‘റിപ്പബ്ലിക് ഡേ 2024’ തീം വാട്ട്‌സ്ആപ്പ് സ്റ്റിക്കറുകൾ എങ്ങനെ അയയ്ക്കാം?

ഇന്ത്യൻ ഭരണഘടന അംഗീകരിച്ചതിൻ്റെ ഓർമ്മയ്ക്കായാണ് ജനുവരി 26 റിപ്പബ്ലിക് ദിനമായി ആചരിക്കുന്നത്. ഈ ദിനം രാജ്യത്തുടനീളമുള്ള ആളുകൾ ആഘോഷിക്കാനും ആഹ്ളാദിക്കാനും ഒത്തുചേരുന്നു. ഈ വർഷം ഇന്ത്യയുടെ 75ാമത് റിപ്പബ്ലിക് ദിനമായതിനാൽ ഇത് അൽപ്പം പ്രത്യേകതയുള്ളതാണ്.

വാട്ട്‌സ്ആപ്പ് നമ്മുടെയെല്ലാം ജീവിതത്തിൻ്റെ ഒരു പ്രധാന ഭാഗമായി മാറിയിരിക്കുന്നു. നിങ്ങൾക്ക് 75ാമത് റിപ്പബ്ലിക് ദിനത്തിൻ്റെ ആവേശം സുഹൃത്തുക്കളുമായും കുടുംബാംഗങ്ങളുമായും ഇന്ത്യയെ അടിസ്ഥാനമാക്കിയുള്ള സ്റ്റിക്കറുകൾ ഉപയോഗിച്ച് പ്രചരിപ്പിക്കാം.അത് Sticker.ly പോലുള്ള ആപ്പുകളിൽ കാണാം.

2024 റിപ്പബ്ലിക് ദിന സ്റ്റിക്കറുകൾ വാട്ട്‌സ്ആപ്പിൽ എങ്ങനെ അയയ്ക്കാം?

വാട്ട്സ്ആപ്പിൽ റിപ്പബ്ലിക് ദിന തീം ഉപയോഗിച്ച് സ്റ്റിക്കറുകൾ അയയ്‌ക്കാൻ ഒന്നിലധികം മാർഗങ്ങളുണ്ട്, ഗൂഗിൾ പ്ലേ സ്‌റ്റോറിലും ആപ്പിൾ ആപ്പ് സ്‌റ്റോറിലും ലഭ്യമായ സൗജന്യ ആപ്പായ Sticker.ly പോലുള്ള ആപ്പുകളിൽ നിന്ന് സ്റ്റിക്കർ പാക്ക് ഡൗൺലോഡ് ചെയ്യുക എന്നതാണ് ഏറ്റവും എളുപ്പമുള്ള മാർഗം .

Sticker.ly ആപ്പ് തുറന്ന് റിപ്പബ്ലിക് ദിനത്തിനായി തിരയുക. നിങ്ങൾക്ക് ധാരാളം സ്റ്റിക്കറുകൾ കാണാം. നിങ്ങളുടെ താൽപ്പര്യവുമായി പൊരുത്തപ്പെടുന്ന ഒന്ന് തിരഞ്ഞെടുത്ത് അവ നിങ്ങളുടെ സുഹൃത്തുക്കളുമായും കുടുംബാംഗങ്ങളുമായും പങ്കിടാൻ ആരംഭിക്കുക. പാക്കിൽ ജിഫ് ഫോർമാറ്റ് സ്റ്റിക്കറുകളും ഉൾപ്പെടുന്നു. ഇത് രസകരമായ ഒരു അനുഭവം നൽകുന്നു.

അതുപോലെ, ഒരു നിർദ്ദിഷ്‌ട ഫോട്ടോ ഉപയോഗിച്ച് ഒരാൾക്ക് വാട്ട്‌സ്ആപ്പിൽ സ്വന്തമായി സ്റ്റിക്കറുകൾ സൃഷ്‌ടിക്കാനും കഴിയും, അത് ഐഫോണിലോ വാട്ട്‌സ്ആപ്പ് വെബിലോ പോലും ചെയ്യാം. ആദ്യം ടെക്‌സ്‌റ്റ് ഇൻപുട്ട് ബോക്സിൻ്റെ ഇടതുവശത്തുള്ള പ്ലസ് ഐക്കണിൽ ക്ലിക്ക് ചെയ്യുക. പിന്നീട് ഒരു പുതിയ സ്റ്റിക്കർ സൃഷ്‌ടിക്കുക തിരഞ്ഞെടുക്കുക. തുടർന്ന് നിങ്ങൾക്കിഷ്ടമുള്ള ഒരു ഫോട്ടോ അപ്‌ലോഡ് ചെയ്‌ത് ഒരു വാട്സ്ആപ്പ് സ്‌റ്റിക്കറാക്കി മാറ്റുക.