5 പോയിന്റിൽ കൂടുതൽ കുറയുകയാണെങ്കിൽ, നിങ്ങൾ ശ്വാസകോശ സംബന്ധമായ അണുബാധയ്ക്ക് സാധ്യതയുള്ളവരാണ് എന്ന് മനസിലാക്കണം. അതുകൊണ്ട് തന്നെ ആശുപത്രി പരിചരണം അത്യാവശ്യമാണ്.
സ്റ്റെപ്പ് 6: പരിശോധിക്കുക
എട്ട് മണിക്കൂറിനുള്ളിൽ ഒരു തവണയെങ്കിലും നിങ്ങളുടെ പൾസ്, താപനില, ശ്വസന നിരക്ക്, ഓക്സിജൻ സാച്ചുറേഷൻ, രക്തസമ്മർദ്ദം എന്നിവ പരിശോധിക്കുക. നിങ്ങൾക്ക് പ്രമേഹമുണ്ടെങ്കിൽ, ദിവസത്തിൽ രണ്ടുതവണ രക്തസമ്മർദ്ദം പരിശോധിച്ച് മരുന്ന് കഴിക്കുക. രാത്രിയിൽ എട്ട് മണിക്കൂർ ഉറക്കവും നിർബന്ധമാക്കുക.
സ്റ്റെപ്പ് 7: ആശുപത്രിയിലേയ്ക്ക് മാറേണ്ടത് എപ്പോൾ
ആശുപത്രി വാസം നിർബന്ധമാണെന്ന് തെളിയിക്കുന്ന മറ്റ് ചില സാധ്യതകൾ കൂടിയുണ്ട്.
*പൾസ് നിരക്ക് സ്ഥിരമായി 100 ൽ കൂടുതലാണെങ്കിൽ,
*ശരീര താപനില 100 ന് മുകളിൽ മൂന്ന് ദിവസത്തിൽ കൂടുതൽ നിലനിൽക്കുന്നുണ്ടെങ്കിൽ,
*കടുത്ത തലവേദനയോ തുടർച്ചയായ വയറിളക്കമോ ഉണ്ടെങ്കിൽ
*സിആർപി 10 ന് മുകളിലാണെങ്കിൽ,
* ലിംഫോസൈറ്റ് 20 ശതമാനത്തിൽ കുറവാണെങ്കിൽ,
* ഫെറിറ്റിൻ, ഡി-ഡൈമർ എന്നിവ ഉയർന്നതാണെങ്കിൽ
* അനിയന്ത്രിതമായ പ്രമേഹം, രക്താതിമർദ്ദം എന്നിവയുണ്ടെങ്കിൽ
* വൃക്കസംബന്ധമായ പ്രശ്നങ്ങൾ അല്ലെങ്കിൽ അമിതവണ്ണം എന്നിവ ഉണ്ടെങ്കിൽ
സ്റ്റെപ്പ് 8: പരിഭ്രാന്തി വേണ്ട
ഒരിക്കലും പരിഭ്രാന്തരാകരുത്, ആശുപത്രി വാസത്തിന്റെ കാര്യത്തിൽ ഡോക്ടറുടെ നിർദേശം സ്വീകരിയ്ക്കുക. ആശുപത്രിയിൽ പരിചരണത്തിലുള്ള സമയത്ത് അനാവശ്യമായി റെംഡെസിവിർ പോലുള്ള മരുന്നുകൾക്കായി നിർബന്ധം പിടിയ്ക്കാതിരിയ്കുക. എല്ലാവർക്കും ഇവ ആവശ്യമില്ല. വാസ്തവത്തിൽ,കൊവിഡ് പോസിറ്റീവ് ആകുന്നവരിൽ 10 – 15 ശതമാനം പേർക്ക് മാത്രമേ ഇത് ആവശ്യമുള്ളൂ, നിങ്ങൾ അവരിൽ ഒരാളാണെങ്കിൽ, ഡോക്ടർ തീർച്ചയായും ഇത് നിർദ്ദേശിക്കും.
സ്റ്റെപ്പ് 9: പരിശോധനകൾ വീണ്ടും എപ്പോൾ
പോസിറ്റീവ് ആയ ശേഷം നടത്തിയ അടിസ്ഥാന ആരോഗ്യ പരോശോധനകളെല്ലാം അഞ്ചാം ദിവസം ആവർത്തിക്കണം. സിആർപി ഉയരുന്നത് അപകടകരമായ അടയാളമാണ്. പരിശോധനാ ഫലം നെഗറ്റീവ് ആകുന്നതുവരെ സുരക്ഷിതമായും മറ്റുള്ളവരിൽ നിന്ന് അകലം പാലിച്ചും തുടരുക.
