ഇന്ത്യയിലെ മുൻനിര ടെലികോം ഓപ്പറേറ്റർമാരായ റിലയൻസ് ജിയോ, ഭാരതി എയർടെൽ, വോഡഫോൺ ഐഡിയ (Vi) എന്നിവ ഈ മാസം മുതൽ താരിഫ് വർധിപ്പിക്കുമെന്ന് ഉപയോക്താക്കളെ അറിയിച്ചിട്ടുണ്ട്. ജൂലൈ 3 മുതലാണ് റിലയൻസ് ജിയോയുടെ വർധിപ്പിച്ച താരിഫ് പ്രാപല്യത്തിൽ വരുന്നത്. വിവിധ പ്ലാനുകളിലായി 12-27 ശതമാനം വരെയാണ് വില വർധന.
കമ്പനികളുടെ 5 ജി സേവനങ്ങളിലൂടെ ധനസമ്പാദനം നടത്തുന്നതിനും ഈ മേഖലയുടെ സാമ്പത്തിക ആരോഗ്യം മെച്ചപ്പെടുത്തുന്നതിനുമുള്ള വഴിയായാണ് നിരക്ക് വർദ്ധനവിനെ അവർ നോക്കിക്കാണുന്നത്. അൺലിമിറ്റഡ് 5 ജി ഡാറ്റയ്ക്കുള്ള പരിധി 1.5 ജിബി/ദിവസ പ്ലാനുകളിൽ നിന്ന് 2 ജിബി/ദിവസ പ്ലാനുകളായി വർദ്ധിപ്പിച്ചിട്ടുണ്ട്. മുമ്പ്, 239 രൂപ മുതൽ ആരംഭിക്കുന്ന അൺലിമിറ്റഡ് 5ജി പ്ലാനുകൾക്ക് ഇനി മുതൽ, 349 രൂപയെങ്കിലും നൽകേണ്ടി വരും.
റിലയൻസ് ജിയോ പരിഷ്കരിച്ച പ്രീപെയ്ഡ് പ്ലാനുകൾ
മുൻമ്പ് 28 ദിവസത്തേക്ക് 2 ജിബി ഡാറ്റയ്ക്ക് 155 രൂപ നൽകിയിരുന്ന എൻട്രി ലെവൽ പ്രതിമാസ പ്ലാൻ ഇനിമുതൽ 189 രൂപയാക്കാകും ലഭ്യമാകുക. 1 ജിബി പ്ലാൻ 209 രൂപയിൽ നിന്ന് 249 രൂപയാകും. പ്രതിദിനം 1.5 ജിബി പ്ലാൻ, 239 രൂപയിൽ നിന്ന് 299 രൂപയാകും.
| നിലവിലെ പ്ലാൻ | കാലാവധി, ഡാറ്റ | പുതിയ പ്ലാൻ, വില (ജൂലൈ 3, 2024 മുതൽ) | വില വർദ്ധനവ് |
| 155 രൂപ | 28 ദിവസം, 2 ജിബി | 189 രൂപ | 34 രൂപ |
| 209 രൂപ | 28 ദിവസം, 1GB/ദിവസം | 249 രൂപ | 40 രൂപ |
| 239 രൂപ | 28 ദിവസം, 1.5GB/ദിവസം | 299 രൂപ | 60 രൂപ |
| 299 രൂപ | 28 ദിവസം, 2GB/ദിവസം | 349 രൂപ | 50 രൂപ |
| 349 രൂപ | 28 ദിവസം, 2.5GB/ദിവസം | 399 രൂപ | 50 രൂപ |
| 399 രൂപ | 28 ദിവസം, 3GB/ദിവസം | 449 രൂപ | 50 രൂപ |
| 479 രൂപ | 56 ദിവസം, 1.5GB/ദിവസം | 579 രൂപ | 100 രൂപ |
| 533 രൂപ | 56 ദിവസം, 2GB/ദിവസം | 629 രൂപ | 96 രൂപ |
| 395 രൂപ | 84 ദിവസം, 6 ജിബി | 479 രൂപ | 84 രൂപ |
| 666 രൂപ | 84 ദിവസം, 1.5GB/ദിവസം | 799 രൂപ | 133 രൂപ |
| 719 രൂപ | 84 ദിവസം, 2GB/ദിവസം | 859 രൂപ | 140 രൂപ |
| 999 രൂപ | 84 ദിവസം, 3GB/ദിവസം | 1,199 രൂപ | 200 രൂപ |
| 1,559 രൂപ | 336 ദിവസം, 24 ജിബി | 1,899 രൂപ | 340 രൂപ |
| 2,999 രൂപ | 365 ദിവസം, 2.5GB/ദിവസം | 3,599 രൂപ | 600 രൂപ |
