വേണ്ടത്ര ഉറങ്ങാത്തത് ഉപാപചയ പ്രവർത്തനങ്ങൾ തടസ്സപ്പെടാൻ കാരണമാകും. ഉറക്കം കുറയുമ്പോൾ, അല്ലെങ്കിൽ ഇല്ലാതെ വരുമ്പോൾ കോർട്ടിസോൾ പോലെയുള്ള സമ്മർദ്ദ ഹോർമോണുകൾ പുറപ്പെടുവിക്കുന്നു, ഇത് ഇൻസുലിൻ പ്രതിരോധത്തിലേക്ക് നയിക്കുകയും രക്തത്തിലെ പഞ്ചസാരയുടെ അളവിൽ വർദ്ധനവിന് കാരണമാവുകയും ചെയ്യും. ഈ സമ്മർദ്ദ ഹോർമോണുകൾ കാർബോഹൈഡ്രേറ്റും പഞ്ചസാരയും അടങ്ങിയ ഭക്ഷണപാനീയങ്ങളോടുള്ള ആസക്തി കൂട്ടാൻ കാരണമാകും, അങ്ങനെ ക്രമേണ ഇത് ശരീരഭാരം കൂടുന്നതിന് ഇടയാക്കുകയും ടൈപ്പ് 2 പ്രമേഹം ഉണ്ടാകാനുള്ള സാധ്യത വർധിപ്പിക്കുകയും ചെയ്യും.
ഇത് മാത്രമല്ല, അപര്യാപ്തമായ ഉറക്കം ലെപ്റ്റിൻ എന്ന ഹോർമോണിനെ കുറയ്ക്കുന്നു, ഇത് കാർബോഹൈഡ്രേറ്റിനോടുള്ള ശരീരത്തിന്റെ ആസക്തി വർദ്ധിപ്പിക്കുന്നു. കാർബോഹൈഡ്രേറ്റുകളുടെ മെറ്റബോളിസത്തെ നിയന്ത്രിക്കുന്നതിനും ലെപ്റ്റിൻ എന്ന ഹോർമോൺ കാരണമാകുന്നു.
ഉറക്കമില്ലായ്മയും പ്രേമേഹവും
അതിനാൽ, നിങ്ങൾക്ക് അനുഭവപ്പെടുന്നുണ്ടെങ്കിൽ, നിങ്ങളുടെ രക്തത്തിലെ പഞ്ചസാരയുടെ അളവ് നിരീക്ഷിക്കേണ്ടതുണ്ട്. അമേരിക്കൻ അക്കാദമി ഓഫ് സ്ലീപ്പ് മെഡിസിനും സ്ലീപ്പ് റിസർച്ച് സൊസൈറ്റിയും പറയുന്നത് അനുസരിച്ച്, ആരോഗ്യവും ഉന്മേഷവും നിലനിർത്താൻ ഒരു രാത്രിയിൽ കുറഞ്ഞത് ഏഴ് മണിക്കൂർ ഉറക്കം പ്രധാനമാണ് എന്നാണ്. പകൽ സമയത്ത് ക്ഷീണം അനുഭവപ്പെടുന്നത് മോശം ഉറക്കത്തിന്റെ പ്രധാന ലക്ഷണമാണ്.
ഉറക്കമില്ലായ്മയുടെ കൂടുതൽ ലക്ഷണങ്ങൾ
– മന്ദഗതിയിലുള്ള ചിന്തയും ശ്രദ്ധക്കുറവും
– ക്ഷീണവും ഊർജ്ജക്കുറവും
– ദുർബലമായ ഓർമ്മശക്തി, മാനസികാവസ്ഥയിൽ ഉണ്ടാവുന്ന ഏറ്റക്കുറച്ചിലുകൾ
– ഉത്കണ്ഠ, സമ്മർദ്ദം, പ്രകോപനം എന്നിവ അനുഭവപ്പെടുന്നു
മേൽപ്പറഞ്ഞ ലക്ഷണങ്ങളാൽ നിങ്ങൾ കഷ്ടപ്പെടുകയാണെങ്കിൽ, വാരാന്ത്യങ്ങളിൽ ഉൾപ്പെടെ നിങ്ങൾ ദിവസവും കൃത്യമായ ഉറക്ക സമയം പാലിക്കേണ്ടതുണ്ട്. ആരോഗ്യകരമായ ഉറക്കചക്രം നിലനിർത്തുന്നതിനുള്ള ചില ലളിതമായ പൊടിക്കൈകൾ ഇതാ.
– നിങ്ങളുടെ കിടപ്പുമുറി ഇരുണ്ടതും വിശ്രമമേകുന്നതും ശാന്തവുമായ സ്ഥലമായിരിക്കണം
– ഉറങ്ങുന്നതിന് മുമ്പ് ഫോൺ, കമ്പ്യൂട്ടർ പോലുള്ള സ്ക്രീനിൽ നോക്കരുത്, കാരണം അത് ഉറക്കത്തെ തടസ്സപ്പെടുത്തും
– പകൽ സമയത്ത് ശാരീരികമായി സജീവമായിരിക്കുക
– ഉറങ്ങാൻ പോകുന്നതിനു മുമ്പ് തിരക്കുകൾ എല്ലാം മാറ്റിവച്ച് നന്നായി വിശ്രമിക്കുക
– കഫീൻ, ആൽക്കഹോൾ, നിക്കോട്ടിൻ എന്നിവ കിടക്കുന്നതിന് മുമ്പായി കഴിക്കരുത്
– വൈകുന്നേരം 3 മണിക്ക് ശേഷം ഉറങ്ങുന്നത് ഒഴിവാക്കുക, അത് രാത്രിയിൽ ഉറക്കം കുറയ്ക്കും
