രക്തത്തിലെ പഞ്ചസാരയുടെ അളവ് വളരെ ഉയർന്നതാണെങ്കിൽ, നിങ്ങളുടെ വായിൽ ചില ലക്ഷണങ്ങൾ അനുഭവപ്പെടാം. പ്രമേഹം ഒരു വ്യവസ്ഥാപരമായ രോഗമാണ്, അതായത് ശരീരത്തിലെ എല്ലാ അവയവങ്ങളെയും ബാധിച്ചേക്കാം, വായയും അതിൽ നിന്ന് ഒഴിവാക്കപ്പെട്ടിട്ടില്ല. പ്രമേഹത്തെ കുറിച്ച് നമ്മൾ ചർച്ച ചെയ്യുമ്പോൾ പലപ്പോഴും സംസാരിക്കുന്നത് കിഡ്നി, ഞരമ്പുകൾ തുടങ്ങിയവയെ കുറിച്ചാണ്. എന്നാൽ പ്രമേഹവുമായി ബന്ധപ്പെട്ട് നമ്മൾ പലപ്പോഴും അവഗണിക്കുന്ന ഒരു ശരീരഭാഗമുണ്ട് – അതാണ് വായ. വായിലെ അണുബാധ വളരെ സാധാരണമാണെന്നും പ്രമേഹരോഗികളിൽ അത് കൂടുതലാണെന്നും മനസ്സിലാക്കണം. പ്രമേഹം നന്നായി നിയന്ത്രിക്കുന്ന ആളുകളിൽ, നല്ല ഭക്ഷണക്രമവും വ്യായാമവും പിന്തുടർന്നിട്ട് പോലും പെട്ടെന്ന് നിയന്ത്രണം തകരാറിലായാൽ, മൂത്രത്തിലെ അണുബാധയും ദന്ത പ്രശ്നങ്ങളും, വായിലെ അണുബാധയും പരിശോധിക്കണം എന്നത് ഒരു വിദഗ്ദ്ധ നിർദ്ദേശമാണ്.
വായിൽ ദുർഗന്ധം ഉണ്ടോ എന്ന് പരിശോധിക്കേണ്ടത് പ്രധാനമാണ്, അതിനെ നമ്മൾ ഹാലിറ്റോസിസ് എന്ന് വിളിക്കുന്നു. പഞ്ചസാരയുടെ അളവ് മോശമാണെന്ന് നിങ്ങൾ കണ്ടെത്തുകയാണെങ്കിൽ, ഒപ്പം വായ്നാറ്റം ഉണ്ടാവുകയും, വായയിലോ പല്ലിലോ എന്തെങ്കിലും അണുബാധകൾ കാണുകയാണെങ്കിലോ, രോഗിയെ ഉടൻ തന്നെ ഒരു ഡെന്റൽ സർജന്റെ അടുത്തേക്ക് പരിശോധനയ്ക്ക് വിടണം.
ഡയബറ്റിക് കീറ്റോഅസിഡോസിസ്, ഇത് പ്രമേഹത്തിന്റെ ഗുരുതരമായ പ്രശ്നമാണ്, അതിൽ കീറ്റോണിന്റെ രൂപീകരണം കാരണം വായയിലെ ദുർഗന്ധം ഡയബറ്റിക് കീറ്റോഅസിഡോസിസ് ഉള്ള രോഗികളിൽ സാധാരണമാണ്.
പഞ്ചസാരയുടെ അളവ് 250/300-ൽ കൂടുതലുള്ള രോഗികളിൽ, വായ്നാറ്റം ഡയബറ്റിക് കീറ്റോഅസിഡോസിസ് പിടിപ്പെടുന്നതിനുള്ള ഒരു സൂചന ആയിരിക്കും. കീറ്റോണുകൾ ഉണ്ടോ എന്ന് പരിശോധിക്കാൻ രോഗിക്ക് മൂത്രപരിശോധന ആവശ്യമാണ്. പ്രമേഹരോഗികളിൽ ഉണ്ടായേക്കാവുന്ന ആശങ്കാജനകമായ അവസ്ഥകളാണ് ഡയബറ്റിസ് കീറ്റോഅസിഡോസിസും ഹാലിറ്റോസിസും.
പ്രമേഹം, ചികിത്സിച്ചില്ലെങ്കിൽ, ഹൃദ്രോഗം, പക്ഷാഘാതം, വൃക്ക തകരാറുകൾ, ന്യൂറോപ്പതി എന്നിവയ്ക്ക് കാരണമാകാം. കൂടുതൽ ഗുരുതരമാകുന്ന അവസ്ഥയിൽ കാലുകൾ മുറിച്ച് മാറ്റുന്നതിനും അന്ധതയ്ക്കും വരെ പ്രമേഹം കാരണമാകും. ഇത് ഇന്ത്യൻ ആരോഗ്യസംരക്ഷണ സംവിധാനത്തിൽ വലിയ സമ്മർദ്ദം സൃഷ്ടിക്കുന്ന ഒരു രോഗമാണ് എന്നതിനാൽ, പ്രതിരോധവും കൃത്യ സമയത്തുള്ള രോഗനിർണയവും രോഗിയുടെ ആരോഗ്യത്തിന് നിർണായകമാണ്.
