Dengue Fever Prevention | ഡെങ്കിപ്പനി വന്നാൽ ചെയ്യേണ്ടതും ചെയ്യരുതാത്തതുമായ കാര്യങ്ങൾ

() എങ്ങനെ വേഗത്തിൽ സുഖപ്പെടുത്താം: മഴക്കാലം വരുമ്പോൾ ഒപ്പം പടർന്നു പിടിക്കാൻ സാധ്യതയുള്ള രോഗങ്ങളിലൊന്നാണ് ഡെങ്കിപ്പനി. എന്നാൽ ഈ സമയത്തും ഡെങ്കിപ്പനി ബാധിക്കുന്നവരുടെ എണ്ണത്തിൽ സാരമായ വർദ്ധനവ് ഉണ്ടായിക്കൊണ്ടിരിക്കുകയാണ്. കൊതുകുകൾ പെരുകാൻ സാധ്യത ഉള്ളതുകൊണ്ടാണ് മഴ ഉള്ള സമയങ്ങളിൽ ഡെങ്കി പനിയും വ്യാപകമാകുന്നത്. വന്നുകഴിഞ്ഞാൽ കൃത്യസമയത്തിനുള്ളിൽ ചികിത്സ ലഭിച്ചില്ലെങ്കിൽ ഡെങ്കിപ്പനി മാരകമായേക്കാം. വിറയൽ, പനി, വിശപ്പില്ലായ്മ, കഠിനമായ ശരീരവേദന, ഛർദ്ദി, ചർമ്മത്തിൽ ചൊറിച്ചിൽ, തലവേദന തുടങ്ങിയ ലക്ഷണങ്ങളോടു കൂടിയാണ് ഡെങ്കിപ്പനി ഉണ്ടാവുന്നത്. ശരീരത്തിൽ സംഭവിക്കുന്നത് രക്തത്തിലെ പ്ലേറ്റ്‌ലെറ്റ് അളവ് ഗണ്യമായി കുറച്ചു കളയുകയാണ്. അതുകൊണ്ടുതന്നെ പ്രത്യേകിച്ച് ചികിത്സയല്ല മറിച്ച് ഇതിൻ്റെ അളവ് കൂടാനുള്ള കാര്യങ്ങളാണ് ചെയ്യേണ്ടത്. രക്തത്തിലെ പ്ലേറ്റ്‌ലെറ്റ് നില തിരികെ കൊണ്ടുവരാനും ഡെങ്കിപ്പനിയിൽ നിന്നും വേഗത്തിൽ സുഖം പ്രാപിക്കാനുമായി ചെയ്യേണ്ട ചില ലളിതമായ കാര്യങ്ങൾ ഇതാ.

പപ്പായ ഇലകളുടെ സത്ത്
പപ്പായയുടെ ഇലകൾ ഡെങ്കിപ്പനിയെ പ്രതിരോധിക്കാൻ സഹായിക്കുന്ന ഉത്തമ ഔഷധമാണ്. പപ്പായയില സത്യത്തിൽ രക്തത്തിലെ പ്ലേറ്റ്‌ലെറ്റുകൾ ഗണ്യമായി വർദ്ധിപ്പിക്കുന്നതിന് സഹായകമായ ഗുണങ്ങൾ കൊണ്ട് നിറഞ്ഞിരിക്കുന്നു. ഡങ്കിയുടെ ലക്ഷണങ്ങളെ ഇല്ലാതാക്കാനും പ്രതിരോധശേഷി വർദ്ധിപ്പിക്കാനും പ്ലേറ്റ്‌ലെറ്റ് എണ്ണം വർദ്ധിപ്പിക്കാനും ഇത് കഴിക്കുന്നത് വഴി സാധിക്കും. ഇതിന്റെ ഇല അരച്ചെടുത്ത് നീര് പിഴിഞ്ഞെടുത്ത് ദിവസത്തിൽ ദിവസവും രണ്ട് നേരം കഴിക്കാം. ഇതിൻ്റെ സത്തകൾ നിറഞ്ഞ ഗുളികകളും ലഭിക്കും. എന്നാൽ ഫ്രഷ് പപ്പായ ഇലകൾ അരച്ച് കഴിക്കുന്നത് തന്നെയാണ് എല്ലായ്പ്പോഴും മികച്ചത്.

വിറ്റാമിൻ സി
പ്രതിരോധശേഷി വർധിപ്പിക്കുന്നതിന് വൈറ്റമിൻ സി പോഷകങ്ങൾ ഏറ്റവും അത്യാവശ്യമാണെന്ന വസ്തുത നമ്മളെല്ലാം എല്ലാവരും കേട്ടിട്ടുണ്ടാകും. ഡെങ്കിപ്പനിയുടെ ലക്ഷണങ്ങൾ ഉള്ളപ്പോൾ ശരീരത്തിന് ഏറ്റവും അത്യാവശ്യം വേണ്ടതും പ്രതിരോധശേഷി തന്നെയാണ്. ഈ സമയത്ത് നിങ്ങളുടെ പ്രതിരോധശേഷി വർദ്ധിപ്പിക്കുന്നതിന് നെല്ലിക്ക നാരങ്ങ, ഓറഞ്ച്, പൈനാപ്പിൾ തുടങ്ങിയ ഭക്ഷണങ്ങൾ കൂടുതൽ കഴിക്കുക.

സിങ്ക്, ഫോളിക് ആസിഡ്, വിറ്റാമിൻ ബി 12
പനിയെ മറികടക്കാൻ ശരീരത്തിന് സിങ്ക് പോഷകങ്ങൾ അത്യാവശ്യമാണ്. അതുകൊണ്ടുതന്നെ ഡെങ്കി ലക്ഷണങ്ങൾ കാണപ്പെടുമ്പോൾ കൂടുതൽ സിങ്ക് അടങ്ങിയ ഭക്ഷ്യ ഉല്പന്നങ്ങൾ തിരഞ്ഞെടുക്കുക. അതല്ലെങ്കിൽ വിപണിയിൽ എളുപ്പത്തിൽ ലഭ്യമാകുന്ന സിങ്ക് ഗുളികകൾ തിരഞ്ഞെടുക്കാം. വിറ്റാമിൻ ബി 12, ഫോളിക് ആസിഡ് എന്നിവ രോഗപ്രതിരോധ സംവിധാനത്തിന്റെ ആരോഗ്യകരമായ ബാലൻസ് നിലനിർത്തുന്നതിൽ പ്രധാന പങ്ക് വഹിക്കുന്നവയാണ്. ഫോളിക് ആസിഡിന്റെയും വിറ്റാമിൻ ബി 12 ന്റെയും അപര്യാപ്തമായ അളവ് രോഗപ്രതിരോധ പ്രതികരണത്തെ കുറവുള്ളതാക്കി മാറ്റും.

ശ്രദ്ധിക്കുക: ഗുളികകൾ കഴിക്കാൻ തിരഞ്ഞെടുക്കുന്നത് നിങ്ങളുടെ ഡോക്ടറുടെ നിർദ്ദേശത്തോടെയാകണം.

അയൺ
ശരീരത്തിലെ അയണിന്റെ കുറവ് രോഗപ്രതിരോധ വ്യവസ്ഥയെ പ്രതികൂലമായി ബാധിക്കും. രോഗപ്രതിരോധ കോശങ്ങളുടെ വളർച്ചയ്ക്കും പ്രതിരോധ പ്രവർത്തനങ്ങളിലും അയണിന്റെ പങ്ക് ആവശ്യമാണ്. പ്രത്യേകിച്ച് ഇതിൻറെ അണുബാധയെ പ്രതിരോധിക്കാൻ ഏറ്റവും അത്യാവശ്യമാണിത്.

ഒഴിവാക്കേണ്ട കാര്യങ്ങൾ
ഡെങ്കിയുടെ ലക്ഷണങ്ങൾ ഉള്ളപ്പോൾ ശരീരത്തിന് ആവശ്യത്തിന് ജലാംശം നൽകേണ്ടതാണ് പ്രധാനമാണ്. ഇതിനായി കരിക്കിന് വെള്ളം ഫലകം ജ്യൂസുകൾ എന്നിവ കഴിക്കുക. ഇതിനൊപ്പം ഒഴിവാക്കേണ്ട ചില കാര്യങ്ങളും ഉണ്ട്.

> മദ്യം കഴിക്കുന്നത് പൂർണമായും ഒഴിവാക്കണം.

> വേഗത്തിൽ സുഖം പ്രാപിക്കാനായി എണ്ണമയമുള്ള ഭക്ഷണങ്ങൾ, സംസ്കരിച്ച ഭക്ഷണങ്ങൾ, വറുത്ത ഭക്ഷണങ്ങൾ, കഫീൻ, കാർബണേറ്റഡ് പാനീയങ്ങൾ, എരിവുള്ള ഭക്ഷണങ്ങൾ, കൊഴുപ്പ് കൂടിയ ഭക്ഷണം എന്നിവയും കുറച്ചുനാളത്തേക്ക് നിയന്ത്രിക്കണം.