കണ്ണുകളുടെ ആരോഗ്യം കാക്കാൻ ചില പൊടിക്കൈകൾ ഇതാ

മണിക്കൂറുകളോളം കമ്പ്യൂട്ടർ സ്‌ക്രീനിൽ നോക്കിയിരുന്ന് ജോലി ചെയ്യുന്നത് കണ്ണുകളുടെ ആയാസം കൂട്ടുന്ന കാര്യമാണ്. ഈ മഹാമാരിയുടെ കാലത്ത് ആളുകൾ ജോലി, സ്കൂൾ, സോഷ്യൽ നെറ്റ്‌വർക്കിംഗ് എന്നിവയ്‌ക്കായി അവരുടെ ഇലക്ട്രോണിക് ഉപകരണങ്ങൾ ഉപയോഗിക്കുന്നതിന്റെ സമയം വളരെയധികം വർധിച്ചിരിക്കുന്നു. ഇത് കണ്ണുകളുടെ ആരോഗ്യത്തെ പ്രതികൂലമായി ബാധിക്കുന്ന അവസ്ഥ സൃഷ്ടിച്ചിരിക്കുന്നു.

നീല വെളിച്ചത്തിന്റെ അപകടങ്ങൾ
ഇലക്ട്രോണിക് ഉപകരണങ്ങളിൽ നിന്ന് പുറപ്പെടുവിക്കുന്ന നീല വെളിച്ചത്തിൽ ദീർഘനേരം നോക്കുന്നത് കണ്ണുകൾക്ക് ബുദ്ധിമുട്ട് ഉണ്ടാക്കും. മനുഷ്യശരീരത്തിലെ ഏറ്റവും വേഗതയേറിയതും ഏറ്റവും സജീവവുമായ പേശിയാണ് നമ്മുടെ കണ്ണുകൾ. യോഗ, ഒരു മണിക്കൂർ വേഗത്തിലുള്ള നടത്തം അല്ലെങ്കിൽ ജിമ്മിൽ ഭാരം ഉയർത്തുന്നത് എന്നിവ നമ്മുടെ പേശികളെ ശക്തിപ്പെടുത്താനും ഹൃദയസംബന്ധമായ ആരോഗ്യത്തെ സഹായിക്കാനും രക്തചംക്രമണം മെച്ചപ്പെടുത്താനും ഉപകരിക്കുമെന്ന കാര്യം നമുക്കറിയാം. എന്നാൽ നമ്മുടെ കണ്ണുകളുടെ കാര്യമോ? കണ്ണുകൾക്ക് വേദനയോ, കാഴ്ചശക്തി മങ്ങിയത് പോലെ അനുഭവപ്പെടുകയോ ഒക്കെ ചെയ്യുമ്പോഴാണ് പലപ്പോഴും സംരക്ഷിക്കുന്നതിന് കുറിച്ച് പലരും ചിന്തിക്കുന്നത് പോലും.

കംപ്യൂട്ടർ വിഷൻ സിൻഡ്രോം
കമ്പ്യൂട്ടർ സ്ക്രീനിൽ പ്രവർത്തിക്കുന്ന 50 ശതമാനം മുതൽ 90 ശതമാനം വരെ ആളുകൾ ഡിജിറ്റൽ ഐ സ്ട്രെയിൻ എന്നറിയപ്പെടുന്ന (സിവിഎസ്) ലക്ഷണങ്ങൾ കാണിക്കുന്നുവെന്ന് പഠനങ്ങൾ സൂചിപ്പിക്കുന്നു. കൂടുതൽ സമയം സ്‌ക്രീനിൽ നോക്കിയിരിക്കുന്നത് തലവേദന, വരണ്ട ചുവന്ന കണ്ണുകൾ, കണ്ണിൽ നിരന്തരമായ ചൊറിച്ചിൽ, കണ്ണിൽ നീറ്റൽ, കാഴ്ച മങ്ങൽ എന്നിവയ്ക്ക് കാരണമാകുന്നു. സ്ക്രീനിൽ നിന്നുള്ള നിരന്തരമായ മിന്നലും തിളക്കവും നിങ്ങളുടെ കണ്ണുകൾ കൂടുതൽ കഠിനമായി പ്രവർത്തിപ്പിക്കുകയും കണ്ണിലെ പേശികൾക്ക് കേടുപാടുകൾ വരുത്തുകയും ചെയ്യുന്നു.

സാധാരണയായി, ഒരു മിനിറ്റിനുള്ളിൽ, നാം 16 മുതൽ 18 തവണ വരെ കണ്ണുചിമ്മുന്നു. എന്നാൽ നിങ്ങൾ സ്ക്രീനിൽ വായിക്കുകയോ തുറിച്ചുനോക്കുകയോ ചെയ്യുമ്പോൾ, നിങ്ങൾ ഏകദേശം 8 – 10 തവണ മാത്രം കണ്ണടയ്ക്കും. കണ്ണുചിമ്മുന്നത് വളരെ പ്രധാനമായിരിക്കുന്നത് എന്തുകൊണ്ട്? നമ്മൾ കണ്ണുചിമ്മുമ്പോൾ കോർണിയയിൽ കണ്ണുനീർ പടരുന്നു. കണ്ണുകൾക്ക് ആവശ്യമായ പ്രോട്ടീനുകളിൽ ചില പ്രോട്ടീനുകൾ കണ്ണീരിൽ അടങ്ങിയിരിക്കുന്നു. ഇടയ്ക്കിടെ കണ്ണുചിമ്മുന്നത് നമ്മുടെ റെറ്റിനയുടെ ഒരു ഭാഗമായ മാക്യുലറിന് വിശ്രമം നൽകുകയും ചെയ്യുന്നു.

കണ്ണിന്റെ ആരോഗ്യത്തെ ദോഷകരമായി ബാധിക്കുന്ന കാര്യങ്ങൾ
വായു മലിനീകരണം, താപനില വ്യതിയാനങ്ങൾ, അൾട്രാവയലറ്റ് വികിരണം എന്നിവ ആരോഗ്യകരമായ കാഴ്ചയ്ക്ക് അപകടകരമാണ്. ജങ്ക് ഫുഡ് കഴിക്കുന്നത് അല്ലെങ്കിൽ കൊഴുപ്പ് കൂടിയ ഭക്ഷണം, മദ്യം, പുകയില, ശോഭയുള്ള വെളിച്ചത്തിൽ ദീർഘനേരം നോക്കി നിൽക്കുക തുടങ്ങിയ മോശം ജീവിതശൈലി ശീലങ്ങൾ കണ്ണിന്റെ ആരോഗ്യത്തിന്റെ തകർച്ചയുടെ വേഗത വർദ്ധിപ്പിക്കുന്നു. ഉദാഹരണത്തിന്, പുകവലി പോലുള്ള ഒരു ശീലം രാത്രി കാഴ്ച കുറയ്ക്കുകയും ചെറുപ്രായത്തിൽ തന്നെ, ചിലപ്പോഴൊക്കെ 28 വയസ്സിന് മുമ്പ് തന്നെ കണ്ണിന്റെ തകരാറുകൾക്ക് കാരണമാവുകയും ചെയ്യും.

കണ്ണുകളുടെ ആരോഗ്യം സംരക്ഷിക്കുന്നതിനുള്ള പൊടിക്കൈകൾ

പാമിംഗ്

ആയുർവേദത്തിലെ ഒരു പുരാതന വിദ്യയാണിത്, ഇത് കണ്ണുകൾക്ക് തൽക്ഷണ ആശ്വാസം നൽകുന്നു, ആദ്യം, നിങ്ങളുടെ കൈപ്പത്തികൾ ഒരുമിച്ച് ചേർത്ത് ശക്തമായി തടവുക. നിങ്ങളുടെ കണ്ണുകൾ അടച്ച് ചൂടുള്ള കൈപ്പത്തികൾ നിങ്ങളുടെ കണ്ണുകളിൽ വയ്ക്കുക. നിങ്ങളുടെ കൺപീലികളിൽ സമ്മർദ്ദം ചെലുത്താതിരിക്കാൻ നിങ്ങളുടെ കൈപ്പത്തി കപ്പ് പോലെ പൊത്തിപ്പിടിച്ചു എന്നത് ഉറപ്പാക്കുക. പതുക്കെ ആഴത്തിൽ ശ്വാസം എടുത്ത് നിങ്ങളുടെ മൂക്കിലൂടെ ശ്വാസം കളയുക. ഏകദേശം 2 മുതൽ 3 മിനിറ്റ് വരെ ഇത് ചെയ്യുക. പാമിങ് പരിശീലിക്കാൻ ഏറ്റവും നല്ല സമയം രാത്രി ഉറങ്ങുന്നതിന് മുമ്പാണ്. ഇത് ഉറക്കത്തിന്റെ ഗുണനിലവാരം വർദ്ധിപ്പിക്കും.

ഐസിംഗ്
കണ്ണിലെ അമിത ചൂടിനെ പ്രതിരോധിക്കാൻ പഞ്ഞി അല്ലെങ്കിൽ കോട്ടൺ ബോൾ പനിനീരിൽ മുക്കിവച്ച്, ഇത് കണ്ണിന് മുകളിൽ വച്ച് ഏകദേശം 5 മിനിട്ട് കണ്ണടച്ചു വയ്ക്കുക. ഇത് ഉടനടി ഏതെങ്കിലും ബുദ്ധിമുട്ടിൽ നിന്ന് കണ്ണിന് ആശ്വാസം നൽകും.

കുളിക്കുന്ന വെള്ളം
മൂലകങ്ങളിൽ, കണ്ണ് വെളിച്ചവും അഗ്നിയുമായി ബന്ധപ്പെട്ടിരിക്കുന്നു. അതിനാൽ, കണ്ണിന്റെ നല്ല ആരോഗ്യം നിലനിർത്താൻ, കുളിക്കാൻ ഉപയോഗിക്കുന്ന വെള്ളം വളരെ ചൂടുള്ളതോ വളരെ തണുത്തതോ ആവരുത്, മറിച്ച് ചെറുചൂടുള്ളതായിരിക്കണമെന്ന് ആയുർവേദം ശുപാർശ ചെയ്യുന്നു. നല്ല ചൂടുവെള്ളത്തിൽ കുളിക്കുന്നത് അഗ്നി മൂലകത്തിൽ അസന്തുലിതാവസ്ഥ ഉണ്ടാക്കുന്നു.

മുദ്രകൾ

ഇവ വളരെ ലളിതമായ കൈ ആംഗ്യങ്ങളാണ്, നിങ്ങൾക്ക് മിക്ക മുദ്രകളും കിടന്നുകൊണ്ടോ ഇരുന്നുകൊണ്ടോ ചെയ്യാം. എന്നാൽ സാധാരണ ശ്വസനത്തിലൂടെ പോലും നിങ്ങൾ ഫലം കാണും. ആയുർവേദത്തിൽ ഫലപ്രദമായ രോഗശാന്തി രീതിയാണ് മുദ്രകൾ. വിരലുകളുടെ അറ്റങ്ങൾ പ്രത്യേക രൂപങ്ങളിൽ പരസ്പരം സമ്പർക്കം പുലർത്തുന്നതിലൂടെയാണ് ഇത് ആവശ്യമുള്ള ഫലം നൽകുന്നത്. ശ്വസന വ്യായാമങ്ങൾക്കൊപ്പം പരിശീലിക്കുമ്പോൾ, അത് ശരീരത്തിലെ ജീവശക്തിയുടെ ഒഴുക്ക് വർദ്ധിപ്പിക്കുകയും ഏതാനും മിനിറ്റ് പരിശീലനത്തിലൂടെ നിങ്ങളെ ഊർജ്ജസ്വലമാക്കുകയും വിശ്രമമേകുകയും ചെയ്യുന്നു.

പ്രാണ മുദ്ര
നിങ്ങളുടെ നട്ടെല്ല് നിവർത്തുക, ശരീരം വിശ്രമിക്കുക, കണ്ണുകൾ അടയ്ക്കുന്നതിന് മുമ്പ് നിങ്ങളുടെ കൈപ്പത്തികൾ മടിയിൽ തുറന്നിടുക. നിങ്ങളുടെ ചെറുവിരലിന്റെ അഗ്രവും മോതിരവിരലും തള്ളവിരലിന്റെ അഗ്രത്തിൽ സ സൗമ്യമായി ചേർത്ത് നിങ്ങളുടെ മറ്റ് വിരലുകൾ നേരെയാക്കുക. സാധാരണ പോലെ ശ്വസിക്കുക. ഏകദേശം 15 മിനിറ്റ് നേരത്തേക്ക് ഈ പ്രാണ മുദ്ര പരിശീലിക്കുക. ഇത് കാഴ്ച മെച്ചപ്പെടുത്താനും കണ്ണിലെ അസ്വസ്ഥത സുഖപ്പെടുത്താനും സഹായിക്കുന്നു.

നിങ്ങൾക്കായി ഒരു ചെക്ക്ലിസ്റ്റ് ഇതാ
* ശരിയായ അകലത്തിലും വെളിച്ചത്തിലും വായിക്കുക.
* ഇരുണ്ട മുറിയിൽ മൊബൈൽ ഫോണോ ലാപ്ടോപ്പോ ഉപയോഗിക്കരുത്.
* ഒരു യാത്രയ്ക്കിടെ പ്രതിരോധ കണ്ണടയും ഹെൽമെറ്റും ധരിക്കുക.
* കഠിനമായ /ശക്തമായ ഒരു പ്രകാശ സ്രോതസ്സിലേക്ക് തുറിച്ചുനോക്കരുത്.
* പതിവായി കണ്ണുകൾ കഴുകുക.
* കാഴ്ച്ച മെച്ചപ്പെടുത്തലിനായി പച്ചപ്പും പ്രകൃതിയും ശ്രദ്ധയോടെ കാണുക.
* ഏറ്റവും പ്രധാനമായി, നിങ്ങളുടെ കണ്ണുകൾ തിരുമ്മുന്നത് ഒഴിവാക്കുക- അവ നിങ്ങൾക്ക് ദീർഘകാലം നിലനിർത്തേണ്ടതുണ്ട് എന്നത് ഓർമ്മിക്കുക.

നേത്രരോഗങ്ങൾ ഒരു മുന്നറിയിപ്പ് നൽകിക്കൊണ്ട് വരുന്നില്ല. ലക്ഷണങ്ങൾ സാധാരണയായി പെട്ടെന്ന് പ്രത്യക്ഷപ്പെടുകയും പെട്ടെന്ന് വഷളാവുകയും ചെയ്യും. ഡയബറ്റിക് റെറ്റിനോപ്പതി അല്ലെങ്കിൽ ഗ്ലോക്കോമ ഉള്ളവർ അതിന്റെ ശൈശവാവസ്ഥയിൽ കാഴ്ച പ്രശ്നം പോലും ശ്രദ്ധിച്ചേക്കില്ല. പെട്ടെന്നുള്ള മങ്ങൽ അല്ലെങ്കിൽ നിറങ്ങളും നല്ല വിശദാംശങ്ങളും കാണാനുള്ള ബുദ്ധിമുട്ട് പ്രായവുമായി ബന്ധപ്പെട്ട മാക്യുലർ ഡീജനറേഷന്റെ (എഎംഡി) ലക്ഷണങ്ങളാണ്. ഒടുവിൽ ഈ രോഗങ്ങളിൽ ചിലത് അന്ധതയ്ക്ക് പോലും കാരണമായേക്കാം. അതിനാൽ കണ്ണുമായി ബന്ധപ്പെട്ട ഏത് തരം അസ്വസ്ഥതയും തുടക്കത്തിലേ തന്നെ ശ്രദ്ധയോടെ കൈകാര്യം ചെയ്യണം.