സമയക്കുറവാണ് വ്യായാമം ചെയ്യാതിരിക്കാൻ പലരും പറയാറുള്ള കാരണം. കൂടുതൽ നേരമുള്ള ജോലി പലപ്പോഴും കുടുംബത്തോടും സുഹൃത്തുക്കളോടും ഇടപഴകുന്നത്തിന് പോലും സാധ്യമാകാതെ വരുന്നു, അപ്പോൾ പിന്നെ എവിടെ വ്യായാമം ചെയ്യാൻ സമയം?
വ്യായാമം മുടക്കിയാൽ
ആഹാരം കഴിക്കുന്നതിൽ നമ്മൾ എപ്പോഴെങ്കിലും മുടക്ക് വരുത്താറുണ്ടോ? ഇല്ല എന്ന് തന്നെയാകും കൂടുതൽ പേരുടെയും ഉത്തരം. ആരോഗ്യം നിലനിർത്താൻ ആഹാരം മാത്രം പോരാ. കൃത്യമായ വ്യായാമവും ഇതിനാവശ്യമാണ്‌. ഭക്ഷണകാര്യത്തിൽ കൃത്യത പിന്തുടരുന്ന നമ്മൾ ഓരോരുത്തരും വ്യായാമത്തിന്റെ കാര്യത്തിൽ വേണ്ടത്ര ശ്രദ്ധ നൽകാറില്ല എന്നതാണ് വാസ്തവം. തിരക്കേറിയ ഒരു ജീവിതശൈലി ആണെങ്കിൽപ്പോലും മികച്ച ഫിറ്റ്നസ് ശീലം നിലനിർത്താനായി നിങ്ങൾക്ക് ചില കാര്യങ്ങൾ ചെയ്യാൻ കഴിയും.
വ്യായാമത്തിന് ജിമ്മിൽ പോകേണ്ട
ജിമ്മിൽ പോയാലേ വ്യായാമം ചെയ്യാനാകൂ എന്ന് വിശ്വസിക്കുന്നുണ്ടോ? വ്യായാമം ചെയ്യുന്നതിനായി നിങ്ങൾ ജിമ്മിൽ പോവണം എന്ന് യാതൊരു നിർബന്ധവുമില്ല. എല്ലാ ദിവസവും കുറച്ചു സമയമെങ്കിലും വ്യായാമത്തിൽ ഏർപ്പെടുന്നുണ്ടോഎന്നത് മാത്രമാണ് ശ്രദ്ധിക്കേണ്ടത്. നിങ്ങൾ ദിവസവും ചെയ്യുന്ന ചില ശാരീരിക ചലനങ്ങൾ പോലും നിങ്ങൾക്ക് വ്യായാമങ്ങളായി മാറ്റിയെടുക്കാം. വീട്ടുജോലികൾ, ഷോപ്പിംഗ്, വിനോദങ്ങൾ തുടങ്ങി ഓഫീസിൽ നിങ്ങൾ വെള്ളം എടുക്കുന്നത് പോലും ഒരു വ്യായാമമായി കണക്കാക്കാം. ഇക്കാര്യങ്ങളൊക്കെ നിങ്ങൾ ചെയ്യുന്നത് വ്യായാമം എന്ന രീതിയിൽ മന:പൂർവമായിട്ടല്ല. ഇതൊക്കെ ദിവസവും സാധാരണയായി ചെയ്യുന്ന കാര്യങ്ങളാണ്. ഇക്കാര്യങ്ങളെല്ലാം തന്നെ ഒരു വ്യായാമമെന്ന രീതിയിൽ കണക്കിലെടുത്തുകൊണ്ട് പ്രവർത്തിക്കുന്നത് വഴി നിങ്ങൾ കൂടുതൽ ആരോഗ്യവാനായിരിക്കാൻ സഹായിക്കുമെന്നാണ് പഠനങ്ങൾ തെളിയിക്കുന്നു.
വ്യായാമ പ്രക്രിയയിൽ നിങ്ങളുടെ മനസ്സിനെ ബോധപൂർവ്വം ഉൾപ്പെടുത്തുക. ഇതുവഴി നിങ്ങൾക്ക് കൂടുതൽ ആരോഗ്യമുള്ളവരായി മാറുവാൻ കഴിയും.
നിങ്ങളുടെ ദൈന്യദിന ഷെഡ്യൂളുകൾ എത്ര തന്നെ തിരക്ക് നിറഞ്ഞതാണെങ്കിലും ദിവസത്തിൻ്റെ ആരംഭ വേളയിൽ ഇന്ന് എല്ലാം നല്ല രീതിയിൽ നടക്കുമെന്ന പ്രതീക്ഷകൾ വച്ച്കൊണ്ട് മുന്നോട്ട് പോവുകയാണെങ്കിൽ എല്ലാ കാര്യങ്ങളിലും പോസിറ്റീവായ മാറ്റങ്ങൾ ഉണ്ടാകുമെന്ന് തീർച്ചയാണ്. ജോലി സമയങ്ങളിൽക്കിടയിൽ നിങ്ങൾക്ക് ലഭിക്കുന്ന ഓരോ ചെറിയ ഇടവേളകൾ പോലും കാര്യക്ഷമമായി ഉപയോഗിച്ചുകൊണ്ട് നിങ്ങളുടെ ആരോഗ്യം, മനോനില, ശാരീരികക്ഷമത എന്നിവ മെച്ചപ്പെടുത്താൻ ശ്രമിക്കുക. നിങ്ങളുടെ മനസ്സിൽ എല്ലായ്പ്പോഴും നിശ്ചയദാർഢ്യവും പോസിറ്റീവ് ചിന്താഗതിയും ഉണ്ടെങ്കിൽ ഉദ്ദേശ്യങ്ങളെല്ലാം നിറവേറ്റുന്നതിനും നടപ്പിലാക്കുന്നതിനുമെല്ലാമുള്ള സാഹചര്യങ്ങൾ ശരീരം താനെ ഒരുക്കിത്തരും.
ഇത്തരത്തിൽ നിങ്ങൾ പരിശ്രമിക്കുകയാണെങ്കിൽ നിങ്ങളുടെ ശരീരത്തിൽ നല്ല മാറ്റങ്ങൾ ഉണ്ടാകും എന്ന് തീർച്ചയാണ്. നിങ്ങളുടെ ശരീരം ചലനത്തെയാണ് തിരിച്ചറിയുന്നത്. അത് ചെയ്യുന്ന സ്ഥലത്തെയല്ല! ഈ ചിന്ത എപ്പോഴും മനസ്സിൽ ഉണ്ടെങ്കിൽ വിവേകത്തോടെ നിങ്ങളുടെ ഓരോ ചെറിയ ചലനങ്ങൾ പോലും ആരോഗ്യത്തിലേക്കുള്ള പാതയാക്കി മാറ്റിയെടുക്കാൻ കഴിയും.
