വീട്ടിലുണ്ടാക്കാം അടിപൊളി രുചിയില്‍ വെജ് ഗ്രില്‍ഡ് സാന്‍ഡ്‌വിച്ച്

ബ്രേക്ക്ഫാസ്റ്റായി ഗ്രിൽഡ് വെജ് സാൻഡ് വിച്ച് ഉണ്ടാക്കി നോക്കിയാലോ. വളരെ എളുപ്പത്തിൽ വീട്ടിൽ തന്നെ തയ്‌യാറാക്കാവുന്ന ഒരടിപൊളി സാൻഡ് വിച്ച് എങ്ങിനെ തയ്‌യാറാക്കാമെന്ന് നോക്കാം.

സവാള, കാപ്സിക്കം, വെള്ളരിക്ക എന്നിവ ചെറുതായി അരിഞ്ഞെടുക്കുക.

ചിരകി വെച്ച കാരറ്റും പനീറും നന്നായി കൂട്ടിയോജിപ്പിക്കുക. ഇതിലേക്ക് മയൊണൈസ് ചേർക്കുക. നാല് ബ്രഡ് കഷ്ണങ്ങൾ എടുത്ത് ഒരു വശത്ത് കുറച്ച് തക്കാളി സോസ് പുരട്ടുക. തക്കാളി സോസ് പുരട്ടിയ ഒരു ബ്രഡ് കഷ്ണം എടുത്ത് ഇതിലേക്ക് ഉപ്പും കുരുമുളക് പൊടിയും ഇടുക. ഇതിനുമുകളിലേക്ക് അരിഞ്ഞുവെച്ച പച്ചക്കറികൾ വയ്‍ക്കുക. ഇതിനുമുകളിലേക്ക് കാരറ്റും പനീറും ചേർന്ന കൂട്ട് വയ്‍ക്കുക. ഈ കൂട്ടിനു മുകളിലേക്ക് ചീസ് കഷ്ണങ്ങൾ കൂടി വയ്‍ക്കുക. മുകളിൽ മറ്റൊരു ബ്രെഡ് കഷ്ണം കൂടി വെച്ച് സ്വൽപം വെണ്ണ മുകളിൽ പുരട്ടി ഗ്രിൽ ചെയ്ത് എടുക്കാം.

Content highlights: breakfast easy cooking recipe grilled veg sandwitch