മനസിലും ശരീരത്തിലും ഒരുപോലെ പോസിറ്റിവ് ഊര്‍ജ്ജം നിറയ്ക്കാന്‍ ഇത്തരത്തിലുള്ള ഫൂട്ട് മസാജ് സഹായിക്കും. ഇടയ്ക്കിടെ നല്ല രീതിയില്‍ നിങ്ങളുടെ പാദങ്ങള്‍ മസാജ് ചെയ്യുന്നത് പല വിധത്തിലുള്ള ആരോഗ്യ ഗുണങ്ങള്‍ നല്‍കും. അവ ഏതെല്ലാമെന്ന് നോക്കാം.
രക്തയോട്ടം വര്‍ദ്ധിയ്ക്കും:
ശരീരത്തില്‍ രക്തയോട്ടം വര്‍ധിയ്ക്കാന്‍ പാദങ്ങള്‍ മസാജ് ചെയ്യുന്നത് വളരെയധികം സഹായിക്കും. പാദങ്ങളില്‍ അനുഭവപ്പെടുന്ന മര്‍ദ്ദം ഇല്ലാതാക്കി സുഖകരമായ അവസ്ഥ നല്‍കാനും ഇത് സഹായിക്കും. ഒരു ദിവസത്തെ നടത്തം, ഓട്ടം എന്നിവയുടെയെല്ലാം പ്രയാസങ്ങള്‍ കാല്‍പാദത്തില്‍ നിലനില്ല്‍ക്കുന്നുണ്ടാകും. പാദങ്ങള്‍ നല്ല രീതിയില്‍ മസാജ് ചെയ്യുമ്പോള്‍ ഇവയെല്ലാം മാറി കാല്‍ പാദത്തിലും ശരീരത്തിന്‍റെ പല ഭാഗങ്ങളിലും രക്തയോട്ടം വര്‍ദ്ധിപ്പിയ്ക്കാന്‍ സാധിയ്ക്കും. പ്രമേഹം അനുഭവിയ്ക്കുന്നവര്‍ക്ക് അതില്‍ നിന്ന് ആശ്വാസം നല്‍കാനും ഇത് സഹായിക്കും.
മാനസിക സമ്മര്‍ദ്ദത്തെ ഇല്ലാതാക്കാം:
ഒരാളില്‍ മാനസിക സമ്മര്‍ദ്ദത്തിന് കാരണമാകുന്നത് പല തരത്തിലുള്ള പ്രശ്നങ്ങളാകാം. ജോലിയിലെ അസ്വസ്ഥതകള്‍, വ്യക്തിജീവിതത്തിലെ അസ്വാരസ്യങ്ങള്‍ തുടങ്ങി വിവിധ കാരണങ്ങള്‍ അതിനു പിന്നിലുണ്ടാകും. തുടര്‍ച്ചയായി മാനസിക സമ്മര്‍ദ്ദം അനുഭവിയ്ക്കുന്നവരുടെ പേശികള്‍ കട്ടിയായിരിയ്ക്കുന്ന അവസ്ഥ ശരീരത്തിന് ഒട്ടും നല്ലതല്ല. എന്നാല്‍ നിങ്ങള്‍ ഒരു ഫൂട്ട് മസാജ് ചെയ്യുന്നതിനായി ഒരു പ്രോഫഷണലിനെ സമീപിയ്ക്കുകയാനെങ്കില്‍ നിങ്ങളുടെ മനസും ശരീരവും മികച്ചതാക്കാന്‍ അവര്‍ക്ക് കഴിയും. പതിവായി പാദങ്ങള്‍ മസാജ് ചെയ്യുകയാണെങ്കില്‍ ക്യാന്‍സര്‍ രോഗികളിലെ അമിതമായ ഉത്കണ്ഠ ഇല്ലാതാക്കാനും ഇത് gu
തലവേദന സുഖപ്പെടുത്തും:
പതിവായി അനുഭവിയ്ക്കുന്ന തലവേദന, അല്ലെങ്കില്‍ നേരിയ മൈഗ്രൈന്‍ എന്നിവയുള്ളവരില്‍ പോസിറ്റിവ് ഫലം നല്‍കുന്ന ഒന്നാണ് കാല്പാദങ്ങളില്‍ മസാജ് ചെയ്യുന്നത്. ഇത് പതിവായി ചെയ്യണം എന്ന കാര്യം മറക്കരുത്. എന്നാല്‍ നിങ്ങളുടെ തലവേദന മറ്റ് ഗുരുതരമായ രോഗാവസ്ഥകളുടെ ഭാഗമല്ല എന്ന് ഉറപ്പിയ്ക്കണം. ജീവിതശൈലിയുടെ ഭാഗമായി ഉണ്ടാകുന്ന തലവേദനകള്‍ എല്ലാം തന്നെ ഇങ്ങനെ സുഖപ്പെടുത്താന്‍ സാധിയ്ക്കും.
കാലുകളിലെ പരിക്ക് ഒഴിവാക്കാം:
കാല്പാദങ്ങളില്‍ മസാജ് ചെയ്യുന്നത് ആക്റ്റിവ് അല്ലാത്ത ഒരു വര്‍ക്ക് ഔട്ട്‌ രീതിയാണ്. എന്നാല്‍ തികച്ചും പാസിവ് ആയ ഈ മസാജ് കൊണ്ട് കാലുകളില്‍ സംഭവിയ്ക്കുന്ന ഒരു പരിധി വരെയുള്ള പരിക്കുകള്‍ ഒഴിവാക്കാന്‍ സാധിയ്ക്കും. കാരണം കാലുകളിലെ പേശികള്‍ക്ക് ഫ്ലക്സിബിലിറ്റി കൊണ്ടുവരാനും മസിലുകള്‍ ശക്തിപ്പെടുത്താനും ഈ ഫൂട്ട് മസാജ് സഹായിക്കും. കണങ്കാലില്‍ സംഭവിയ്ക്കാന്‍ സാധ്യതയുള്ള പരിക്കുകള്‍ ഒഴിവാക്കാന്‍ ഇത് ഏറെ ഗുണകരമാണ്. അതുപോലെ തന്നെ മുന്‍പ് കാലുകളില്‍ സംഭവിച്ച ഏതെങ്കിലും പരിക്കുകള്‍ പെട്ടെന്ന് സുഖപ്പെടുത്താനും ഇത്തരം ഫൂട്ട് മസാജ് സഹായിക്കും.
രക്തസമ്മര്‍ദ്ദം കുറയ്ക്കുന്നു:
വലിയ അളവില്‍ രക്തസമ്മര്‍ദ്ദം അനുഭവിയ്ക്കുന്നവര്‍ക്ക് ഏറെ സഹായകമായ ഒരു രീതിയാണ് കാല്പാദങ്ങളില്‍ മസാജ് ചെയ്യുക എന്നത്. ഇതിനര്‍ത്ഥം മരുന്നുകള്‍ കഴിക്കേണ്ടതില്ല എന്നല്ല, പകരം മരുന്നുകള്‍ക്കൊപ്പം ഇത്തരം മസാജ് കൂടി നല്‍കുമ്പോള്‍ തീര്‍ച്ചയായും രക്തസമ്മര്‍ദ്ദം നല്ല രീതിയില്‍ ക്രമീകരിയ്ക്കാന്‍ കഴിയും. പതിവായി 10 മിനിറ്റ് നേരം കാല്പാദങ്ങളില്‍ മികച്ച മസാജ് നല്‍കി നോക്കൂ, രക്ത സമ്മര്‍ദ്ദം കുറഞ്ഞുകൊണ്ട് സുഖകരമായ അവസ്ഥ അനുഭവിച്ചറിയാന്‍ സാധിയ്ക്കും.
പിരീഡ് സമയത്തെ അസ്വസ്ഥതകള്‍ക്ക് പരിഹാരം:
പിരീഡ് സമയത്തെ അസ്വസ്ഥതകള്‍ വളരെയധികം കുറയ്ക്കാനും ഗര്‍ഭപാത്രത്തിന്റെ ആരോഗ്യം മെച്ചപ്പെടുത്താനും ഫൂട്ട് മസാജ് സഹായിക്കും. പിരീഡ് ദിനങ്ങള്‍ ഓര്‍ക്കാന്‍ പോലും ഇഷ്ടമില്ലാത്ത ധാരാളം സ്ത്രീകളുണ്ട്. അത്രത്തോളം അസഹനീയമായ വേദനയും അസ്വസ്ഥതയും അനുഭവിയ്ക്കുന്നതിനാലാണ് ആ ദിവസങ്ങളെ അവര്‍ക്ക് ഓര്‍ക്കാന്‍ ഇഷ്ടമില്ലാത്തത്. എന്നാല്‍ കാല്പാദങ്ങളില്‍ ഇടയ്ക്കിടെ മസാജ് ചെയ്യുകയാണെങ്കില്‍ ഈ പ്രശ്നങ്ങള്‍ ഒരു പരിധി വരെ കുറയ്ക്കാന്‍ സഹായകമാണ്. ഈ സമയത്തെ മാനസികാവസ്ഥ മെച്ചപ്പെടുത്താനും ഇത് സഹായകമാകും.
പതിഞ്ഞ പാദങ്ങള്‍ ഉള്ളവര്‍ക്ക് ഗുണകരം:
സാധാരണ കാല്‍ പാദങ്ങളുടെ അടിവശം മധ്യ ഭാഗത്തായി ഉയര്‍ന്നു കര്‍വ് പോലെയാണ്. എന്നാല്‍ ചിലരുടെ കാല്‍ പാദങ്ങള്‍ പതിഞ്ഞ രീതിയിലാണ് കാണാന്‍ കഴിയുക. അതുകൊണ്ട് തന്നെ പാദത്തിന്റെ അടിവശം മുഴുവനായി മര്‍ദ്ദം എല്ക്കുകയും കാലുകള്‍ക്ക് അത് കൂടുതല്‍ പ്രശ്നമുണ്ടാക്കുകയും ചെയ്യും. അതിനാല്‍ പരന്ന പാദങ്ങള്‍ ആണെങ്കില്‍ ഫൂട്ട് മസാജ് ചെയ്യാന്‍ പ്രത്യേകമായി ശ്രദ്ധിക്കണം.
ഗര്‍ഭകാലത്തെ കാലുകളിലെ നീര് കുറയ്ക്കും:
സാധാരണയായി ഗര്‍ഭകാലത്തിന്റെ അവസാനത്തെ 3 മാസങ്ങളില്‍ കാലുകളില്‍ നീര് കെട്ടി നില്‍ക്കുന്ന അവസ്ഥ അനുഭവപ്പെടാറുണ്ട്. ഇത് വേദനയ്ക്ക് കാരണമാകുകയും ചെയ്യും. കണങ്കാലിലും കാല്‍ പാദങ്ങളിലുമാണ് ഇങ്ങനെ സംഭവിയ്ക്കുന്നത്. പതിവായി ഫൂട്ട് മസാജ് ചെയ്യുകയും ഭക്ഷണരീതി ക്രമീകരിയ്ക്കുകയും ശരിയായ വിശ്രമത്തിനായി സമയം കണ്ടെത്തുകയും ചെയ്‌താല്‍ നീര് ഒഴിവാക്കാന്‍ കഴിയും.
പ്രതിരോധ ശക്തി വര്‍ദ്ധിപ്പിയ്ക്കും:
ഫൂട്ട് മസാജ് ചെയ്യുന്നത് പേശികളുടെ ബലം വര്ധിപ്പിയ്ക്കാനും ശരീരത്തിലെ രക്തയോട്ടം വര്ധിപ്പിയ്ക്കാനും വളരെയധികം സഹായിക്കും. അതുപോലെ തന്നെ മാനസിക സംഘര്‍ഷം കുറയ്ക്കുന്നതിനാല്‍ പോസിറ്റിവ് അനുഭവം ഉണ്ടാകുകയും ചെയ്യും. മാനസികവും ശാരീരികവുമായ നിരവധി നേട്ടങ്ങള്‍ നല്‍കുന്നതിനാല്‍ ശരീരത്തിന്‍റെ പ്രതിരോധ ശേഷി മെച്ചപ്പെടുത്താനും ഇത് ഏറെ സഹായകമാണ്.
ലൈഗിക താല്പര്യം ഉണര്‍ത്തും:
മനസും ശരീരവും ഒരുപോലെ ഇണങ്ങി നില്‍ക്കുമ്പോള്‍ മാത്രമേ ഒരാള്‍ക്ക് സെക്സ് ആസ്വദിയ്ക്കാന്‍ കഴിയൂ. ചില സമയങ്ങളില്‍ മനസ്സില്‍ ആഗ്രഹമുണ്ടെങ്കിലും ശരീരം വഴങ്ങാത്ത അവസ്ഥയുണ്ടാകും. ഈ സമയങ്ങളില്‍ ആദ്യം പാദങ്ങളില്‍ നല്ല മസാജ് ലഭിച്ചാല്‍ സെക്സ് ചെയ്യാനുള്ള സാഹചര്യം ഒരുങ്ങും. ഏതൊരു സമയത്താനെങ്കിലും ശാരീരിക ബന്ധത്തില്‍ ഏര്‍പ്പെടുന്നതിനു തൊട്ടു മുന്‍പ് പങ്കാളികള്‍ പരസ്പരം ഫൂട്ട് മസാജ് ചെയ്യുന്നത് വളരെയധികം ഗുണം ചെയ്യും. അടുത്ത തവണ ഒന്ന് പരീക്ഷിച്ചു നോക്കൂ, വ്യത്യാസം തിരിച്ചറിയാം.
