2020 ൽ എയിഡ്സ് രോഗികൾ:
ലോകാരോഗ്യ സംഘടനയുടെ ഏറ്റവും പുതിയ കണക്കുകൾ പ്രകാരം, 2020-ൽ 3.77 കോടി എയിഡ്സ് ബാധിതരെ തിരിച്ചറിഞ്ഞിട്ടുണ്ട്.
ഹ്യൂമൻ ഇമ്മ്യൂണോ ഡെഫിഷ്യൻസി വൈറസ് (എച്ച്.ഐ.വി.) മൂലമുണ്ടാകുന്ന ഈ അവസ്ഥ പ്രതിരോധിക്കാനുള്ള മാർഗ്ഗങ്ങൾക്കാണ് പ്രാധാന്യം നൽകേണ്ടത്. 1988-ലാണ് ആദ്യത്തെ ലോക എയ്ഡ്സ് ദിനം ആചരിച്ചത്. HIV ബാധിച്ച ദശലക്ഷക്കണക്കിന് ആളുകൾ ജീവിതത്തോട് പൊരുതുന്നുണ്ട്. HIV വൈറസ് രോഗപ്രതിരോധ സംവിധാനത്തെ ഗുരുതരമായി ആക്രമിക്കുന്നതിനാൽ പല തരത്തിലുള്ള രോഗം ബാധിക്കുകയും അതുവഴി രോഗിയുടെ ജീവൻ അപകടത്തിലാകുകയും ചെയ്യുന്നു.
ചരിത്രവും പ്രാധാന്യവും
1984-ലാണ് ആദ്യമായി HIV വൈറസ് ആദ്യമായി കണ്ടെത്തിയത്. ഇതിന് ശേഷം ലോകം കാര്യമായ പുരോഗതി കൈവരിച്ചിട്ടുണ്ടെങ്കിലും, HIV ബാധ കുറയ്ക്കാൻ വേണ്ടവിധത്തിൽ സാധിച്ചിട്ടില്ല. രോഗം ബാധിച്ചവരുടെ ചികിത്സ ഉൾപ്പെടെയുള്ള കാര്യങ്ങൾ ഉറപ്പാക്കുന്നതിനും കൂടുതൽ പുതിയ രോഗികൾ ഉണ്ടാകാതിരിക്കാനും പ്രവർത്തനങ്ങൾ ഇനിയും ഊർജ്ജപ്പെടുത്തെണ്ടതുണ്ട്. എയിഡ്സ് രോഗികളുടെ മനുഷ്യാവകാശങ്ങൾ ഉറപ്പ് വരുത്തുന്നതിനുള്ള പ്രവർത്തനങ്ങൾ കൂടുതൽ മികച്ച രീതിയിൽ നടപ്പാക്കണമെന്ന് ലോകാരോഗ്യ സംഘടന വ്യക്തമാക്കുന്നു. “വിഭജനം, അസമത്വം, അവഗണന തുടങ്ങിയവ രോഗികൾ അനുഭവിക്കുന്ന സാഹചര്യം ഇല്ലാതാക്കാൻ കഴിയണം.
ഈ വർഷത്തെ ആശയം:
“അസമത്വങ്ങൾ അവസാനിപ്പിക്കുക. എയ്ഡ്സ് അവസാനിപ്പിക്കുക” എന്നതാണ് 2021ലെ ലോക എയ്ഡ്സ് ദിനത്തിന്റെ തീം. ഉപേക്ഷിക്കപ്പെട്ടവരിലേക്കും സമൂഹം ഒറ്റപ്പെടുത്തിയവരിലേക്കും എത്തിച്ചേരുന്നതിൽ പ്രത്യേക ശ്രദ്ധ കേന്ദ്രീകരിക്കേണ്ടതിന്റെ ആവശ്യകത ലോകാരോഗ്യ സംഘടന ചൂണ്ടിക്കാട്ടുന്നു.
