ശർക്കര എങ്ങനെ തയ്യാറാക്കുന്നു?
കരിമ്പിന്റെ നീര് അല്ലെങ്കിൽ ഈന്തപ്പന മുതലായ ചില മരങ്ങളുടെ നീരിൽ നിന്നാണ് ശർക്കര നിർമ്മിച്ചെടുക്കുന്നത്. വേർതിരിച്ചെടുത്ത നീര് ഉയർന്ന ഡിഗ്രിയിൽ ചൂടാക്കി യഥാർത്ഥ അളവിന്റെ മൂന്നിലൊന്നായി കുറയ്ക്കുകയും ദ്രാവകം തുടർച്ചയായി ഇളക്കി കൊണ്ട് തൽക്ഷണം തണുപ്പച്ചെടുക്കുകയും ചെയ്യുന്നു. തുടർന്ന് ഇത് ഒരു വലിയ ഇരുമ്പ് പാത്രത്തിലേക്ക് മാറ്റി പൂർണ്ണമായും കട്ടിയാക്കി മാറ്റിയ ശേഷം തുടർന്ന് വീണ്ടും തണുപ്പിക്കാനും കട്ടിയുള്ളതാക്കി മാറ്റാനും അനുവദിക്കും. ഈ ശർക്കര കഷണങ്ങളാക്കി വൃത്തങ്ങളിലും മറ്റു രൂപത്തിലും മുറിച്ചെടുക്കുന്നു.
ശർക്കരയുടെ പോഷക മൂല്യം:
ശർക്കര പഞ്ചസാരയേക്കാൾ സങ്കീർണ്ണമായ ഗുണമേന്മകൾ അടങ്ങിയിട്ടുള്ളതാണ്. അതിനാൽ ഇത് പഞ്ചസാരയേക്കാൾ സാവധാനത്തിൽ ശരീരത്തിൽ ദഹിപ്പിക്കപ്പെടുകയും സ്വയമേവ സാവധാനത്തിൽ ഊർജ്ജം പുറത്തുവിടുകയും ചെയ്യുന്നു. അതുമൂലം തന്നെ ശരീരത്തിന് ദോഷം വരുത്താതെ കൂടുതൽ ഊർജ്ജം പകരാൻ ഇതിനു കഴിയുന്നു. ഇരുമ്പ് പാത്രത്തിൽ ശർക്കര പാകം ചെയ്യുമ്പോൾ ഈ പാചക പ്രക്രിയയിൽ വലിയ അളവിൽ ഇരുമ്പിൻ്റെ ലവണാംശം അലിഞ്ഞു ചേരും. ഇതിന് നിരവധി ആരോഗ്യ ഗുണങ്ങളും ഉണ്ട്. പ്രത്യേകിച്ച് വിളർച്ചയോ അയൺ കുറവ് പ്രശ്നങ്ങളോ ഉള്ള ആളുകൾക്ക്. സമ്പന്നമായ പോഷകഗുണമുള്ളതിനാൽ, ശർക്കരയ്ക്ക് പഞ്ചസാരയിൽ നിന്നും വ്യത്യസ്തമായ നിരവധി ആരോഗ്യ ഗുണങ്ങൾ പകരാനുള്ള കഴിവുകളുണ്ട്.
ശർക്കര നൽകും ആരോഗ്യഗുണങ്ങൾ എന്തൊക്കെയാണെന്ന് നോക്കിയാലോ.
ശരീരത്തിലെ ഇരുമ്പിന്റെ അളവ് മെച്ചപ്പെടുത്താൻ സഹായിക്കുന്നു :
ശരീരത്തിലെ അയണിൻറെ അംശം മെച്ചപ്പെടുത്താൻ സഹായിക്കുന്ന തരത്തിലാണ് പരമ്പരാഗതമായി ശർക്കര നിർമ്മിക്കപ്പെടുന്നത്. രക്തത്തിലെ ഹീമോഗ്ലോബിന്റെ അളവിൽ കുറവ് ഉണ്ടാവുന്ന അവസ്ഥയെ അനീമിയ എന്ന് വിളിക്കുന്നു, ഇത് ഓക്സിജൻ വഹിക്കാനുള്ള രക്തത്തിന്റെ കഴിവ് കുറയ്ക്കുന്നു. വിളർച്ചയുടെ ലക്ഷണങ്ങൾ കുറയ്ക്കാൻ അയൺ അടങ്ങിയ ശർക്കര കഴിക്കുന്നത് വഴി സാധിക്കുന്നു. ഇതിൽ നിന്ന് ലഭിക്കുന്ന ഗുണങ്ങളിലൂടെ ഒരു വ്യക്തിയുടെ മൊത്തത്തിലുള്ള ആരോഗ്യം മെച്ചപ്പെടുത്താൻ സാധിക്കും. വിളർച്ചയെ ചെറുക്കാൻ ദിവസവും 1 ടീസ്പൂൺ അല്ലെങ്കിൽ ഒരു ചെറിയ കഷ്ണം ശർക്കര കഴിക്കുന്നത് ശീലമാക്കുക.
തൽക്ഷണ ഊർജ്ജം നൽകാൻ:
നിങ്ങൾക്ക് ബലഹീനതയോ ആലസ്യമോ തോന്നുന്നുവെങ്കിൽ, ഒരു ശർക്കര കഷണം കഴിക്കുന്നത് നിങ്ങൾക്ക് ഉടനടി ഊർജ്ജം നൽകും. പഞ്ചസാരയുമായി താരതമ്യപ്പെടുത്തുമ്പോൾ, ശരീരത്തിൽ വളരെ പതുക്കെ ആഗിരണം ചെയ്യാൻ അനുവദിക്കുന്നതാണ്. അതുകൊണ്ടുതന്നെ ഇത് കഴിക്കുന്നതു മൂലം നിങ്ങളുടെ രക്തത്തിലെ ഷുഗർ ലെവൽ അത്ര പെട്ടെന്ന് ഉയരുകയില്ല.
ദഹനം മെച്ചപ്പെടുത്താൻ സഹായിക്കുന്നു:
പണ്ടൊക്കെ നമ്മുടെ വീടുകളിൽ ഭക്ഷണം കഴിഞ്ഞു കഴിഞ്ഞാൽ ദഹനത്തെ ഉത്തേജിപ്പിക്കുന്നതിന് ശർക്കര കഴിക്കാൻ നൽകുന്ന പതിവുണ്ടായിരുന്നു. ഇത് ദഹനത്തിന് ആവശ്യമായ എൻസൈമുകളെ സജീവമാക്കാൻ സഹായിക്കും. ദഹനം മെച്ചപ്പെടുത്തുന്നതിനും പ്രക്രിയ സുഗമമായി നടക്കുന്നതിനും ഈ ദഹന എൻസൈമുകൾ ആമാശയത്തിലെ അസറ്റിക് ആസിഡായി പരിവർത്തനം ചെയ്യപ്പെടും. ഇത് ദഹനനാളത്തിൻ്റെയും കുടലിന്റെയും പ്രവർത്തനം എളുപ്പമാക്കുന്നു. ഇത് മാത്രമല്ല, മെറ്റബോളിസം പ്രോത്സാഹിപ്പിക്കുന്നതിലൂടെ ഇത് മലബന്ധം ഒഴിവാക്കാനും സഹായിക്കും. ഇത് ശരീരത്തിലെ ദഹന എൻസൈമുകളെ സമന്വയിപ്പിക്കുകയും ദഹനത്തെ പിന്തുണയ്ക്കുകയും ചെയ്യുന്നു.
രോഗപ്രതിരോധ സംവിധാനത്തിന്:
ശർക്കരയിൽ ആന്റിഓക്സിഡന്റുകൾ, വിറ്റാമിനുകൾ, ധാതുക്കൾ എന്നിവ അടങ്ങിയിട്ടുണ്ട്. സമ്പന്നമായ പോഷകഗുണമുള്ളതിനാൽ, പ്രതിരോധശേഷി വർദ്ധിപ്പിച്ച് അണുബാധകളെ ചെറുക്കാൻ ഇതിന് കഴിയും. ശർക്കരയിൽ അടങ്ങിയിരിക്കുന്ന സെലിനിയവും സിങ്കും ഫ്രീ റാഡിക്കൽ നാശനഷ്ടത്തിൽ നിന്നും ഓക്സിഡേറ്റീവ് സമ്മർദ്ദത്തിൽ നിന്നും ശരീരത്തെ സംരക്ഷിക്കാൻ സഹായിക്കും.
പഞ്ചസാരയേക്കാൾ മികച്ചത്:
ശർക്കരയും പഞ്ചസാരയും തമ്മിലുള്ള പ്രധാന വ്യത്യാസം അവയുടെ ഘടനയാണ്. ധാതു ലവണങ്ങൾ, സുക്രോസ്, നാരുകൾ എന്നിവ ശർക്കരയിലുണ്ടാകും. വേഗത്തിൽ ദഹിക്കപ്പെടുകയും കാലതാമസമില്ലാതെ ഊർജ്ജം പുറത്തുവിടുകയും ചെയ്യുന്നതാണ് പഞ്ചസാര. പഞ്ചസാര വേഗത്തിൽ ദഹിക്കപ്പെട്ടു കൊണ്ട് ഊർജ്ജം പുറപ്പെടുവിക്കുന്നതുകൊണ്ടുതന്നെ പെട്ടെന്ന് ശരീരത്തിലെ ഇൻസുലിൻ പ്രവർത്തനത്തെ പെട്ടെന്ന് ബാധിക്കാൻ ഇടയാക്കും. ശർക്കരയുടെ കാര്യത്തിൽ ഈ പ്രശ്നമില്ല. ഇത് വളരെ പതുക്കെയാണ് ദഹിക്കപ്പെടുന്നത്. ശ്വാസകോശത്തെയും ശ്വസനനാളത്തെയും സുഗമമായി പ്രവർത്തിപ്പിക്കാൻ സഹായിക്കുന്നതിനാൽ ഇത് ഒരു ക്ലീനിംഗ് ഏജന്റായി കണക്കാക്കപ്പെടുന്നു. അതുകൊണ്ടുതന്നെ നിങ്ങളുടെ ഓരോ ഭക്ഷണങ്ങളിലും പഞ്ചസാരയ്ക്ക് പകരം ശർക്കര ഉപയോഗിക്കുന്നത് ഗുണകരമായ മാറ്റം ആയിരിക്കും.
നമ്മുടെ രാജ്യത്തെ എല്ലാ സംസ്കാരത്തിലും ശർക്കര ഉപയോഗിച്ച് തയ്യാറാക്കുന്ന നിരവധി മധുരപലഹാരങ്ങൾ ഉണ്ട്. മഞ്ഞൾ, ശർക്കര, ഇഞ്ചി പൊടി എന്നിവ വെള്ളത്തിൽ യോജിപ്പിച്ച് തിളപ്പിച്ച് കുടിക്കുന്നത് നിങ്ങളുടെ പ്രതിരോധശേഷി വർദ്ധിപ്പിക്കുന്നതിനും അണുബാധയിൽ നിന്ന് നിങ്ങളുടെ ശ്വാസകോശത്തെ സംരക്ഷിക്കുന്നതിനും നല്ലതാണ്. ഈർപ്പവും ചൂടും അകറ്റി വായു കടക്കാത്ത പാത്രത്തിൽ ശർക്കര സംഭരിച്ചു വയ്ക്കുക. കുറെ കാലം അത് കേടുകൂടാതെ ഇരുന്നുകൊള്ളും.
