എളുപ്പത്തില്‍ തയ്യാറാക്കാം അടിപൊളി പനീര്‍ പോപ്‌കോണ്‍

ചിക്കൻ പോപ് കോണിന്റെ വെജിറ്റേറിയൻ രൂപമാണ് പനീർ പോപ്കോൺ. വളരെ എളുപ്പത്തിൽ തയ്‌യാറാക്കാവുന്ന ഈ വിഭവം സ്നാക്സായി കഴിക്കാം.

ഒരു പാത്രമെടുത്ത് അതിലേക്ക് പനീർ, കശ്മീരി മുളക് പൊടി, പാർസ്ലി ഇല ഉണങ്ങിയത്, പനികൂർക്ക, കുരുമുളക്, ഉപ്പ് എന്നിവ ചേർക്കുക. പനീർകഷ്ണങ്ങൾ ഉടഞ്ഞുപോകാതെ ഇവ നന്നായി കൂട്ടിയോജിപ്പിക്കുക.

മറ്റൊരു പാത്രമെടുത്ത് അതിലേക്ക് കടലമാവ്, ഇഞ്ചി-വെളുത്തുള്ളി പേസ്റ്റ്, മഞ്ഞൾപ്പൊടി, കശ്മീരി മുളക് പൊടി, ബേക്കിങ് സോഡ എന്നിവ ചേർക്കുക. ഇതിലേക്ക് വെള്ളം ഒഴിച്ച് നല്ല കട്ടിയിൽ മാവ് കുഴച്ചെടുക്കുക. കട്ടകെട്ടാതെ വേണം മാവ് തയ്‌യാറാക്കാൻ.

ഈ കൂട്ടിലേക്ക് ഓരോ പനീർകഷ്ണങ്ങൾ എടുത്ത് മുക്കിയശേഷം ബ്രെഡ് പൊടിയിലും മുക്കിയെടുക്കുക.

ഒരു പാൻ അടുപ്പത്ത് വെച്ച് ചൂടായി കഴിയുമ്പോൾ പനീർ കഷ്ണങ്ങൾ തിരിച്ചുമറിച്ചുമിട്ട് സ്വർണനിറമാകുന്നത് വരെ വറുത്തെടുക്കാം.

Content highlights: paneer popcorn recipe, snacks recipe