ചക്ക ആൾ ചില്ലറക്കാരനല്ല, ചക്കയുടെ ആരോഗ്യഗുണങ്ങൾ ഇതൊക്കെയാണ്

മലയാളികളുടെ ഇഷ്ട വിഭവങ്ങളിൽപ്പെടുന്നതാണ് ചക്കപ്പഴം. മാമ്പഴവും ചക്കയുമൊക്കെ വളരെ സുലഭമായി നമ്മുടെ നാട്ടിൽ ലഭ്യമാണ്. ചക്ക പലർക്കും അധികം ഇഷ്ടമല്ലെങ്കിലും ഇതിൻ്റെ ആരോഗ്യ ഗുണങ്ങൾ അറിയാവുന്നവർ ഇത് ഒരിക്കലും ഉപേക്ഷിക്കില്ല എന്നതാണ് സത്യം. ഈ അത്ഭുതകരമായ ദക്ഷിണേന്ത്യൻ പഴം ഏറെ ആരോഗ്യ ഗുണങ്ങൾ നൽകുന്നതാണ്. ഈ പഴത്തിൽ ആരോഗ്യകരമായ കാർബോഹൈഡ്രേറ്റുകൾ സമ്പുഷ്ടമായ അളവിലും കലോറി കുറഞ്ഞ അളവിലും അടങ്ങിയിട്ടുണ്ട്. ഈ പഴം വീട്ടിൽ കൊണ്ടുവന്ന് ഏതെങ്കിലും മൂലയിൽ വെച്ചാൽ മതി, അതിന്റെ സുഗന്ധം അയൽ വീട്ടിലേക്കും വ്യാപിക്കും. ഇതാണ് ഈ പഴത്തിന്റെ ശക്തി. മറഞ്ഞിരിക്കുന്ന രുചിയും മണവും ഉള്ള ഈ പഴം പലരും ഇഷ്ടപ്പെടാറുണ്ട്. ഈ അത്ഭുത പഴത്തിൻ്റെ ആരോഗ്യ ഗുണങ്ങൾ എന്തൊക്കെയാണെന്ന് നോക്കാം.