സാംസങിന്റെ വൺ യുഐ 4 ആദ്യമായി ഗാലക്സി എസ് 21 പരമ്പര ഫോണുകളിൽ എത്തും. ഗാലക്സി എസ് 21, ഗാലക്സി എസ് 21+, ഗാലക്സി എസ്21 അൾട്ര തുടങ്ങിയ ഫോണുകളിലാണ് പുതിയ ഓഎസ് അപ്ഡേറ്റ് എത്തുക.
ഏറ്റവും പുതിയ ആൻഡ്രോയിഡ് ഓഎസ് പതിപ്പാണ് ആൻഡ്രോയിഡ് 12. ഇതിൽ അടിസ്ഥാനമാക്കി സാംസങ് രൂപപ്പെടുത്തിയെടുത്ത യൂസർ ഇന്റർഫെയ്സ് ആണ് വൺ യുഐ 4.
പുതിയ തീം ഓപ്ഷനുകളും, മെച്ചപ്പെട്ട കീബോർഡ് ഓപ്ഷനുകളും പ്രൈവസി സെറ്റിങ്സും ഉൾപ്പെടുത്തിയാണ് പുതിയ അപ്ഡേറ്റ് എത്തുന്നത്.
നവംബർ 15 മുതൽ ഗാലക്സി എസ്21 ഫോണുകളിൽ വൺ യുഐ 4 ലഭ്യമാവും. നേരത്തെ പുറത്തിറങ്ങിയ ഗാലക്സി എസ്, നോട്ട്, ഗാലക്സി സെഡ്, എ പരമ്പര ഫോണുകളിലും ടാബ് ലെറ്റുകളിലും താമസിയാതെ തന്നെ പുതിയ യൂസർ ഇന്റർഫെയ്സ് എത്തും.
പുതിയ ഓഎസ് അപ്ഡേറ്റ് ആയതിനാൽ തന്നെ കാഴ്ചയിൽ പ്രത്യക്ഷമായ നിരവധി മാറ്റങ്ങളും പുതിയ സൗകര്യങ്ങളും അപ്ഡേറ്റിലൂടെ ലഭിക്കും. ഹോം സ്ക്രീൻ ഐക്കൺ, മെനു, ബട്ടൻ, പശ്ചാത്തലം എന്നിവയിലെല്ലാം മാറ്റങ്ങളുണ്ടാവും.
ഒരു ആപ്ലിക്കേഷൻ ക്യാമറയും, മൈക്രോഫോണും ഉപയോഗിക്കാൻ ശ്രമിക്കുമ്പോൾ മുന്നറിയിപ്പ് നൽകുന്ന അലേർട്ട് സംവിധാനം വൺ യുഐ 4 ന്റെ സവിശേഷതകളിലൊന്നാണ്യ പ്രൈവസി സെറ്റിങ്സിന് വേണ്ടി പ്രത്യേകം ഡാഷ്ബോർഡും ഒരുക്കിയിട്ടുണ്ട്.
Content Highlights: Samsung unveils Android 12-driven One UI 4 for Galaxy S21 series
