എച്ച്.ഐ.വി, എന്നിവ ഒന്നാണോ?
ഹ്യൂമൺ ഇമ്മ്യൂണോ ഡഫിഷ്യന്സി വൈറസ് (HIV) എന്നത് രോഗകാരിയാണ്, ഒരിക്കൽ HIV പോസിറ്റിവ് ആയ ശേഷം ചികിത്സയും പരിചരണവും നൽകിയില്ലെങ്കിൽ അത് അക്വയേഡ് ഇമ്മ്യൂണോ ഡഫിഷ്യന്സി സിണ്ട്രോം (AIDS) ആയി രൂപപ്പെടും. അതായത് HIV പോസിറ്റിവ് ആകുന്ന എല്ലാവരും എയിഡ്സ് രോഗികളാണ് എന്ന് പറയാൻ കഴിയില്ല, വൈറസ് ബാധിച്ച ശേഷം അവഗണിക്കുകയാണെങ്കിൽ തീർച്ചയായും ഇത് എയ്ഡ്സ് രോഗമായി മാറും.
എന്താണ് എയ്ഡ്സ്?
സുരക്ഷിതമല്ലാത്ത ലൈംഗിക ബന്ധമാണ് എയ്ഡ്സ് രോഗത്തിന് പ്രധാന കാരണം. രോഗം ബാധിച്ച ആളുടെ രക്തം അല്ലെങ്കിൽ മറ്റ് ശരീര സ്രവങ്ങൾ എന്നിവയിലൂടെ ഈ രോഗം പകരുമെന്നതാണ് ഇതിന്റെ ഗുരുതര വശം. മാത്രമല്ല, ഒരിക്കൽ രോഗം ബാധിച്ചു കഴിഞ്ഞാൽ പൂർണമായും ഭേദപ്പെടുത്താൻ കഴിയുന്ന ചികിത്സാ സംവിധാനം ഇതുവരെ കണ്ടെത്തിയിട്ടില്ല. വൈറസ് ബാധിക്കുന്നവരിൽ ശരീരത്തിൻറെ രോഗപ്രതിരോധ സംവിധാനം ദുർബലമാകുകയും അതിൻറെ ഭാഗമായി പല തരത്തിലുള്ള രോഗങ്ങൾ ശരീരത്തെ ലക്ഷ്യം വെക്കുകയും ഇത് ജീവിതം ദുഷ്കരമായ അവസ്ഥയിലേയ്ക്ക് മാറ്റുകയും ചെയ്യും.
കാരണങ്ങൾ:
സുരക്ഷിതമല്ലാത്ത ലൈംഗിക ബന്ധങ്ങാളാണ് HIV വൈറസ് വഴി എയ്ഡ്സ് രോഗത്തിന് കാരണമാകുന്നത്. ഇതുകൂടാതെ രോഗം ബാധിച്ചയാളുടെ ശരീര സ്രവങ്ങളിലൂടെ ഒരാളിൽ നിന്ന് മറ്റൊരാളിലേക്ക് രോഗം പകരുന്നത് സാധാരണമാണ്. ഏതെങ്കിലും ചികിത്സയുടെ ഭാഗമായി സിറിഞ്ചുകൾ ഉപയോഗിക്കേണ്ടി വരുമ്പോൾ എയിഡ്സ് ബാധിച്ചയാൾക്ക് ഉപയോഗിച്ചത് തന്നെ മറ്റൊരാളിൽ പ്രയോഗിക്കുക വഴി രോഗം പകരാം. ഗർഭകാലം, മുലയൂട്ടൽ എന്നിവയിലൂടെ അമ്മയിൽ നിന്ന് കുഞ്ഞിലേക്ക് രോഗം പകരും.
എന്നാൽ വായുവിലൂടെയോ മറ്റ് മാർഗങ്ങളിലൂടെയോ HIV വൈറസ് പകരാറില്ല.
സാധാരണ വൈറസ് ബാധിച്ചുകഴിഞ്ഞാൽ 10 വര്ഷം കൊണ്ടാണ് ഇത് എയിഡ്സ് ആയി രൂപപ്പെടുന്നത്. എന്നാൽ രോഗ ബാധ തിരിച്ചറിയാൻ വൈകുന്നതും ചിലരിൽ ലക്ഷണങ്ങൾ പ്രകടമാകാത്തതുമാണ് ഗുരുതരമായ അവസ്ഥകളിൽ എത്തുന്നതിന് പിന്നിലെ കാരണം. രോഗപ്രതിരോധ സംവിധാനത്തെ ബാധിക്കുന്നതിനാൽ മറ്റ് രോഗങ്ങൾ നിയന്ത്രണമില്ലാതെ ബാധിക്കുന്നതാണ് ഈ അവസ്ഥയുടെ തുടക്കം.
സുരക്ഷിതമല്ലാത്ത ലൈംഗിക ബന്ധങ്ങൾ: രോഗം ബാധിച്ചയാളുടെ ബീജം, യോനീസ്രവം, രക്തം അല്ലെങ്കിൽ മലാശയ സ്രവങ്ങൾ എന്നിവയിൽ നിന്ന് രോഗം ബാധിക്കും. അതിനാൽ തന്നെ ലൈംഗിക ബന്ധത്തിൽ ഏർപ്പെടുന്ന സമയങ്ങളിൽ എല്ലാം തന്നെ സുരക്ഷിത മാർഗങ്ങൾ സ്വീകരിക്കുക മാത്രമാണ് പ്രതിരോധമായി ചെയ്യാനുള്ളത്.
സിറിഞ്ചുകൾ വഴി: രോഗബാധിതനായ ആൾ ഉപയോഗിച്ച സിറിഞ്ചുകൾ ഉപയോഗിക്കുന്നത് എയിഡ്സ് പകരാൻ വഴിയൊരുക്കും. മരുന്നുകൾ, മയക്കുമരുന്നുകൾ എന്നിവ ഉപയോഗിക്കുന്ന സമയങ്ങളിൽ സിറിഞ്ചുകൾ പങ്കുവെക്കുന്ന പ്രവണത കൂടുതലാണ്.
അമ്മയിൽ നിന്ന്: അമ്മ എയ്ഡ്സ് രോഗ ബാധിതയാണെങ്കിൽ ഗർഭകാലത്ത് കുഞ്ഞിലേക്ക് പകരാനുള്ള സാധ്യത 50 ശതമാനമാണ്. ഗര്ഭാധാരനത്തിന് മുൻപ് തന്നെ രോഗം തിരിച്ചറിയുകയും ചികിത്സ കൃത്യമായി മുന്നോട്ട് കൊണ്ടുപോകുകയും ചെയ്‌താൽ ഇതിനുള്ള സാധ്യത 2 ശതമാനമായി കുറയും.
രക്തം വഴി: രോഗം ബാധിച്ചയാളുടെ രക്തം സ്വീകരിക്കുന്നത് വഴി രോഗം പകരാനുള്ള സാധ്യത കൂടുതലാണ്. മറ്റ് സാഹചര്യങ്ങളുമായി താരതമ്യം ചെയ്യുമ്പോൾ ഈ രീതി വഴി അണുബാധയ്ക്കുള്ള സാധ്യത 90 ശതമാനമാണ്.
ലക്ഷണങ്ങൾ:
അണുബാധയുടെ ചെറിയ ലക്ഷണങ്ങൾ:
ഒരാളിൽ രോഗകാരി ബാധിച്ചു കഴിഞ്ഞാൽ ശരീരം ചില ലക്ഷണങ്ങൾ പ്രകടിപ്പിക്കും. ചില സമയങ്ങളിൽ നേർത്ത പനി, തലവേദന, സന്ധി വേദന എന്നിവ മാത്രമാകും അതിൻറെ ലക്ഷണങ്ങൾ. അതിനാൽ തന്നെ ഇത് എയ്ഡ്സ് രോഗത്തിൻറെ ആരംഭമായി കണക്കാക്കാൻ സാധിക്കാറില്ല.
ലക്ഷണമില്ലാത്ത ഘട്ടം:
വൈറസ് ബാധിച്ച് 10 വർഷത്തിന് ശേഷമാണ് രോഗം ഗുരുതരാവസ്ഥയിലെക്ക് മാറുന്നത്. അത്രയും സമയം ചികിത്സ നൽകാനും ശ്രധിക്കാനുമായി ലഭിക്കും. ഈ സമയങ്ങളിൽ നിരന്തരമായി മറ്റ് രോഗങ്ങൾ ശരീരത്തെ ബാധിച്ചേക്കാം. സംശയം തോന്നിതുടങ്ങുമ്പോൾ തന്നെ പരിശോധന നടത്തുക എന്നത് പ്രധാനമാണ്.
ലക്ഷണങ്ങൾ തുടങ്ങുന്ന ഘട്ടം:
രോഗലക്ഷണങ്ങൾ തുടർച്ചയായി അനുഭവപ്പെട്ടേക്കാം. പതിവായി പനി, ക്ഷീണം, ബലഹീനത, വയറിളക്കം, അമിതവണ്ണം, ഹെർപ്പാസ് അല്ലെങ്കിൽ യീസ്റ്റ് അണുബാധകൾ എന്നിവ എയിഡ്സ് രോഗത്തിൻറെ സൂചനകളാണ്.
എയിഡ്സ് പൂർണമായും ബാധിച്ചാൽ:
എയിഡ്സ് പൂർണമായി ബാധിക്കുന്നതോടെ രോഗപ്രതിരോധ സംവിധാനം തികച്ചും പരാജയപ്പെട്ട അവസ്ഥയിലെത്തും. നിരന്തരമായ അണുബാധകൾ, ക്യാൻസറിന്റെ വികാസം എന്നിവയെല്ലാം ഈ ഘട്ടത്തിൽ നടക്കും. നിരന്തരമായ പനി, രാത്രികാലങ്ങളിൽ അമിത വിയർപ്പ്, തുടർച്ചയായ വയറിളക്കം, അമിതഭാരം, ശരീരത്തിൽ തിണർപ്പ്, മുഴകൾ എന്നിവ പ്രത്യക്ഷപ്പെടുക, നാവിലും വായിലും വെളുത്ത പാടുകൾ, അസാധാരണമായ ക്ഷീണം എന്നിവ ഈ ഘട്ടത്തിൽ അനുഭവപ്പെട്ട് തുടങ്ങും.
കൃത്യമായ ചികിത്സയും തുടർച്ചയായ പരിചരണവും മാത്രമാണ് രോഗത്തെ നിയന്ത്രിക്കാനുള്ള പരിഹാരം. പൂർണമായി സുഖപ്പെടുത്താൻ കഴിയാത്തതിനാൽ നേരത്തെ പരിശോധനയും ചികിത്സയും ഉറപ്പാക്കുക.
