​പ്രമേഹം മുടി കൊഴിച്ചിലിന് കാരണമോ?​

മുടി കൊഴിച്ചില്‍ വന്നാല്‍, അത് എന്തുകൊണ്ടാണ് വരുന്നത് എന്ന് പലരും ശ്രദ്ധിക്കാറില്ല. ചിലര്‍ മുടി അമിതമായി കൊഴിയുന്നുണ്ട് എന്ന് കാണുമ്പോള്‍ മുതല്‍ ഏതെങ്കിലും ഹെയര്‍പാക്ക് ഉപയോഗിക്കാന്‍ ആരംഭിക്കും. അല്ലെങ്കില്‍ ചിലര്‍ കുറേ എണ്ണക്കൂട്ടുകള്‍ തയ്യാറാക്കി ഉപയോഗിക്കാന്‍ ആരംഭിക്കും. എന്നാല്‍, മുടി കൊഴിച്ചിലിനെ ബാധിക്കുന്ന നിരവധി ഘടകങ്ങളുണ്ട്. ഹോര്‍മോണ്‍ വ്യതിയാനം, അതുപോലെ ചില രോഗാവസ്ഥകള്‍, നമ്മളുടെ ആരോഗ്യം എന്നിവയെല്ലാം തന്നെ മുടിയുടെ ആരോഗ്യത്തേയും ബാധിക്കുന്നവയാണ്. ഇത്തരത്തില്‍ മുടിയുടെ ആരോഗ്യത്തെ ബാധിക്കുന്ന ഒരു അവസ്ഥയാണ് പ്രമേഹം.പ്രമേഹം ശരീരത്തെ എങ്ങിനെ ബാധിക്കുംനമ്മളുടെ മൊത്തത്തിലുള്ള ആരോഗ്യത്തെ ബാധിക്കുന്ന ഒരു രോഗാവസ്ഥയാണ് പ്രമേഹം. നമ്മളുടെ ശരീരത്തില്‍ ഗ്ലൂക്കോസിനെ എനര്‍ജിയായി പരിവര്‍ത്തനം ചെയ്യാന്‍ ഇന്‍സുലിന്‍ വേണം. എന്നാല്‍, ഈ ഇന്‍സുലിന്‍ വേണ്ടത്ര ഉല്‍പാദിപ്പിക്കാതെ വരുമ്പോഴാണ് അത് പ്രമേഹം എന്ന അവസ്ഥയിലേയ്ക്ക് ഓരോ വ്യക്തികളെ തള്ളി വിടുന്നത്. ഇത് പാരമ്പര്യമായും നമ്മള്‍ക്ക് ലഭിക്കാവുന്ന ഒരു രോഗമാണ്.ഒരു വ്യക്തിയില്‍ പ്രമേഹം വന്ന് കഴിഞ്ഞാല്‍ ആ വ്യക്തിയുടെ ഹോര്‍മോണ്‍ ബാലന്‍സിനെ മുതല്‍ മൊത്തത്തിലുള്ള ആരോഗ്യത്തെ വരെ ഇത് കാര്യമായി ബാധിക്കുന്നുണ്ട്. നമ്മളുടെ കണ്ണുകളെ, നമ്മളുടെ വൃക്കകളെ അതുപോലെ തന്നെ നമ്മളുടെ രക്തധമനികളെ വരെ ഇത് ബാധിക്കുന്നു. നമ്മളുടെ രക്തധമനികള്‍ക്ക് ക്ഷതം സംഭവിക്കുമ്പോള്‍ അത് ശരീരത്തിന്റെ എല്ലാഭാഗത്തേയ്ക്ക് രക്തം എത്തിക്കുന്നിനും അതുപോലെ, ഓക്‌സിജന്‍ എത്തിക്കുന്നതിലും അഭാവം സൃഷ്ടിക്കുന്നു. ഇത് മുടിയുടെ ആരോഗ്യത്തേയും സാവധാനത്തില്‍ ബാധിക്കുന്നു. മുടി നന്നായി വളരണമെങ്കില്‍ നല്ലപോലെ ഓക്‌സിജന്‍ എത്തണം. ഇത് കൃത്യമല്ലാതാകുമ്പോള്‍ മുടി കൊഴിച്ചിലിനും അതുപോലെ, മുടി വളരാതിരിക്കുന്നതിനും കാരണമാകുന്നു.പ്രമേഹം മുടി കൊഴിച്ചിലിന് കാരണമാകുന്നത് എങ്ങിനെനമ്മളുടെ മുടി വളരുന്നത് നാല് ഘട്ടങ്ങളിലൂടെയാണ്. ഓരോ സ്‌റ്റേജ് പിന്നിടുമ്പോഴാണ് മുടിയ്ക്ക് അതിന്റെ പൂര്‍ണ്ണ വളര്‍ച്ചയെത്തുന്നത്. എന്നാല്‍, പ്രമേഹം ഉണ്ടെങ്കില്‍ ഇത് മുടിയുടെ വളര്‍ച്ചയെ ബാധിക്കുകയും ഇത് മുടി വളരാതിരിക്കുന്നതിലേയ്ക്കും അതുപോലെ തന്നെ മുടി കൊഴിച്ചിലേയ്ക്കും നയിക്കുന്നുണ്ട്. ഇവ കൂടാതെ, കൃത്യമായി തലയിലേയ്ക്ക് രക്തം എത്താതിരിക്കുന്നത് മുടിയുടെ വളര്‍ച്ചയ്ക്കും ആരോഗ്യത്തിനും ആവശ്യമായ ഓക്‌സിജന്‍ എത്താതിരിക്കുന്നതിന് കാരണമാകുന്നു. ഇവ കൂടാതെ മുടിയ്ക്ക് വേണ്ട കൃത്യമായ പോഷകങ്ങള്‍ എത്താതിരിക്കുന്നതിന് ഇത് ഒരു കാരണമാണ്. ഇത് മുടി കൊഴിച്ചിലിന് കാരണമാണ്. അതുപോലെ തന്നെ പ്രമേഹം ഹോര്‍മോണ്‍ വ്യതിയാനത്തിന് കാരണമാകുന്നു. പ്രത്യേകിച്ച് ഇന്‍സുലിന്‍ ആന്‍ഡ്രിജന്‍ എന്നീ ഹോര്‍മോണുകളെ ഇവ കാര്യമായി ബാധിക്കുന്നുണ്ട്. ഇത് മുടിയുടെ വളര്‍ച്ചയെ ബാധിക്കുന്നു. അതുപോലെ തന്നെ ഇത് മുടി കൊഴിച്ചിലിലേയ്ക്കും നയിക്കുന്നുണ്ട്. അതുപോലെ മുടിയുടെ വേരുകളില്‍ വീക്കം സംഭവിക്കാനും അതുവഴി മുടി കൊഴിച്ചില്‍ ഉണ്ടാകാനും പ്രമേഹം ഒരു കാരണമാകുന്നുണ്ട്. പോഷകക്കുറവും സ്‌ട്രെസ്സുംപ്രമേഹം പലതരത്തിലുള്ള പോഷകക്കുറവിലേയ്ക്ക് നമ്മളെ സാവധാനത്തില്‍ നയിക്കുന്നു. ഇത്തരത്തില്‍ ശരീരത്തില്‍ പോഷകക്കുറവ് സംഭവിക്കുമ്പോള്‍ അത് മുടിയുടെ വളര്‍ച്ചയേയും കാര്യമായി ബാധിക്കുന്നു. അതുപോലെ തന്നെ പ്രമേഹം ഉള്ളവരില്‍ സ്‌ട്രെസ്സ് കൂടാനുള്ള സാധ്യത തള്ളിക്കളയാന്‍ സാധിക്കില്ല. നമ്മളില്‍ സ്‌ട്രെസ്സ് കൂടുന്നത് സത്യത്തില്‍ ഉറക്കമില്ലായ്മ, അതുപോലെ ഹോര്‍മോണ്‍ വ്യതിയാനം എന്നിവയിലേയ്ക്ക് നയിക്കുന്നു. ഇത് സത്യത്തില്‍ മുടിയുടെ ആരോഗ്യം നശിപ്പിക്കുന്നതിന് ഒരു കാരണമാകുന്നുണ്ട്. അതുപോലെ, പ്രമേഹം കുറയ്ക്കാന്‍ കഴിക്കുന്ന ചില മരുന്നുകള്‍ ചിലപ്പോള്‍ മുടി കൊഴിച്ചിലിലേയ്ക്ക് നയിച്ചെന്ന് വരാം. ഇവ കൂടാതെ, ടൈപ്പ് 1 പ്രമേഹം ഉളളവരാണ് നിങ്ങള്‍ എങ്കില്‍ തീര്‍ച്ചയായും നിങ്ങളില്‍ ഓട്ടോഇമ്മ്യൂണ്‍ പ്രശ്‌നങ്ങള്‍ ഉണ്ടാകാന്‍ സാധ്യതകളുണ്ട്. ഇതും അലോപേഷ്യ പോലെയുള്ള പ്രശ്‌നങ്ങളിലേയ്ക്ക് നയിച്ചെന്ന് വരാം.മുടി കൊഴിച്ചില്‍ തടയാന്‍പ്രമേഹം മൂലം ഉണ്ടാകുന്ന മുടി കൊഴിച്ചില്‍ തടയാന്‍ പ്രമേഹത്തെ നിയന്ത്രിക്കുക എന്നതാണ് ഒരു പ്രധാന വഴി. ഇതിനായി നല്ല ഡയറ്റ് പിന്തുടരേണ്ടത് അനിവാര്യമാണ്. ഇതില്‍ നല്ലപോലെ ധാന്യങ്ങള്‍, പ്രോട്ടീന്‍, നല്ല പഴം പച്ചക്കറികള്‍ എന്നിവയെല്ലാം തന്നെ ഉള്‍പ്പെടുത്തേണ്ടത് അനിവാര്യമാണ്. അതുപോലെ കാര്‍ബോഹൈഡ്രേറ്റ് കഴിക്കുന്നത് കുറയ്ക്കുക. അതുപോലെ, സ്ഥിരമായി കുറച്ച് സമയം വ്യായാമം ചെയ്ത് ശീലിക്കുന്നത് നല്ലതാണ്. ഇവ കൂടാതെ, ഇടയ്ക്കിടയ്ക്ക് പ്രമേഹം പരിശോധിക്കുന്നത് നല്ലതാണ്. ഇത് നിങ്ങളുടെ പ്രമേഹത്തിന്റെ തോത് എത്രത്തോളമാണ് എന്ന് മനസ്സിലാക്കാനും എന്തെല്ലാം കാര്യങ്ങള്‍ ശ്രദ്ധിക്കണം എന്ന് മനസ്സിലാക്കാനും ഇത് സഹായിക്കും. അമിതമായി സ്‌ട്രെസ്സ് ഉള്ളവര്‍ അത് കുറയ്ക്കാന്‍ മെഡിറ്റേഷന്‍ പോലെയുള്ള കാര്യങ്ങള്‍ ശ്രദ്ധിക്കുന്നത് നല്ലതായിരിക്കും. അതുപോലെ തന്നെ 7 മുതല്‍ 9 മണിക്കൂര്‍ കൃത്യമായി ഉറക്കം നിലനിര്‍ത്താന്‍ ശ്രദ്ധിക്കേണ്ടത് അനിവാര്യമാണ്. ഇവ കൂടാതെ, നന്നായി വെള്ളം കുടിക്കുന്നതും മദ്യപാനം പുകവലി എന്നിവ ഒഴിവാക്കുന്നതും പ്രമേഹത്തെ നിയന്ത്രിക്കാന്‍ നിങ്ങളെ സഹായിക്കും.